عودة_للأنتقام

اخيرة

#عودة_للأنتقام 60 (النهايـة)
(غسـق) Misho mohammed
•
•
•
•
•
•
•
•
•
•
•
شاهين ضحك: عيب ايمن البنت راني خالها مش حاتخليها معاي
ايمن ضحك: نتسهوك يامنظر معتبرك عمها مش غير خالها
شاهين ابتسم: غالي...(شاف جوري) جويره
جوري: امس شفت مهيب ومتين
شاهين: وين شفتيهم؟
جوري: مع عمي
ايمن: تِ يوسف مطلعهم تلاقيت معاهم شافتهم معاه
شاهين قرن حواجبه: انت ماتقوليش امجد وين غاطس؟ معاش شفته بالك شهرين توا
ايمن: حتى انا سألت عليه ديجور قتله عديلك وين قالي هاتفه تكسر ومعاش يبي يصلحه ولاهي ف خدمته
شاهين: باه كلنا خدمه اهو انا قاعد نعطي ف كورسات من التلاته لعند سبعه المغرب والصبح نترجم ف الشركه وفليل نسهر معاكم هو شاك فيه صايرله موضوع
ايمن: تِ مستشفى ونفخ وهو يقرا ويعطي ف الجامعه علم نفس وجو هدا
.
.
في حوش امجد
دنيا لابسه توتة موف قطنيه وتحوس ف المطبخ ووجها شحوب مش طبيعي
امجد خش مروح من الجامعه حط شنطته ع المدخل وخش للمطبخ شافها واخيرا من بعد اسبوع اكتئاب ناضت اطيب
امجد ابتسم: ربي مايحرمني من هدوشه حتى لو بسيطه
دنيا تلفتت شافتله: جيت؟
امجد شاف وجها قربلها: دنيا وجهك ابيض بشكل تقول مافيه قطرة دم را ماتخوفينيش عليك اكثر
دنيا بصوت خافت: شحوب لاني مش واكله
امجد اضيق كيف صوتها خافت ومختفي والضحكه اختفت ووجها انسحب من كل ملامح الحياة
دنيا قعدت اطيب
امجد مركز فها كيف تغيرت 360 درجة من لم طاح البيبي الاول 💔.
وزاد ضيقة قلبه هو كلام امه لشادتها ف جرته ان يتزوج لانه ليه 6سنين بدون صغار 💔.
وهو ماعنداش علم ان لم امه كلماته ان تخطبله الكلام جي ف وذن دنيا لم كانو مروحين وساكته عشان لو حكتله ان سمعت عارفاته حايعارك امه ويصكر الموضوع💔.
دنيا تخفق ف الدحي : هدا غداك انت وبنسبه لـ عشاك اطلب من برا كلعاده لانه انا نبي نكلم ماما تجي تاخدني... قاطعها
امجد: دنيا انا صكرته موضوع نومك برا
حكينا فيه ولا؟
دنيا خفقت الدحي وصباته ف الطاجين ع الطماطم: بنطلع من الحوش امجد صدري غم
امجد بهدوء: تمام طفي النار وتعالي نطلعو
دنيا شافتله
امجد: دنيا ماتشوفيليش تبي امكنرفعك من عيوني بس انك ترقدي بليومين وتلاته غادي لا
دنيا نخنقت شافتله بصوت حاتبكي: الحوش غام ع صدري مش مرتاحه افهمني نومي مش نوم هني بديت نبي نهرب امجد
امجد هرب بعيونه منه وتنهد
دنيا عيونها تعبو دموع: كرهت القعده هني حتى ف ماكلتي ننغص الف غصه
امجد طلع عشان لو تكلم حايتعاركو ز كل مره طلع خدي شنطة من المدخل وخش دار النوم متعصب شافت نفسه ف المرايا حولت جاكيته التقيل الشتوي حدفه ع السرير وقعمز ع السرير تنهد بضيق
قعد مقعمز جت عينه ع هاتفها ناض فتح نفتح ع الملاحظات لقاها كاتبه ومفضفضه ف الملاحظات
(مافيش اصعب من انك تعيشي مع شخص تحبيه وتموتي ف الارض ليمشي علها وماتصدقي امتى يرجع للحوش ونسمع صوت مفاتيحه بس
بس الغصه لفيا ان كل مانشوفه نحس ف روحي ظالمته
لم نشوفه صغار العيلة حواليه نحس احشائي حاتتقطع (امجد قام وجها لسقف حس بلكلامه ز السم نزلت ع قلبه💔)
امجد نزل راسه بس متجاهل يشوف للهاتف حطه ع السرير وطلع خش المطبخ
دنيا مسحت دموعها طفت ع الطاجين شافتله لم خش: علاش ماغيرتش عندك مستشفى توا؟
امجد هرب بعيونه قرب لطاولة الاكل قعمز توتر حك حاجبه بتوتر: ف داخلي كلام لو ماحكيتاش حانمرض ولا نطربق
دنيا تشوفله
امجد شافلها
دنيا تشوفله: بسبب نومي برا؟(بصوت ترجي) تصدقني مانبالغش نبي نرقد بس
