عودة_للأنتقام

32

#عودة_للأنتقام 32
(غسـق) Misho mohammed
•
•
•
•
•
•
•
•
•
•
•
•
•
سهى طلعت لجداها تحكيلها لانه لو حكت لـ امها، امها مش معبره
دنيا قعمزت تبكي ع سريرها وصلتها رساله من هاتفها
امجد:(انا من الصبح مخليك seen نحساب روحي رديت عليك)
دنيا شافت لرسالة ومعاش ردت
امجد بعتلها فويس وهو يسوق(بتخليني seen ماتبيش تردي عليا)
امجد بعت فويس تاني وهو يسوق(اول شي نوضحلك فايق متاخر وشفت رسالتك الصبح نحساب روحي رديت وزحمة عندي خدمة وتوا كيف طالع وانا ف بالي ان راد عليك)
دنيا معاش قامت الهاتف قعدت تفكر ف روحنا وتجاهلاته

.
.

ديجور كيف طالع من الكافي متعه هو طلع وامجد درس ياخد قهوته: خدمه؟
ديجور شافله: اهلا لاخدمه لا شي جاي نشوف الوضع وماشي
امجد: نظمها يوسف صيدليته؟
ديجور: اي كملها غذوا يفتح ممكن ولا لبعده
امجد: مليح
ديجور: هدا المرواح؟
امجد: هدا المرواح جتني بعته برا الايام الجايه ماشي
ديجور: بعتت شني قرايا؟
امجد: محاضرات علم نفس الدكتور لمقريني برا كلمني وبنمشي نغير الروتين
ديجور: قداش بتقعد؟
امجد: المحاضرات 3 بس اسبوع ممكن لكن انا بنزيد اسبوع من عندي
ديجور خطرت عليه ان امجد يكلم ف اخت سهى حك لحيته بـ ارتباك: اهء بنسالك من باب الفضول تمام
امجد هز راسه: شني؟
ديجور: عيلة حسام مش مشو من هني !!
نبي نعرف علاش رجعو؟
امجد: من قالك رجعو مارجعوش
ديجور: انت قاعد متواصل... قاطعه
امجد: اي قاعد مش لعب هو قاعد لكن مافيش منها الدوه لو رجعو كنت عرفت
ديجور سكت
امجد: من قالك انت؟
ديجور: انسى انسى اكيد كذب هي خش خود قهوتك ماشي.. وركب سيارتها هرب ومشي
امجد حسس بشك رجع لسيارته قعمز خدي هاتف اتصل بـ دنيا بس ماتردش بعتلها( لم تفتحي كلميني)
قعد ف سيارته شاك
امجد: معقولا ترجع بدون ماتحكيلي
.. ولع سيارته ومشي لشارعهم الساعه 11
وصل لشارعهم شاف حوشهم ضاوي شبابيكه من برا
امجد تعصب: علاش ماقلت ليا مع ان عرفه برجعتها حانفرح
رن هاتفه
دنيا بصوت متعصب: الو
امجد: فضيتي روحك
دنيا: فاضيه بس الهاتف كان صامت
امجد: دنيا
دنيا: نعم
امجد: قبل ماتمشي شن قتلك انا ترا متذكره؟
دنيا بتوتر: شنو قلت مافي شي ف بالي
امجد تعصب: دنيا وقتها واخدلك هديتك تخرجك وز اليوم هدا ف الليل كلمتك وقلتيلي ماشيه
كنت مقايلك ان الليلة نفسها لطلعتي فها كنت حانحكي لعيلتي عليك
وحانهديك هدية تخرجك ونسالك وانتي قدامي.. قاطعاته
دنيا: امجد علاش تعاودلي ف الكلام نفسه
امجد تعصب بضيق: دنيا حرقتيلي اعصابي بهدوئك را
دنيا: امجد مشفاهمه منك شن تبي توصل بس العبره ان انا مش طايقه روحي.
