عودة_للأنتقام

7

#عودة_للأنتقام 7
(غسـق) Misho mohammed
•
•
•
•
•
•
•
•
•
•
•
ايمن قاتله الجو حط طنجرة وحط زيت وحط بطاطا وخش لصالة
ومن الصالة نسي روحه حاطي طنجرة بطاطا ع النار ركب غير ملابسة لبس شي خفيف وقعمز ف داره فوق وقعد يتصل بـ امها ماتردش
وبدي يشم ف ريحة شياط نزل يجري وميلقاش اير الطنحرة راكب فها الناس عزقها ع الارض وطفئها بس المطبخ متعهم كان ابيض بسبب الحريقة الصخيره هادي الشفاط وسقف لفوق الغاز تلون رمادي
والبطاطا سودااءءء لوح الطنجرة ب زيتها ببطاطتها السوداء وركب رقد
.
.
تاني يوم
الساعه 12
زهرة شافت حالة المطبخ
وصلت مريم خشت ز العاده
ف الممر
زهرة: مريم هدا شني لصاير لمطبخي؟
مريم مافهمتش: صباح الخير... شن صاير؟
زهرة بعصبيه: حارقة المطبخ مريم وتقوليلي شن صاير
مريم: انا؟ انا جيت نظفت بس ومالقيت حدد بس
زهرة: امس روحت انا وايناس ووجدي مافي حد كان فلحوش غيرك مريم
مريم: عمتي انا مامسيت شي صدقيني
ايمن نزل ع عياطهم: انا لحرقته
زهرة شافتله: ادافع علها؟
ايمن: انا نبي من يدافع عليا اصلا قلنالك انا لحرقت الدنيا مبارح...(مد ايده) وحصلت نصيبي
كانت ايده محروقه لانه جبد الطنجره عشان يكفيها ع الارض
زهرة تشوفله رجعت شافت مريم: ع كل حال انتي لبتنظفي
خشي نظفي قبل الغدي
مريم خشت المطبخ
ايمن كان لابس وجاهز: وقت تنظيف يام ميت بـ شر من امبارح
زهرة قعمزه ف الصالة: دير دحيه مش براني
ايمن خش المطبخ لقي مق مريم ع الطاولة قرب فتحه
مريم شافتله: قهوتي
ايمن شافله وصكر المق ورجعه ع الطاولة: هادي مش قهوة
هادي لـ ديري فها عبارة ع نسكافي وحليب وسكر مافيهاش طعمة القهوة
تبي قهوة اشربي قهوة سوداء
ايمن قعد يشوف للمطبخ وقرب للماكينه القهوة وحط الكبسوله وحط الكوب وقعد يشوف ف الاسود بسبب حريقته الصغيرة
مريم بدت اطلع ف المنظفات من الدولاب
ايمن شافلها: لو مضايقه مني عشان الحريقة لحصلتك ف تنظيفها ياريت وانتيتنضفي ماتدعيش عليا لانه مش محتاج هي مصكره فوجهي فا ماتزيدينيش
مريم ابتسمت: اكيد لا انا ماندعيش اساسا
ايمن ضحك: مالا شنو تاخدي حقك بـ يدك
مريم سكتت
ايمن خدي قهوته وطلع
#بعد_مرور_اسبوع
ف الاسبوع هدا سهى تمشي لتدريب غصب ع امها وتمشي بـ تاكسي لانه امها خدت منها السيارة وف الاسبوع هدا تقابلة مع ديجور 3مرات بس مكلمتاش وسيباته يتكلم بروحه
.
دنيا معاش مشت للمستشفى وماراسلة امجد ف شي
.
ف الفترة هادي مراد معاش جاب سيرة الطلعه لـ سجى
.
بين مريم وايمن كانت ف بصارة
مع ان مريم كانت تقيله بس ايمن كان دمه خفيف يعني واجتماعي يغيرلها ف جو بس وكانت جديده مريم عندهم
.
يوسف متخطاش طلعة شهد وركبت ف سيارة شخص غريب
.