امجد ملامحه ضيق: شقفت فرخ توفا غيرك هكي حبك اختفى من اول وعكه صارتلك
دنيا بتتكلم قاطعها
امجد بضيق: دنيااا
انتي بتكفري ولا شن مصيبتك؟
ربي مش كاتب يكون في الحوش هدا عيل انتي بتحمديه ولا بتعانديه؟
دنيا عيونه تعبو دموع تشوفله بتتكلم برضو قاطعها
امجد بضيق: كل ماتحملي نضايق لعلمك لانه عارف لو طاح العيل هدا حانضايق انا
وانتي تشدي الدار والحوش ومضايقة ع العيل
بس انا نضايق ع الولد وعليك را
دنيا دموعها نزلو سكتت كانت بتطلع من المطبخ بتهرب بس ناض بحركة سريعه شدها
امجد لصقها ف الحيط مسحلها دموعها لنزلو
دنيا حضناته 💔.
امجد حضنها قعد يمسح ع شعرها: الحاجة لحايكون سببها دموعك وضيقتك مانبيهاش
دنيا تبكي ف حضنه
امجد بعدها وشافلها: كرهتي الحوش؟
دنيا تمسح ف دموعها ومنزله عيونها
امجد باسها ع خدها: حانرفعك لمكان ترقدي.. شد ايدها ومشو لدار النوم
امجد خش النوم وهيا معاه: البسي عبايتك هي
دنيا مسحت دموعها: خلاص انسى
امجد: مش ناسي غير البسي انتي
دنيا فتحت الدولاب
امجد قام جاكيته من السرير لبسه وقعد واقف يستنى فها تلبس
ولبسو وطلعو
طلعو بسيارة وقف امجد ع مطعم خدي غدي ليهم ورجع لسيارة
ومشي لمكان بعيد ووقف سيارته جنب مكان كبير
امجد شافلها وابتسم: تعرفي المكان هدا؟ شن متوقعه يكون؟
دنيا: ز الاستديو صح؟
امجد ابتسم: هدا الاستديو لكنت نقرا فيه لم كنت نسافر ونجي نحط فيه ف ملفات المرضى ووراقي وكل شي
انزلي
نزلو خشو للاستديو فيه مطبخ صغيرررر وحمام صغيرون وغرفة وحده بس فها مكتبه كتب ووراق وملفات وسرير وصالون فردي بس
بس نظيفه لانه يجيها داير المكان هدا ز المخزن لخدمته
امجد شافلها قربلها: حولي وشاحك حانقعدو هني
انا نسيت الغدي ف السيارة نجيبه ونجي.. وطلع
دنيا ابتسمت فكرت وشاحها وقربت شغلت الدفاية الصغيرونه لكانت شمعه وحده بسس
امجد خش وصكر الباب حط الكياس ع المكتب الصغيرونه متعه
دنيا قعمزت ع سريره: كنت ترقد هني بس المكان نظيف وباين ان ف حد ينظف فيه
امجد: هدا الاستوديو متع خدمتي اكيد مش حايكون خامر يعني والسرير قاعد من ايام السفر والجو هداكا بس شراشفه نضاف
دنيا ابتسمت قربت للكياس فتحتهم: شن شريت
امجد حس بكمية التغيير لصار ف ملامحها لدرجة نصدم مبتسمه ووجها مرتاح بس شاحبه بس حلو ان قربت للأكل
دنيا طلعت صحن بطاطا فتحاته وبدت تاكل بشوكه وتشوف ف المكان
امجد مبتسم ويشوفلها كيف تاكل ووتتفرج ع المكان: مروح من الجامعة جعان حتى انا را
دنيا تلفتت شافتله: ياعمري نسيت نسيت (قربتله بصحن البطاطا وعبتله شوكتها بطاطا وصوص وتضحك) افتح فمك
امجد منصدم صح دكتور نفسي بس نفسيتها نقلبت مجرد طلعو والمكان لهما فيه عادي وصغير ومش بهداكا الجمال يعني باش تفرح لهدرجة... سايرها وكلي من ايدها وهو عيونه فها
امجد بدي يطلع ف غداهم من الكياس وقعمز ع بساط الغرفة يتغدو مع بعض
امجد ياكل: متذكره المقاومه لساعدتيهم ف التخيط متع المبنا وكتبتيلهم نصايح ع البناء وهندسة المكان؟ هداكا المكان بنوه ع نصايحك وتخطيطاتك
دنيا: مول بيديروه صح؟
امجد: ايي
دنيا: ماعطيتش نصايح بس المكان كان تربته مش تمام ومش مكان للبني تربته كانت ز الطينيه صفراء وقلتلهم ان لو بنو غادي حاتصب مطر مره بعد مره ويبدا المكان ينزل مش صالح للبناء
امجد ياكل وسمعلها
دنيا شافتله: اذن العصر؟ ترا شوف سعتك
امجد: وين هاتفك؟
دنيا: ماجبتاش
امجد شاف هاتفه: الساعه 4 مزبوطه قريب يأذن
.
