عودة_للأنتقام

40

#عودة_للأنتقام 40
(غسـق) Misho mohammed
•
•
•
•
•
•
•
•
•
•
•
•
•
سهى ضحكت بهدوء وتشوفله مسحت دموعها
ديجور مطبسلها: ولو تبي تكسريه وتبي يتعذب بدون ماتديري شي برضو حانوصي ناس اضايقه وتكرها ف اليوم لشاف الدنيا فيه
صبح وليل نخليه النوم مايشوفه
اطلبي عيوني وخوديهم انتي شن تبي بس ❤
سهى ابتسمت بخجل شافت المكتب خدت نفس تنسى بكيتها ورجعت شافتله ضحكت بهدوء: انت شنو؟
ديجور بجديه: سندك ومصدر قوتك القدام ❤
سهى مبتسمه تشوف ف ملامحه عيونه الحادة السوداء ز ظلام الليل وسماره الخفيف ولحيته المرسومه: قبل هدا كله انت قلبي ❤
ديجور وقف بجدية طق طقه خفيفه بصبته ع المكتب: طبعا عارف جوابك قبل ماتقوليه (شافلها) حاندورله حوش ونكلمك
ومش مجرد حوش عشان تكون الغصة اكبر هدا لو عنده ضمير وينغص
ودموعك ياعيوني لو مانخليشي يتأملك من بعيد ويوسوس داخله انا شن درت فيها مانكونش ديجور
سهى تتامل فيه وساكته
ديجور بجديه: مش حانخليه يعرف بوجودي جنبك وحانخليك اديري اي شي تبيه فيهم
حتى ولو كان بدون علمي مايهمش
(قام صبعه بتهديد) بس حطي ف راسك ان انا مخليك بكامل راحتك بس من اليوم نبي نعرف سبب اي خدش يخدشك نبي نعرف الصغيرة قبل لكبيرة ومش حادسي عليا شي
وقصة انك طحتي ع راسك وخيطهولك بسبب طيحه هادي ماتبيش تقوليلي علها بنفوتها بس ف الحديد بنعرف
سهى ساكته
ديجور: ماتسكتيش ادوي قولي تمام
سهى: تمام
ديجور رجع قعمز: مش ماشي ومخليك لعند توصل سكراتيرتك
سهى مبتسمه: ياربي صبرني عليه
ديجور ساكت
ديجور طلع هاتفه (حوشك لكنت ساكنه ف فترة زواجك قتلي سلمته لصاحبه صح؟)
ايمن ف الخدمه(سلمته ورجعت خديته قاعد فيه علاش؟)
ديجور(نبي حوش زيه)
ايمن(في الحوش لمقابل حوش عمي قاسم يعني جنب حوشنا هو برضو ايجار)
ايمن(علاش شن بدير بيه؟)
ديجور (عندك رقم صاحبه؟)
ايمن(منزل نشور ع الفيس تو نشوفه)
ديجور (ابعتلي صورة الحوش مدام منزله وابعتلي الرقم)
ديجور حط الهاتف وشاف قدامه يتهرب من ان يشوفلها: نعشق نشوفك تاخدي ف حقك ومطوله لسانك ع لمطاول عليك
(شافلها بجديه) في الجديد معاش تخلي ليطق بابك يعطي رايه ف خصوصيتك
ومش اي شخص تسمعيله
ولا عاد تتأثري بكلام حد
وردي بالك ف هادي ركزي ردي بالك تاخدي نصيحه من اي شخص ف مدار حياتك ايً كان ومن مكان
سهى ابتسمت: معادا انت
ديجور بجدية عدل تقعميزته: في الجديد لمايطق بابك بـ احترام ويطلب يخش بكل ذوق ردي بالك تتواضعي معاه وتتنازلي وتسمعيه سوء كان قريب او غريب او حتى شغل
شوفي روحك ع الكل
خليك ز ماتعرفت عليك لم كنتي شايفه روحك ومش قايمتيني من ارضي نبيك ز قبل بزبط
ماتخلي حد يكون صدقات من بنات معاك
خليك مصدقه روحك ولا اي شي ينقال عادي
ماتخليش ولا بنت تكون صدقات معاك ماتخليش ولا شخص يخدمك ولا تخدميه
تذكري انك عشتي بروحك ولـ انتي وصلتيله بروحك وبعد ماوصلتي ز ماانتي شايفه فاجآة بديتي شي مهم
بـ اختصار متحققي حلم حد ❤
سهى ابتسمت: لقاعد تحكي علها انها تكون هكي هي من الاساس هكي
عمري مارضيت اي حد يقرب مني او يخدمني بدون مقابل
ولاعمري قبلت هدية من حد
كبرت ع عقدة كره للزواج والرجاله والصداقه والحب والمجتمع
سهى بتقه: لقاعد تنصح فها شافت حاجات فسدتها من داخل وخلتها قاسيه من برا
ديجور ابتسم لتقتها بنفسها ووقف
سهى: وين؟
ديجور: شوفي شغلك (طق بصبعه ع الطاولة) حانتصرف بقصة الحوش سلام.. وطلع وصكر الباب وشاف السكرتيره نزل