عودة_للأنتقام

24

#عودة_للأنتقام 24
(غسـق) Misho mohammed
•
•
•
•
•
•
♡
سهى: ماتشرب شي منهم ومتاكل شي كله فخ بدات انت عاد وتاني شي ف الحبس لو طلبو عليك تحلق ماتحلقش من حلاقهم اطلب حلاق من عيلتك ويكون معروف وشعرك كله ينحرق ومتلوحش ولا شعره سامع ولا شعره
بعد ماتشرب او تاكل ف الحبس امسح اتار فمك من الطاسه ومن الكاشيك
ديجور ضحك: مايطلع منك ياسهى
سهى تعصبت: يزيد
ديجور: ها عيونه
سهى تعصبت: يزيدد القصة فها حبس ره وانت قاعد تضحك ولا هامك
ديجور ضحك:رسمي قلبي مات انا معاش لا نضايق لا شي لبيصير يصير اخرر همي صدقيني
سهى: باه انا نبي نرد وقفتك ز ماوقفت معاي
ديجور: ياودي انسي انسي انا موقفتش بس عشانك صراحتا يعني انا وقفت عشان مصلحتي برضو وصح نعترف ان ننشغل عليك ونخاف ان بسببي يصيرلك شي من عيلتك ونقعد وراك ونشوف فيك وين ماتمشي بس اعتبري انه كنا شركاء مش اكثر
سهى سكتت
ديجور قعمز ف كرسي ف الجنان:شوفي انا نقولك حايصير لو وكلتك محاميتي تمام
اول شي حاتلاحظي ان ف اشخاص تلقح فيك
وبزياده انا نبعد فيك عشان انتي مش ناقصه وبرضو لو صارلك شي وانا محبوس مافيش من ياخد حقك
وتتعرضي للمضايقه والمشاكل
انا مش حاننكر عمايلي وحاننحبس ف النهاية تمام
وبعد حبستي هادي ماولي تغيري سكنك و مكتبك واكسبي راحة بالك
سهى بغصه: انا مافي حد من عيلتي مسترجي يقرب مني لانهم مفكرين اني نهمك
وصح هما خايفين نشكي فيهم بس صدقني انت السبب الاول لخوفهم
ديجور: اهو شوفي بدون كثرت دوه مني لاني مانعرفش ندعم ولا شي تمام
حانكيلك قصة
في بنت تمام بنت بدون قوة بدون عمام لا خوال لا اب لا شي
البنت هادي بدون اي سند الكل حايتوقع ان البنت هادي حاتكبر وتكون عبده جبانه معدوة الشخصيه صح؟
بس لصار ان البنت كبرت ورممت نفسها بنفسها ووقفت وكانت هي القوة وهي سبب حماية عيلتها متخيله معاي بنت ها
كبرت البنت والف شي واجها وقرت وحلمت وحققت بدون دعم بدون شي
سُهى متستهينيش بـ قصتك انتي البنت لينقال علها كانت احسن من 100 راجل
ولشفته ولسمعته انا الناس مسمعتاش
ماكد يعرف ان وراى القوة والجبروت هدا البنت من داخلها منهاره
انا شفت دموعك لم اختك ف غيبوبة
انا لسمعت قصة شغلك ف تنظيف الصالات
انا لسمعت شهقتك وعبرتك
ومع هدا كله عندك عزة نفس عمري ماشفتها
هدا لنعرفه والخافي اعظم
ماتستهينيش بروحك ياسُهى ❤
سهى سكتت 💔
ديجور: كملي حياتك وماتخلي ولا شخص غريب يتقرب منك ماتعطي فرصه لحد يطبطب عليك تمام؟
ماتخلي يفرح معاك لنجاحاتك
ماتخلي حد يوقف معاك ف ضيقتك
ماتقبلي هدايا من حد لا هدايا مناسبة ولا بدون مناسبه
ماتعطي لحد وجه بكل خليك ز ما كنتي مش معبرتيني قبل تذكري خليك مع الناس ز مصار بينا قبل
خليك بروحك 🖤
سهى صكرت الخط ودموعها نزلو 💔

.
.
.

