عودة_للأنتقام

55

#عودة_للأنتقام 55
(غسـق) Misho mohammed
•
•
•
•
•
•
•
•
•
•
•
الرسبشن رجع وعنده صوره: هدا؟
ديجور شاف الصورة بلع ريقه: وينه؟
الرسبشن توتر: هدا لدور عليه
ديجور حس الرسبشن خايف: هو اي وينه؟
الرسبشن: برا ع ايدك اليسار تلقى دروج انزل لوطى اسأل يورهولك
ديجور نصعق لم قاله انزل لوطى لانه معروف ان لوطى التلاجه 💔
وقف ع جنب حس بتقل مش طبيعي ف جسمه مش قادر يتقبل ان هو ينزل طلع هاتفه تنهد وعقله مشوش اتصل بيوسف
ديجور: يوسف
يوسف: شن صار؟ لقيته؟
ديجور: لقيته
يوسف ضيق عيونه: خيرك تحكي توشويش باه اشحطه للاستراحه
امجد جبد الهاتف من يوسف كشخ ع ديجور: جيبه للاستراحه وينه وينه جنبك
ديجور: لوطى
امجد بعصبيه: قوله قالك امجد حاننفضك بضرب نخليك تتمنى روحك قعدين مالقيناكش
يوسف: مراد هدا بيكبر ف ودنك قوله بسم الله الله اكبر
ديجور تنهد تنهيده طويله
يوسف: خيرك انت؟
ديجور: يوسف *** انا ف المصحه خاصه مانعرفش حتى شن اسمها
يوسف: وباه
امجد: رحت حتى انت بابا؟
ديجور تنهد: شاك فيه جثه واحد عطاني صوره ليه قالي انزل لوطى ووريهم الصورة يوصلوك ليه
ومعروف شن في لوطى
يوسف شاف امجد
امجد بجدية: الرسبشن شن قال
يوسف: انزل غير انزل متفاولش ع الراجل انزل ديجور
ديجور ساكت
امجد كشخ عليه بصوت عالي: شن قالك لمصيبه لعطاك الصورة
ديجور: قالي انزل ياراجل
امجد سكت تواني
يوسف باعد توتر
امجد: انزل ديجور
يوسف: غير انزل
ديجور صكر عليهم مشي قرب لدروج خطواته تقيله نزل وخش لحجرة فيها دكاترة لابسين بالطوات بيض يحكو وفي جثمان ف الحجرة ع سرير
ديجور عيونه علقو ف الشخص المتغطي بـ الابيض
الدكتور قربله: تفضل في بينكم صلة قرابة؟
ديجور تحاهل الجثمان شاف الدكتور مدله الصورة: هدا وين؟
الدكتور جت عينه ف الصورة: هدا المجهول لنقلبت بيه السيارة تفضل معاي... وطلع الدكتور
ديجور طلع وراه: فهمني اول هو حي ولا ميت شن صار؟
الدكتور ماشي وساكت
ديجور تعصب: نكلم فيك
هاتف ديجور رن برقم امجد ديجور صكر عليهم
عاودله يوسف دار هاتفه صامت وتجاهل لعند وصلو ف فرفة بابها حديد من دون الغرف
الدكتور حط ايديه ف جيوبه: هو ف العناية المركزه يحتاج تحويل برا ليبيا الامكانيات الطبيه مش متوفرة ف ليبيا
ديجور: نبي نشوف باهي افتح
الدكتور خش لغرفة جنب العناية هادي وكانت فاضيه فيها شباك مرش يوري غرفة العناية: شوفي من الشباك ماتقدرش تخش
ديجور شافه كل وجها طوبوات خشمه وفمه وصدره وكدا جهاز جنبه شاف لدكتور: حالته خطيره؟
الدكتور بتعاطف: الاعمار بيدي الله ف النهاية
ديجور رجع شافله طلع من الحجره طلع هاتفه لقي كدس مكالمات من مراد وشاهين ويوسف وامجد
اتصل بـ شاهين
شاهين: هاا قالي خوك لقيته
ديجور نازل مع الدروج بخطوات سريعه: ف العناية اسمع شوف العيلة تجهزلنا جوازه السفر متعه الليله توا شاهين
شاهين: وين انت غير وين؟
ديجور طلع من المصحه شاف اللاسم: مصحة***** جنب ****
شاهين: جاي
ديجور: انت بذات ماتجيش قتلك توتيهم افهم مش وقت تشوفه بعدين تشوفه سقدنا وتيهم وتعالا
شاهين: تمام تمام.. وصكر الخط
مراد ع الخط رد
ديجور: الخُلاصه مراد ايمن ف مصحة خاصه اسمها**** ف العناية
مراد: علاش ف العناية؟
ديجور: قالب السيارة قالولي
مراد: شن وضعه؟
ديجور: زفت وضعه زفت.... وصكر عليه
.
.