.
عائشة وشهد وسهى دارو تقعميزه وقعدو يهدرزو فوق
رن هاتف سهى: نعم
ديجور ركب سيارته: قلبي طلعت انا ومتين معاي
سهى: تمام
ديجور: تمام.. وصكر الخط
ديجور ولع ومشي
متين مقعمز جنبه: نمشو للاستراحه؟
ديجور: لا لحوش شاهين بنديرو عليه دوره وبعدين مرات نمشو للاستراحه
ديجور كمل سواقته وصل لشارع لقي ايمن وشاهين مقعمزين برا
ديجور درس ونزل: غريبه مراد مش معاكم
متين نزل وصكر الباب قرب لبوه
ايمن شاف متين: تو نوريك يافاسد انت
ديجور شاف ايمن: خيره
ايمن يشوف لمتين: عارف روحه
متين: هيا قتلي نبوسها
ديجور ضحك
شاهين ضحك
ايمن يشوف لـ متين: مش حركات تريس را
جوري طلعت من حوش جدها بتطلع لبوها شافت متين جاته بشفشوفتها الصفراء
جوري تضحك: متين
ديجور يضحك مغمي عليه هو شاهين
ايمن متعصب: جوري روحي لحوش جدك
جوري شافتله وكانت بتخش لحوش جدها قاسم تاني
ايمن: حوش جدك التاني مش هدا روحي غادي.. وواشر ع حوش اماليه
جوري ضربت رجلها ع الارض: انننلاا نبي هني 🥹
ديجور وشاهين يتذكرو ف الموقف ويضحكو
ديجور شاف ولده: نسباتنا اعصاب يامتين
متين مافهمش
شاهين مستمر يضحك
ايمن شاف ديجور بجدية: ضمه انت الجو هدا مافيشي بصاره حلوة والله يكبر ولدك ويذكر انه بايس بنتي
ديجور بجدية: وسع بالك مفرخ را
ايمن: مفرخ بيكبرو ديجور شد فرخك
ديجور شاف متين: مرتك وتم فها غير تكبر بس انا وراك وحاتاخدها غصب عليه
ايمن ضحك: غصب ع من يازفت؟
(شاف جوري) لو في بالك حاجه حولها من توا انتي
ديجور ضحك
متين حط ايديه ف جيوبه شاف بوه: تعالا نروحو
ايمن شاف متين: ماشايف ف روحه
متين شاف ايمن وايديه ف جيوبه يقلد ف كلام وحركات بوه: اموري
ديجور ضحك
شاهين يضحك: كنا ف ديجور بدينا ف ديجور وولده
متين شاف جوري: بري روحي انتي
جوري مشت تجري روحت لحوش جدها مجدي
ايمن قام حاجبه لـ متين: غير صلي ع النبي
ديجور: راجلها كلمته ماشيه اكثر من بوها
ايمن شاف ديجور: كبرله راسه انت
ديجور شاف متين: مرته حقه يغار صقري
شاهين يضحك مش قادر يتكلم وايمن وديجور قريب يتعاركو ومتين برد قلبه ايديه ف جيوبه
ايمن قلب وجها
ديجور شاف شاهين ابتسم ع ضحكه: ياسر انت ... قاطعاته سيارة درست قدامه وسطربت عليهم غريبه
ديجور بعد ولده من الطريق بعصبيه ويشوف ف السيارة المظلمه
مراد نزل يضحك: متينوو
متين ضحك قرب لمراد سلم عليه
مراد لعبله بشعره: غاليا متينو
شاهين: نسيبنا متين عاد مراد رد بالك
مراد شاف متين: احا ياجوري
متين ضحك
.
.