عودة_للأنتقام

51

#عودة_للأنتقام 51
(غسـق) Misho mohammed
•
•
•
•
•
•
•
•
•
•
•
•
جابر مقعمز مع لؤي يتفحص ف رسال ف هاتف وكذا
رن هاتف لؤي
لؤي: نعم
اسعد: عمتي اتصلت بيا برا شوفها
لؤي: معاي جابر ف الحوش
اسعد: مش عيل جابر سيبه خمسه دقايق تنفز لعمتك نفختهم شوف شن بديرلها وروح
لؤي وقف:تمام.. وصكر الخط
لؤي: عندنا عمه طلباتها هلبا بنمشي نشوفها ونجي
جابر ناض: بنطلع ندير دوره بسيارة
لؤي حلفله: لا اسعد قالي تقعد اهو نجيبلك فطورك هيا خمسه دقايق نمشيلها ونجي بس
جابر: قريبه عمتك.؟ خمسه دقايق ماتجيش بنطلع
لؤي: تمام.. وطلع جاب سفرة الفطور حطها وطلع ولع سيارته ومشي
رن هاتفه
جابر: هاا
ديجور: خليك غادي شدوه والشرطة معششه تبي تعرف القصة
جابر: قاعد اكيد مش حانخليهم يحصلو فيه
ديجور: درت دورتك ف المكان
جابر: اي مافيش عندهم ابيار وتاكدت ان مافيش حفر يعني مدار شي هني
ديجور: ردبالك ولو صار شي كلمني يبدا عني علم
جابر: مادور شي(سكت تواني)
اءءء بوي انت ترقد ف حوشنا يعني بوي معاك؟
ديجور: اي ف حوشنا توا كيف طلعت معاه العامل
جابر: ادويته
ديجور ابتسم: يعرف مصلحته شفت يفطر وياخد ف حبوب
جابر: تمام هي ماشي.. وصكر الخط
جابر تنهد براحه وفطر
دقايق وطق الباب البراني جابر ناض طلع لقي شاب غريب بسيارته وف ايده كيس
جابر فتح الباب: خير؟
....: الطلبيه.. ومدله الكيس
جابر استغرب خدي الكيس: كم حسابك؟
حاسبه وخش وهو مايعرفش حتى لو طلبيتهم بجد او لا
خش وقعد يطق ع باب الحوش
طلعتله عائشة لابسة برنوص ع راسها: نعم
جابر مدلها كيسه سوداء: طلبيتك؟
عائشة خدتها: اي لؤي كان عنده علم بيها كان حايستلم
جابر غاض بصره مقامش عيونه فها: انا طالع لؤي مهناش... ومشي
عائشة قعدت ع الباب تشوفله طالع خشت خدت السفره ونضفت المطبخ
وجابر قعد مقعمز ف سيارته قدام الحوش خطرت عباله لم طلعت لجنان معاها سديم واوس قام ايده وبدي يعد: بيني وبينها 13سنه
قعد سرحان ف السيارة
مرت ساعه بكبرها
جابر نزل ومتوقع ان تكون داخل خاش يحط هاتفه ف الشحن بس
عائشة نضفت الدنيا داخل وكملت وطلعت تكنس المربوعه حطت البخور ع الطاولة وبدت تكنس
وهي تكنس كانت لابسة البرنوص بس لم سمعت صوت الباب عرفاته هو بيكون خولت البرنوص من راسه وطلعت شعرها من تحت التوتة كان ديل طويل وكملت تكنس وهيا مش عارفه روحها علاش دارت الحركه الزفته هادي
جابر خش للمربوعه عطول لقاها قدامه جت عينه ف عينها تجاهلها وشاف شحنه ملوح جنب الضي قرب ركبه
عائشة لبسة برنوصها خدت المكنسه وخشت وسيبت المبخره
وخشت

.
.

شاهين: عندي كورس بكري ماشي انا بما ان الامور تمام
يوسف: لا عادي شو خدمتك مادورش
شاهين: سلام
ميرا دارتله باي
يوسف وميرا قعدو ف السيارة
مقعمز ف السيارة ف حجره ميرا وباب السيارة مفتوح
ميرا شافتله: امتى بنروحو ز شاحين
يوسف: قلقتي ياقلبي
ميرا: اعيي هني
يوسف: وبي تخشي
ميرا: لا
يوسف: نمشو للمطعم
ميرا بملل: لااء
يوسف: وين تبي امالا
ميرا: نروحو
يوسف فتح ايبادها: اهو ايبادك العبي
ميرا شافتله وسكتت
يوسف: مانقدروش نروحو
ميرا دبلت عيونها: نبي نروحوو بـ الله عليك هياا
يوسف فكر ان يروح بيه بجد ويحول الدم ويخلي ميرا تغير ملابسها ويرجعو ولع ومشو روحو خلها ف دارها وحول الشرشف داره ف كيسه غير شرشف تاني
ورن هاتفه
يوسف لقي رقم شهد بس هو متوقع انه تكون سهيله: ايواه
شهد بصوت واطي: وسيفا انت لوطى؟
يوسف: االحمدالله ع سلامتك ياقلبي... لا روحت معاي ميرا
تبي شي؟
شهد: يوسف انا مش مجهزه شنطة ولادتي حتى ملابس مُهيب مش كاملات
يوسف: قتلك اشريله قلتيلي مرات يطلع بنت شن بنديرلك؟
شهد: توقعت يطلع بنت باه شن بندير انا توا
يوسف: تبي نمشي نشريله انا؟
شهد: مش حاتعرف تشري الحاجات المهمه
يوسف: اسمعي كلمي اختك وانا نكلم ايمن نعطيه مبلغ ويطلعو هما يشرولك واختك اكيد حاتعرف تشري احسن مني
شهد: اهاا اي تمام تو نكلمها انا ماكلمتهاش اصلا
يوسف: خلاص دقايق ونمشي لـ ايمن كلمها
شهد: رد بالك ع ميرا
يوسف: ف عيوني
شهد صكرت
واتصلت بـ زينه
زينه تتفرج ع التلفزيون ردت: الوو
شهد: زينه
زينه: خيره صوتك مريضة؟
شهد: ياريت انا ف المستشفى جبت
زينه ضحك: االله جبتي خلاص يعني؟شن جبتي
شهد: جبت ولد اسمعيني
زينه: االحمدالله سلامتك كيف حاله 
نعم نسمع فيك
شهد: كويس الحمدالله.. انتي عارفة ان ولدي سبيعي يعني مش ولد تسعه وانا مالحقتش ناخدله حاجاته يعني حتى الحاجات لخديتها هكي توت خارجي بس نبيك تطلعي تشريلي انتي ملابس داخليه ليه ومستلزماته
زينه: شاهين بيجيني؟
شهد: لا يوسف حايكلم ايمن قلت لماما هيا تمشي تشري مبتش قتلي ماتبيش تخليني بروحي ولو ماتقدريش تطلعي انتي تعاليلي وماما تمشي مع يوسف تشريلي
زينه: اهاا تمام تو نشوف ايمن ونكلمك
شهد: تمام.. وصكرت
.
.