عودة_للأنتقام

25

#عودة_للأنتقام 25
(غسـق) Misho mohammed
•
•
•
•
•
•
•
•
•
•
•
•
•
ديجور: لو تبطل تحكي ع البنت وتشتغل ع نفسك احسنلك من الدحنسه لـ بلافايده
وسيم شاف الورقه: يعني خلاص تظحت مش حاتوقع؟
ديجور شاف الشرطي: لو مدخلتنيش لزنزانتي حانوكله الورقه
الشرطي خداه وخشو
ديجور خش لزنزانه المنفرده قعمز مع تنهيده وتسرفق الباب شرطي صكر الباب ومشي
ديجور بملل: استحاله فرج (تغيرت نضرته لغضب) وهديكا عارفتني لفيا مش مكفيني ماشيه باكتتلي اللوح لبرا يقنعني ناقص انا
(تنهد) ان شاء الله معاد نطلع ان شاء الله ننحكم مؤبد

سكت

وبدي العذاب الداخلي (الذكريات)
انه ف يوم سيب خوه وعيلته عشان يمي يزور صاحبه ومش هكي وبس يساعد فيه ف الجيم ليخدم فيه
سيب اربعه اصاحب ز الخوت عنده عشان صاحب واحد بينهم الف لحظه ولحظه
ضحك. نكد. عراك. ماكله. صلاة 💔
دارو مشاكل مع بعض
وسببو مشاكل لغيرهم مع بعض
يعني ع الصالح والطالح مع بعض

نتهي تفكير بتهيده ومسح ع وجها
ديجور: الناس برا وسخه 💔

.
.

وسيم رجع لسهى
سهى شافتله وعندها احساس 90% انه حايرفض
وسيم حط الورقه مقلوبه ع مكتبها بدون مايتكلم
سهى تشوفله: عارفه شن لصار بدون ماتقولي
وسيم: هدا واحد قليل احترام بجد مااحترمنيش بكل ولاكأنه شخص جاي عشان مصلحته حاول يتهجم عليا
سهى ذبلت عيونها وهي تشوف للورقه: عارفه
وسيم: كيف حاتتصرفي توا
سهى شافتله: اكيد مش حانصف ع جنب ونسكت بس لاني حاولة
وسيم: انتي منين تعرفيه هدا را مش حسيته متعصب او مضايق المهم قالب وجها
سهى سكتت
وسيم: الوو
سهى: خلاص وسيم انت درت لـ عليك مشكوره
وسيم وقف: خلاص تمت مهمتي
سهى: اي شكرا
وسيم: ولايهمك كانت بينا خدمه خدمتيني وخدمتك وبس موفقه
سهى ابتسمت
وسيم طلع
سهى تنهدت وهي مقعمزه حطت ايدها ع جبينها: اخخ يايزيد لو شفت لـ انا شفته كنت تتمنى عمرك ماتطلع
بيئتك مش نظيفه نهائي اصحابك ناس سامه
زينه خشت وفي ايدها كيس من كافي: هااي
سهى شافتلها: واخيرا تلاقينا... ناضت وسلمو بضحك
زينه حطت الكياس ع الطاولة: اي نورت المكان طبعا
سهى سرحت ف زينه وربطت احداثها بـ احداث ديجور ف داخلها: معقولا بعد اكل وشرب وضحك وكل شي يهون ضمير الشخص ويغدر بصاحبه 💔
زينه مررت ايدها يمين يسار: ويننن سرحتي
سهى: راسي مصدع يازينو
زينه شافت المكتب الوراق والحوسه: عندك خدمه؟ عادي عادي زينه لديكم لا نكد عليكم
سهى قعمزت: تفضلي قعمزي
زينه قعمزت: انسي الخدمه سهى مش وقتها
سهى تعصبت: شن ننسى زينه بعقلك لبيتحاكم مش شخص عادي مش عابر

. سهى حاكله لصاحبتها زينه ع مساعدت شخص وكذا بس بدون ذكر اسمه المعروف تقول يزيد وزينه ماركزتش بكل اساس ديجور معروف هدا اسمه
ع العموم تعرف كللل شي زينه وسهى تحكيلها اول بأول
بس زينه تعرف ان يزيد ليعرف سهى محبوس بس معندهاش علم ان ديجور صاحب شاهين نفسه محبوس.