عودة_للأنتقام

43

#عودة_للأنتقام 43
(غسـق) Misho mohammed
•
•
•
•
•
•
•
•
•
•
•
•
•
ديجور بجدية متكي ع سيارة شافله اشرلهم بيده الزوز: تعالولي جاي
ايمن تأفف وقربله: انت شايف الساعه؟
شاهين قرب وهو يكر ف رجليه بدون نفس وساكت
ديجور شاف ايمن: ساعة؟ لا ياضابط شن رايك ناخد موعد قبل مانشوفك
ايمن شاف لشارع: بتنفخهم بنخش را
ديجور شافلهم الزوز : خير فيتكم
شاهين اشر ع ايمن: غير شوف وجها انت كيف مولي نفسيه
ايمن يشوف لشارع
ديجور: ز الانتايات
ايمن شافله: بلا غلط ادوي ز الناس
ديجور شافله وابتسم بستخفاف: وكان مادويتش كويس شن بدير؟
ايمن: هي تصبحو... ومشي قرب للباب
ديجور بصوت عالي: جباان
ايمن وقف
ديجور: جباان واكثر واحد فينا ساكت وكاتم هو انت لانك جباان
لو انا مضايقني شخص مستحيل يرفلي جفن نكسر عظامه ونتروق ع عياطه ومانديرش جو الهرمونات لـ انت واصله
شاهين يشوف لـ ايمن لعاطيهم بظهره ويسمعله
ايمن تلفتت ورجع قدام ديجور بهدوء: ولو كانت انا مضايق من روحي شن ندير؟
ديجور تذكر فضفضت ايمن الكارثه ليحكي فها سكتت
ايمن شاف شاهين ورجع شاف ديجور: ز مقال منظري الخارجي متدمر هكي
هدا من برا هكي امالا من داخل شن صاير؟
(شاف شاهين ويتكلم بهدوء وبقلب ميت) وبنسبه انك جاي تقولي ان انا متغير
ماحد يتغير بدون سبب
ومايخطرش عليك ان ف بنادم تغير عليك وهو مروق ويشرب ف قهوته وخطر عليه يتغير
ديجور يشوف ف ايمن وهو يشوف لشاهين يوجه له ف كلام عميق 💔
ايمن ابتسم بهزوه: ف وقت عازتي حاتلقوني اول واحد
بس ان نجي نهدرز ونروق مانبيش انافقكم لاني مش طايق حتى نفهم شن نبي انا
عشان نسمع لغيري
شاهين: انت كنت تبي تسافر صح برا سافر ياودي احسن من قعدتك وانت قالب رمتك
ايمن: لو بنسافر مش مستني اذن منك
ديجور: انت قاعد تتهرب وتلهي ف روحك بلخدمه
ايمن: صكر امه الموضوع تبوني ف شي ولا نخش؟
ديجور قرب خبطه ع كتفه: انت شن تخترف (ويقربله وايمن يوخر) بتدوي ز البنادميه ولا نخرب ع منظر لز الهيكل
ايمن دفه خبطه صدره ورجعه للخلف: اول شي يديك تكسرها وتاني شي اموري ندوي كيف مانبي
ديجور تعصب شاف شاهين: لو قتلته ماتبعدنيش عليه تمام
ايمن تعصب بعد شافلهم: حاشيين خشومكم ف شي مايعنيكمش برا روح زيك زيه ماحد فاضي يفضفض زيكم.. وخش وسرفق بابهم
ديجور شاف شاهين: هدا يدوي رسمي را
شاهين:****
ديجور تعصب: انت بالك ابصر شن داوي معاه خير فيته هدا منظر ايمن الزح وجها معظم تقول عنده مرض
شاهين تعصب: شن جاي تتفشش فيا مش صاحبه امس ولا اولامس انا

وقعدو يتعاركو

.
.

في حوش حمدي
طبعا الحاجات للخطبه كلها حجز سريع من ديجور عشان يرفعوها اقاربه معاهم ز بوكس بقلاوة و بوكس شكلاطه وبوكس ورد و بوكس شيش صغيرات سموتي
وكانو يتجهزو ف حوش حمدي وحمدي وولده طلعو من الصبح عشان يخلوهم ف الحوش ياخدو راحتهم
حمدي يكلم ف اخته ف المطبخ
وجابر ف الصالة مقعمز ومصكرها حول هاتفه من الشحن وخدي الشحن وقرب بيطلع طق الباب قرب للمدخل لبس الطاقيه وفتح الباب وهو ساكت
خالاتي: صباح الخير تفضلو خشو
جابر بصوت خشن: صباح الخير.. وطلع اجتازهم وطلع
هما خشو وصكرو وحمدي طلع بعد جابر
حمدي قرب لـ جابر لفي الجنان واقف شاد هاتفه: انا ماشي نقعد ف استراحة خوك
جابر شافله وهز راسك وساكت
حمدي طلع ركب سيارته ومشي
جابر ع الهاتف: انت بالك تحسابني واحد من صحابك باش تقفل هاتفك ف وجهي
_: مش هكي منقدرش نتكلم كنت
جابر: سألت؟
_: قالولي يكحح وعنده حب ف لسانه وفمه ومعاش يحتك بحد وديما يدوش ويتعب
جابر: اخر همي لجهنم المهم مايوصلاش دواء ولو نعرف ان خشتله حتى حبة راس بس
مش حانقول شن بنتصرف معاك
_: القصة اكبر من هكي
جابر تغطيته زفته: شن تقول؟
_: عنده مرض او شي لانه بعدوه ع فرج وفرقوهم خلوه ف منفرده
جابر: مانسمعش فيك كويس خلوه ف منفرده بروحه؟
_: اي مابوش يقولو للباقي السبب وفرج معشش يبي يعرف خيره عماد
جابر تعصب من التغطيه:*** شن تخرف انت.. وفتح المايك
_: لم رفعوه يعاين ف الحبس وقتها عطووول طلعوه للمنفرده تسمع فيا
جابر: نبي نعرف مرضه
_: وانا منين بنجيبلك دمه؟
جابر تعصب: خدمتك هادي نبي نعرف شن مرضه.. وصكر الخط
نورا طلعت: جابر مافطرتش انت خليني نديرلك فطور
جابر ببرود بدون حتى مايشوفله: مانفطرش
عمته نورا ماتحبش تخاد وتعطي معاه هربت خشت
نورا خشت: هي ابدو مكيجو ووتو رواحكم وقت نتغدو ونزيدو شوية ونطلعو قريب العصر
نورا شافت البنات لمتجمعات يهدرزو: اسمعي انتي وياها جابر برا قاعد ماحد يطلع
.
.