عودة_للأنتقام

52

#عودة_للأنتقام 52
(غسـق) Misho mohammed
•
•
•
•
•
•
•
•
•
•
•
•
حمدي تعصب عليهم: انا ماقلت شي انا نحكي بحرص عليك
يوسف تعصب: اي ماتحرص ع شي
ديجور شاف يوسف: هو مش فاهم شي مش عارف ان البنت بدت منا وفينا
حمدي: البنت مش بنتنا لا منا ولا فيا بلا دراما
يوسف عطي بوه نظره: انت شني؟
علاش تحب تكسرلي رقبتي بتصرفاتك
توا شفتني فرحان بها ومش مصدق انها متقبلتني وغيرتني 180 درجه
جاي تنكد عليا وتقولي البنت لبوها
را انا مش زيك را
البنت كل اسبوع تمشي لبوها تمام؟
بس عشان ترتاح بس

كلهم سكتو

يوسف تعصب يشوف لبوه: بعدين يقولولي علاش مقاطع بوك الزفت
تِ خشيت للحوش فرحان بـ مزيود ع عيلتي
جاي تنكد عليا ان البنت حاتكبر وتسيبني علاش
خطاني يرحم ولديك... وطلع ومع ميرا لحقاته
ديجور تعصب شافله: وقته توا طول عمرك تشوف فها البنت معاه ليوم اذكرت تنكد عليه لم جاه ولد عليك عيلة حصله.. وطلع ف جرته
بس يوسف ركب مع ميرا وفات قدام ديجور بدون مايشوفله
ديجور رجع خش
.
.

اسعد ولؤي ومحمد يلعبو ف كارطه ف المربوعه
جابر سيبهم وطلع لجنان قعمز ع درجه ف الجنان وفتح هاتفه
واتصل بديجور
ديجور: هاا
جابر: شن صار ياراجل بنروح فديت
ديجور: روح لو تبي نحس فيه مش حايصير شي
جابر: تِ نقدر نروح حتى توا شن مستني اذنك
القصة ان حتى لو صار شي هني مش حايعطونا علم عندهم عزة نفس مايحتمو بحد
ديجور: عارفهم
جابر: شن وضعه هو؟
ديجور: فاضي غير نسال ع وضعه
جابر: ا... قاطعه
ديجور مد الهاتف لبوه
حمدي: اهلا بلغالي
جابر: هلا كيف حالك ياحاج
حمدي: في نعمه ولله الحمد كيف حالك انت شن الاخبار
جابر: الحمد الله
حمدي: خوالك وعمتك والعيلة غادي؟
جابر ناض وهو مبتسم ان واخيرا حصل بوه قعد يتمشى ف الجنان ويحكي ومبتسم منظره تقول يكلم ف حد يحبه: الحمدالله يسالو عليا ياحاج
حمدي: خليت مكانك عارف ولا
جابر ضحك بهدوء: ربي مايخليك محتاجلي ياحاج
كلها مده وراجع بأذن الله
عائشة وفاطمه يشوفوله من شباك المطبخ لانهم سمعوه وهما كانو يغسلو ف اماعين العشي
فاطمه بهمس: واخيرا شفنا ضحكته
عائشة مبتسمه بس
جابر: اهم شي مشيت لمراجعاتك وشفت دكتورك ولا؟
حمدي: مشيت مشيت
جابر: شن الوضع؟
حمدي: كل شي مستقر تمام
جابر: هادي الاخبار المستنيها
حمدي ضحك: روح روح انت مشيت وبدت شوية ناس اطول ف لسانها وتعلي ف صوتها عليا ارجع
جابر تغيرت نبرته لجديه: من معلي صوته عليك؟ ع من تحكي؟
حمدي: التوامه
جابر: ديجور؟ ولا التاني
حمدي: التاني
جابر: خيره معاك
حمدي: قتله ع البنت... قعد يحكيله
جابر: عيب عاد البنت خشت بينا بدت بنتنا وحتى لو جي يوم وخداها بوها صدقني مش حايتحملها لانه ولدك مدللها دلال لين مفسد
يعني يوسف مربيها ومدللها مش مخليلها مجال تفكر ف بوها اصلا
عائشة قعدت تتأمل فيه كيف يتكلم ع ميرا
فاطمه مللت خشت