بعد الاسبوع هدا
ف المصح
امجد كمل ومعنداش مرضى ناض لبسة جاكيته التقيل وطالع بس طق الباب وخشت دنيا
امجد شافلها وسكت
دنيا: انت طالع؟
امجد يشوفلها: خشي تعالي قعمزي
دنيا قربت: لو طالع نمشي عادي.. قاطعها
امجد كان متعصب بس يتكلم بهدؤ: دنيا بـ غيبتك الفتره هادي تعرفي روحك ف من اضري؟
بنسالك مسموح تغيبي ف جامعتك اسبوع؟
دنيا تشوفله: انا مسيبه جامعتي
امجد سكت اشر ع الكرسي: تفضلي
دنيا قعمزت
امجد قعمز ف الكرسي لمقابلها بس رجعه للخلف شوية لانها كانت تتوترر منه وناض قرب لدرج جاب غطاء صغير ناعم وقرب غطى بيه ايدها وقعمز: ليوم بنبدو من الاول وبجديات
اول شي نبيك تتجاهلي احساسك الداخلي يعني لو ف شي ماتقدريش تقوليه اغصبي روحك وقوليه
دنيا سكتت
امجد: تخيلي ان ينحل موضوعك وترجعي لجامعتك وتتحسن حالتك النفسية وترجعي تضحكي وتمشي لـ اقاربك وتفرحي عيلتك برجعتك لـ دنيا لاولى
دنيا تشوفله ضحكت بهزوه: اي عيلة انت متخايلها؟ انا عيلتي مش حاسين بشي اصلا
انا عيلتي مايعرلوش حتى وين نطلع ومنين نجي
عيلتي مش ز ماانت متخيلها 💔
ماعندناش ف عيلتنا حد يحس بـ التاني عندنا كل يمرض ف غيره كل شخص ف عيلتي هدفه يدمر شخص تاني 💔
امجد نصدم بقسوة كلامها
دنيا: حسام اءء. ء قصدي بوي
بوي هدفه يدمر امي
واختي هدفها ادمر بوي
وامي هدفها ادمر مستقبل اختي
واختي بسبب تصرفاتها حاادمرني (ضحكت) انا سيبت قرايتي وسيبت صاحباتي وسيبت المشاريع لعليا ف كليتي يعني... قاطعها
امجد: علاش قلتي حسام؟ وبعدين قلتي بوي
دنيا خدت نفس: حسام هو بوي لـ مريتاش من لم كان عمري 11 سنه ناسيه حتى تفاصيله مع انه عايش وبصحته بس نسي انه عنده زوز بنات محتاجينه اكثر من اولاده الاولاد
انا توا عمري 21 سنه يعني بعد 10سنين انا شفت بوي
امجد ابتسم: حلو
دنيا شافتله بقهر: شنو لـ حلو؟ مارجعش عشان يشوفنا عايشين او ميتين
بوي رجع عشان يسمعنا كلامه الوسخ والفاظه ومشي
امجد يشوفله وسكت
دنيا: كبرت مع امي كبرت وكل سنه نشوف ف حاجات مفروض مانشوفهاش ف بداية سكنتنا ف حوشنا الاول كان الباب ينطق بعد نص ليل علينا
طفولتي كملتها وانا واختي نتهربو من كلام الناس علينا
لم نلعبو ف الشارع مع بنات كانو يقولو علينا ف كلمات حني مانعرفوش معناها بعد مانركبو لـ امي نسالو ع المعنى
امجد: قوليهم الكلمات
دنيا: بسبب طلاق امي وماحد يجينا وكنا بنات ف حوش بروحنا كانو يقولو علينا بنات حرام ولقيطات وعاهر*ات
كان الكلام هدا من بنات ره صغار وقتها من عمرنا لم زاد الكلام وقتها انا معاش طلعت وبديت نغيب ع قرايتي عكس اختي كانت اقوى مني كان لسانها طويل لـ يقوللها كلمه تردله عشرة
بس انا لم عرفت معنى الكلمات معنتش فاهمه شن يعني المعنى اصلا كنت صغيرة كنت نقول ان معنى مش كويس وهكي نفهم
دنيا سكتت
امجد: الكلام هدا غلط من امك انها قالتلك معناه وانتي بنت ف عمر 11سنه مش فاهمه حتى المعنى
دنيا خدت نفس: اءءء، ء فاتت القصة هادي وفيوم امي بعتتني للمحل بروحي وف المحل كان قديم وهكي تحرش فيا الولد لـ كان ف المحل هكي يعني تقصد يلمس جسمي وروحت وروحت وحكيت لماما لصار وماما زاد خوفها علينا وف ليلتها اختي رقدت ونسمع ف امي تبكي وهي تكلم حنينه لانه حنينه جداي كانت معانا وقعدت تبكي وتقوللها ان لو قعدنا هنا حاتخسر بناتها وهكي وسمعت حاجات غلط نسمعها ورقدت ليلتها وانا نرجف بسبب لسمعته وقتها من يومها معاش خطيت خطوة برا الباب لعند ما حولنا لحوش جديد وبديت بديت نخاف من الرجاله بديت بسبب كلام امي ع صاحب المحل بديت نشوف ف اي شخص عنده لحيه وشناب نشبها لبابا وحكمت عليكم انكم كلكم ماتصلحوش
بدي عندي هوس نتف الشعر وقتها ونشوفو ف مسلسلات كيف ينت*حرو جي يوم وجرحت ايدي زيهم وماحد لاحظ عليا
امجد: ماجربتيش تفضفضي لـ اختك او امك او جداك او صاحباتك
دنيا: لم كنت صغيره فكرت هدا كله دلع زايد بس لم كبرت عرفت ان هدا تراكم نفسي
امجد: تمام دنيا لو سألتك نبي نعرف السبب ليخليك توقفي دراسة
دنيا: عندي مشروع هندسي... قاطعه
امجد ابتسم: شن تخصصك؟
دنيا: هندسه معمارية
امجد: يعني مستواك كويس انتي باه كملي
دنيا: كان وقتها عندي مشروع وعندي امتحانات وكان الحوش مشاكل كل شوية وانا كنت نبي مكان هادي عشان ندير ف مشروعي شي جديد وغريب ويكون مشروعي مُلفت ز العاده ومعاش قدرت نفكر ف شي تاني يوم سكتت وصكرت المشروع ورقدت وانا مضايقه
تاني يوم جداي تعبت لانه عندي السكري رقدت ف المستشفى يومها وانا قعدت معاها وكانت نار داخلي مش لانه مش هامني مرض حنينه لا بس لانه مستواي ف قرايتي ينزل
امجد: مافيش مكان مخصص ف كليتك عشان تقري فيه ولو ساعه او ساعتين مكتبه او قاعه فاضيه
دنيا: في وجربت نقرا ف قاعه بس صارلي شي مش حلو
.
