عودة_للأنتقام

27

#عودة_للأنتقام 27
(غسـق) Misho mohammed
•
•
•
•
•
•
•
•
•
•
•
•
•

رامي: لا
يوسف: شنو لا؟
رامي: مانبيش ناخدها
يوسف هني قدر بذكائه من مجرد كلام وتهديد وهمي انه محامي وان حايستلم حضانة البنت لانه فهم من كلمة شاهين لم قال ملابس بنتك للابستهم بفلوسي توضح بخل الاب
واستغل يوسف الشي هدا لمصلحته وحل مشكله كبيرة ممكن تصير وتنظلم البنت وعارفين شن يعني طفل مع اب وام منفصلين ومع مشاكل الطفل مش حايتربى ويضيع بين زوز 💔
رامي: انا ماقلتش نبها نباها يعني قصدي نشوفها وتشوفها امي
شاهين: امك لتدوي علها قبل جت وخطبة اختي وجت كذا مره مش عيب لو جت شافت بنت ولدها مش اره*اب حني مش حاينقص من امك شي
قاسم كشخ عليه: اسككتتت شن الكلام هدا تكلم كويس ولا نوض اطلع
شاهين ناض متنرفز: الله ياخدكم عيلة كاملة بصاروخ جراد واحد... وطلع
يوسف ناض طلع معاه: خود راحتكم.. وطلع مع شاهين
شاهين ضحك: هدا انت الساكت مايطلع منك
يوسف تنهد بعد شعره للخلف بضيق وساكت
شاهين مسح لحيته: ها كان مانخليشي عبره وكان مانخليش النار لكلت صيدليتك متاكلاش من داخل طول عمره مانكونش شاهين باهي
يوسف بتهديد: انا لم يندعسلي ع طرف وبظلم مانسكتش عماد الحش*اش حايكون حسابي ليه قصة يحكو بها الناس
ميرا جتهم تشري وشاده نفس المبمبله من شعرها: نمشي معاك
شاهين: بري خشي خالي
يوسف طبسلها حول المبمبله من يدها وخلاها تشدها بطريقة ز الحضن البيبي: هكي شدي بنتك علاش تكري فها من شعرها مش حرام
ميرا: هكي
يوسف: اي هكي معاش تشدها من شعرها
ميرا شدت المبمبله ز علمها بطريقة احلا: امممباه
يوسف وقف شاف شاهين مبتسم تعصب عليه: مسبوه ولا خير غبارتك خيرك توزع ف ابتساماتك
شاهين: مكنتش نعرف انك تحب الصغار
يوسف: ااءءء مش حب حب ومش كره عادي عندي ز باقي البشر ماعنديش جو نقعد نهار بطوله حط عيل ف سيارتي وندهور بيه لا هادي زيك مثلا
شاهين تضحك: من نظره تقنعني مانقدرش نرفضلها

.
.

ايمن بعد غير ملابسه طلع عشان يتغدى
ريان ناضت من الصالة بتعاون مريم تحط السفرة معاها
ايمن قعمز ع الطاولة: ريان تعالي قعمزي
مريم تشتغل وتحوس وبدت تلاحظ انه بدي ينسى فها
ريان فرحت عاد مصدقت: خايف عليا
ايمن تنهد وسكت
مريم ع طاولة الاكل بصحن بيتزا لانهم المدامم تتوحم 🥴
وحطت شربه ومشروب وطاسة اميه ومشت للمطبخ
ايمن تعمد ف كل صحن يشوفلها بنفس نظرات ايمن لقديم ❤
وهما يتغدو ف امان الله
ريان: مريم كاتشبب
ايمن ياكل وقف الكاشيك ف الهواء ورجع نزلها من فمه بصوت واطي: نوضي تحلحزي جيبيه مش لهدرجة قريب توكلك
مريم جت بلكاتشب
ريان: اي حني جايبنها تخدمنا علاش بنفعو فلوس مالا
مريم ماسمعتش ايمن شن قال ومن كلام ريان فهمت انه ايمن تكلم ع من بيدفع لمريم او المهم موضوع بفلوس مريم حست بـ لإهانه
مريم حطت الكاتشب وقررت تسكت ورجعت للمطبخ الدمعه ف العين ماتقولوش دلع لا حسن بـ الإهانه مش اكثر الشعور هدا صعب وهي اقوى وتحملت وسكتت
وكملو شربتهم
ايمن ابتسم وكأنه اول مره ف حياته ياكل منها ز العادة ز ايمن الاول قام صحنه وخش المطبخ وهني ريان دارت نفس حركته وقلداته
خشو المطبخ حطو الصحون ف المغسله
ريان مدت لـ ايمن علها قلب بلكاتشب: خودها
ايمن شافلها وطلع وسيبهم
ريان كلت الطرف: بتجي اختي وماما بعدين ديري حاجه حلوى كيكة او شي
مريم: مافي شي حلو اساسا حليب مافيش مافي شي لا شكلاطه لا عسل شي
ريان: تو نكلم ايمن يجيب .. وطلعت
ايمن ع تلفونه ف الصالة
ريان قعمزت جنبه بزبط الجلده ف الجلده
ايمن ناض وقعمز ف صالون فردي: بلا حركات رخيصه مش احسن وبلا تمتيل زايد
ريان اضيقت وسكتت
ايمن طلع الدخان بدون مايحس سرح يعني ف الهاتف ومندمج ولع ودخن
بعد دقايق
مريم جابت صحن فواكه مشكل شافتله بصدمه والدخان ف صبعه وبلهفت مريم الاوله: ادخنن؟
ريان عتها النظرة القاتله 😂
ايمن شبحلها وطلعت من ابتسامه عرفها طلعت بسهوه منه الكلمه حط الدخان ف الطفاية لقدامه واكتفي يسكت
ريان: وانتي شن دخلك
مريم حطت الصحن: لا ماهو قصدي انتي حامل ويضر... قاطعتها بصوت عالي
ريان: خلااص خلااص فهمنا بري
مريم خشت المطبخ وضحكت بخيبه
.
.