روحي مش طايقتها تمام
تصبح ع خير... بتصكرالخط
امجد بصدمه: انا قدام حوشك
دنيا فتحت عيونها ع وسعهم: شني؟
امجد سكت
دنيا بصدمه ناضت فتحت شباك دارها
امجد: انتي شن قاعده ادسي شن صاير من وراي؟(فلتش بضي السيارة) اهي سيارتي نشوف فيك
دنيا شافت الفلتشه ف نهاية الشارع: انت منين عرفت ان انا رجعت.. قاطعها
امجد متعصب: مش منك
مع ان انا لنطلب انك ترجعي وانتي طلعتي راجعه وساكته
ماتبينيش نطلبك؟
دنيا تعصبت: امجد ماتبالغش تمام انا ملياش يومين جايه
امجد تعصب عيط علها: ومن امبارح ساهر معاك ونكلم فيك مش خاسره تقوليلي
دنيا تنهدت
امجد متعصب: ماتتنهديليش ولو ليك ساعه واصله اقل شي تقوليلي
دنيا: امجد انا ماعنديش خلوق نبرر ولا نتكلم حرف تمام لانه اعصابي ف شيشية حانهدى و... قاطعها
امجد: اي بري صممي كذبه وتعالي وقوليهالي
انا *** لحارق دمي جعني لعرفت.. وصكر الخط
دنيا حدفت الهاتف ع السرير وقربت لشباك تشوفله لو مشي اولا لقاته قاعد سيارته
امجد اعصاب تالفه: علااش؟!
دنيا صكرت الشباك بتقربيع: انا علاش حارقه دمي بروحي تعالي واعرف حتى انت يعني لعند امتى بنقعد ساكته
خدت الهاتف وهي متعصب وقربت للباب صكرت بلمفتاح
دنيا اتصلت بس صكر علها
دنيا (رد امجد مش تبي تعرف)
رجعت اتصلت وصكر علها تاني
دنيا رجعت اتصلت ورد
امجد بهدوء: تمام خودي وقتك بس ف النهاية حاتحكيلي المهزله لديري فها بتفصيل وكل شي قاعده اديري فيه نبي نفهمه ونقتنع
دنيا تعصبت: اي افتح وذانك واسمع يادكتور
من حاب تسمع من البداية او من النهاية؟
امجد سكت تواني: من الاخير
دنيا: اي يلا نحكيلي من الاخير
حني وصلنا غادي ومن رابع يوم الناس بدت اضايق فينا بكلام وين اماليهم وكيف 4 زوز نساوين وزوز بنات بروحهم المختصر مافيش ولاذرة قبول غادي تمام وغير الحركات والشبحات ف الشوارع
ورجعنا وانا سكتت لانه انت عششت تبيني نقنع امي ترجع وجي خاطري مانقولكش بلعكس نفاجأك وراجعه فرحانه وبنخطط كيف حانفاجأك بطريقة حلوة وبدل ماانا نفاجأك بوي جي وفاجأني بـ انه انا فاتحتي حاتنقرا ع ولد عمي زياد وفوق هكي انا لتفاجأت انك تعرف برجعتي.. قاطعها
امجد رمش عيونه: انتي مخطوبة؟ فاتحة شني لبيقروها
دنيا: فاتحة جنازتي ف نظري بس ف نظرهم هما فاتحتي عرسي
امجد ضحك بهزوه: وسكتي طبعا انتي (عيط علها) وقاعده ساكته
دنيا تعصبت عليه: شن ندير نمشي نترجاهم؟
امجد بعصبيه: من بتترجي تِ ترفعي دعوة ع العيلة المزبله هادي يعطيني انا دعوة ترفعني
دنيا سكتت
امجد: انزليلي دنيا
دنيا بصدمه شافت باب دارها: شني؟
امجد: انزلي 5دقايق نبي نقولك كلمتين ف وجهك
دنيا: امي... قاطعها
امجد: انزلي لجنان حوشكم انا نخشلك انزلي دنيا بتخلينيش نفصل عليك هدوئك هدا بيجلطني انزلي.. وصكر الخط
دنيا قلبها بيطلع صوت دقات قلبه مسموعه من الخوف وهي لابسة توتة صيفية تيشرت ابيض قصير وسروال اسود وشعرها شاداته بستيك اسود رقيق دايره كعكه ونازله ع وجها كم خصله ناعمه
خدت مصليتها حدفتها من الشباك ونزلت لقت وهي مسيبه امها وسهى وجداها فوق ف غرفة جداها يتناقشو ع لصاير
دنيا قربت للباب ونفتح
سهى فتحت الباب متعصبه: انتي زودتها ماهو قولي مانبيش بناتي وتمت