.
ف حوش حسين بعد ماحسين خدي مرته ومشي لـ الارض التانيه لـ برا المنطقه
ونادر مشي لشركه ورفع مرت لـ اهلها وقعدت سجى ف الحوش بروحها
وزياد ف خدمته
سجى لم كلمت مراد حكتله بـ ع نية ربي ان هي بروحها
كانت لابسة عبايتها وتصلي ف الظهر ف دارها سمعت صوت الباب يطق مع ان باب الحوش كان مفتوح بس الخاريجي مصكر طلعت بعبايتها ونصدمت بـ مراد
سجى تشوفله: انت كيف خشيت
مراد: مش جوي لقاعد ندير فيه بس نبي نحكي معاك
سجى سكتت
مراد: سجى ماتشوفيليش هكي انتي ماتقدريش تطلعي
سجى فتحت عيونها بصدمه: مراد الحوش كاميراتتت
مراد: يملحو سجى كلمتين بندويهم ونمشي
سجى: استنى نفصل الضي... وخشت فصلت الضي عشان الكاميرات
سجى رجعتله: بعدين نمسح التسجيل
واقفين ع الباب
سجى طلعت: تعالا ف الجنان من الخلف عشان ممكن يجي حد
ومشو وكانت سجى قدامه
مراد وراها: انا لخطفت ولد خوك
سجى وقفت وتلفتت وساكته
مراد: هدا هو لمقدرتش نقوله ع الهاتف اي انا لخطفت ولد خوك وانا لكنت لاحقكم ف بنغازي
سجى تتلعتم: انت تعرف ديجور؟
مراد يشوف لصدمتها: انا صاحبه
سجى ملامح الصدمه ف وجها سكتت
مراد يشوف لصدمتها
سجى خافت منه: تحكي جديات ولا تكدب مراد انت حاكيلي كل شي عليك بطل كدب
مراد: حاكيلك الحاجات لنبيك تسمعيها
سجى خافت منه بعديت عليه: انت ءاءء. ء انت تكلم فيا وضحكت عليا بسبب صاحبك طلب منك تتقربلي؟
مراد تعصب قربلها: لااا
سجى بعدت وعيطت عليه: بعدد بعدد انت طلعت كذاب؟
مراد اسمك ولا كذب حتى هو؟
مراد تعصب: مش هكي انا لو كنت نضحك عليك كنت ماجيتك برجليا ونحكيلك
سجى عيونها تعبو دموع: اطلع من هني
مراد يشوفله: سجى
سجى دموعها نزلو بعصبيه: سجى سجى شن تبي؟ شن مزال بتقولي؟
انتم نصبتو ع ارض بابا وخطفت جاد وضربتو نادر وجايني بكل وقاحه تقولي فها
انت من جدك تحكي؟
مراد تعصب: فوقتها انا ماكنتش نعرف وشي طبيعي بنوقف مع صاحبي
سجى مسحت دموعها وكانت بتخش
مراد شدها من مرفقها: مافيش مشي لين تفهمي
سجى دفاته بعنف: شن بنفهم انك واحد... قاطعها
مراد تعصب: اسمعي جاي انا مش جاي نتغوطلك انا جاي نفهمك ان انا فوقتها كان لازم نوقف مع صاحب ز ماهو يوقف معاي سامعه
سجى تشوفله وسكتت
مراد: وجاي عشان نشوفك وجه لوجه عشان نسمع منك
انتي حاتكملي معاي او بتمشي ف طريقك
مع العلم ره خوك يعرف ان انا صاحب ديجور بس مايعرفش ان انا لخطفت ولده
سجى مسحت دموعها وشافتله: مش الاول نعرف روحي ف من نحب انا
مراد هدي بصوت همس: انتي قلبي
انا مراد نفس الشخص ماكدبتش عليك بـ حرف
بس دسيت عليك الشي هدا لاني كنت مانبيش نشوف ردت لفعل هادي وبرضو مانبيش نخطبك وانتي غافله
سجى خبطاته ع صدره وخشت صكرت الباب
مراد قعد واقف تواني وطلع
.
.
سند(خو سهى وخو امير) قعد مقعمز قدام مركز التدريب متع سهى طلعت هي وزينه ودقايق وطلع سالم
سند نزل خش لسمير
سند: السلام عليكم
سمير: وعليكم السلام تفضل
سند: نبي لو موجود رقم المحامية سهى
سمير عطاه بطاقة فها رقم سهى
سند خدها شاف الرقم شاف سمير وطلع
.
.