يوسف طلع ويسمع ف خوه كيف ينصح ف بنت قربله: علاش تقوللها اقعدي بروحك؟
مش اي حد يتحمل ان يقعد بروحه
ديجور مقعمز ويشوف ف هاتف المصكر: هادي مش اي حد ومش ز اي حد
يوسف ابتسم: يخليكم لبعض
ديجور حط هاتفه ف جيبه: اي مقتليش من البنت لمرتبط بها خمسه سنين؟ كذبه صح؟ وين ع اي ارتباط تحكي انت حتى هاتفك مايرنش
يوسف: انا مقلتش مرتبط قلت عندي من اكثر من اربعه سنين
ومارنش هاتفي ومش حايرن
لانه البنت تزوجت
ديجور: فالح مسترخص تخطبها؟ ومتزوجه وتقول خمسه سنين شن قاعد تعد انت؟ السنين لتعد فها مش ليكم
يوسف: من قال ماكنتش حانخبها؟ وتكلمت مع شاهين علها
ديجور شافله: اخت شاهين نفسها
اصبر قصدك نفسها ليومها جاب بنتها انت قاعد تبي هديكا؟
يوسف: مقلتش نباها
ديجور عيط عليه: انت حايس ف كلامك مش عارف تدوي مش عارف تتصرف انت بعقلك؟
يوسف: خيرني ؟؟؟
ديجور: خيرك !!
انت عارفين انك كنت تباها ووقتها عرفت بمرضك تراجعت ولم هي تزوجت حني وقتها كنا ف تونس اي لكن خلااص
البنت ز الصندوق بزبط صندوق مصكر لو امتلكه شخص وفتحه وشاف شنو فيه خلاااص وفهمك كفايه
يوسف: البنت ف وجهة نظرك صندوق يعني بعد فتره حايبهت الصندوق هدا حاتلوحه وتجيب غيره؟ البنت بدت صندوق؟
ممكن تكون البنت لتكلم فها ف وجهة نظرك صندوق
ديجور: البنات صناديق معادا البنت لكنت نكلم فها
وانا مش ديوث عشان نحكيلك تفاصيل علها
يوسف ضحك: ديوث !!
حسستني مرتك
يوسف شاف للباب الرئيسي شاف اضاءة شركى ازرق واحمر رجع شاف ديجور
يوسف: شن داير
ديجور شاف للباب تنهد مد الهاتف لـ يوسف: شد هدا لو شافو المكالمة بيني وبين البنت حايفكروها تشتغل معاي دسه
يوسف حط الهاتف ف جيبه
نطق الباب
ديجور ناض فتح الباب الرئيسي: اهاا
الشرطي: انت يزيد ولا يوسف حمدي
ديجور: ديجور انا
يوسف قرب لديجور: فهمني
ديجور شاف الشرطي: خير
الشرطي: ف شكوة عليك لو سمحت حاتجي معانا
ديجور: يلا.. وطلع معاهم
يوسف مش فاهم شي
رن هاتف ديجور
يوسف رد: هاا مراد
مراد: ديجور وين؟ قول لديجور يطلع جايينه
يوسف: خدوه شن قصته شن داير
مراد:****
يوسف تعصب: خيره شن داير
مراد: حمار خوك من الاخير دور شن يطلعه توا... وصكر الخط
يوسف صكر الباب الاستراحه وركب سيارته وهو قاعد ماتحركش
شاهين درس قدامه
يوسف نزل: بنمشو بسيارتك للمراد شاهين
شاهين يشوفله بستغراب: نكلموه يجي هني
يوسف: مش حايجيي شاهين هيا
وركبو ف السيارة
شاهين ولع: خيره... خيرك فاصل عليه
يوسف بمتعصب: جو سيارات شرطى خدو المريض ومراد اتصل بيه يقوله يطلع جايينه
شاهين: ديجور... ولع ومشو