اسماء قربتلها: نعم؟
سهى تلفتت شافت امها قدام دنيا: شن نعم شن جو الوسخ لديري فيه مش غصب تزوجها مش بكيفك حتى لو كنتي امها دنيا هي لبتعيش مش انتي هي لتاخد قرارها مش انتي
اسماء شافت دنيا: تكلمي انتي قوليلها موافقه تكلمي
دنيا ز المسبوها: اءء خاطري ف شاهي بننزل ناخد من الزريعه لجبتها نعناع ونديرلكم شاهي.. ونزلت تجري
اسماء: شفتي
سهى خشت لدار وصكراته
واسماء رجعت لـ امها
دنيا نزلت تجري
امجد واقف ف الظلام ومتكي ع صور الجنان شافها طلعت ربع ايديه ومتعصب ومتكي ع الحيط
دنيا كانت بتمشي قبل مايجي تاخد المصلي من تحت شباكها
امجد من الجهة التانيه شافها بتمشي لجهة التانيه: انا هني وين ماشيه
دنيا وقفت يبست ف مكانها حدفت المصليه عشان تستر روحها وماتقدرش تنزل بها لو نزلت بها بيقولو وين ماشيه علاش مصليه ف الجنان
دنيا تلفتت شافتله وشافت شبابيك حوشهم فوق قربتله اشرت ع زواية ف الجنان مافيش فوقها شبابيك ولا شي ومظلمه: حايشوفوني تعالى غادي
ومشو لزواية
امجد يشوفلها ومتعصب: نخنقك هني نقتلك ولا شن ندير
دنيا: ماكنتش نعرف ان يصير شي ز هدا يعني بوي يقدر يقرا فاتحتي بدون موافقتي
امجد متعصب: اول مره نحط روحي ف وقف ز هدا هي كلمة وحده دنيا اتي تبيني ز ماانا نبيك
دنيا تحشمتت بدتت تتلفت بخوف ورجعت شافتله وساكته
امجد هز راسه: شنو؟
دنيا بلعت ريقها وتشوفله: نقول توا؟
امجد لف وجها ع جنب وضحك عرفها متحشمه ورجع شافلها: هدا هو لبيجيب اخرتك سكوتك شايفه الهدوء هدا حايولي عليك توا تقولها انتي تبيني ز ما انا نبيك او لا
دنيا من توتر قام ايدها توكه ستيك اسود شعرها تعدل فها نزلت ايدها من شعرها: لو مانبيكش انت علاش ننزلك
امجد يشوفلها: تركبي تتصلي بـ بوك يبعتلك رقم ولد عمك وتبعتيلي رقمه
(يعدل ف كمام سوريته قام الكمام ويتني فيهم) وين يخدم تعرفي وين نقدر نلقاه؟
دنيا: مانعرفش شي عليه
امجد ابتسم: محلاك وتعرفي ولو كنتي تعرفي راني خنقتك.. قرب بحركه سريعة حول التوكه من شعرها
امجد قام حواجبه وشاف لتوكه: هادي حاناخدها.. وطلع
دنيا خشت وهي مفضوحه من خوفها وتوترها خشت ولقت امها قدامها بلعت ريقها وصكرت الباب
اسماء: اركبي اقنعي اختك اضمه فمها
دنيا: تمام.. وبتركب
اسماء: وينه النعناع يالاله
دنيا ركبت تجاهلتها خشت تجري لدارها وهي مبتسمه
سهى شافتلها: اي اقعدي اضحكي يامضحكه ياجبانه ياهزوه هدا وجهي كان مصارش فيك نفس لصار لـ امك
دنيا تجاهلتها فتحت درجها خدت كماشة شدت شعرها
سهى بهزوه: وفاتحه شعرك فرحانه انتي من جدك امالا علاش تبكي
دنيا قعمزت وهي توزع ف ابتساماتها: مش حايصير منها الفاتحه
سهى فنصت فها: شن درتي؟
دنيا سكتت وهي تبلع ف ريقها بفرح
وصلتها رساله
سهى جبدت هاتفها قرتها(ماتكلميش بوك ماتكلمي حد انا نتصرف .. ولد عمك نجوم السماء اقربله منك)
سهى ابتسمت شافت الاسم (امجد) فرحتلها بس محبتش تبين: التقه نسيبنا
دنيا: تعرفيه؟
سهى: نفسه الدكتور ولا؟
دنيا هزت راسه بخجل اي
سهى ابتسمت: لم درتي حادث ماشي جاي درهلي كبدي
دنيا سكتتت وجها احمرر
سهى ضحكت لانها اذكرت يزيد صاحبه: ان شاء الله يحلها