عودة_للأنتقام

16

#عودة_للأنتقام 16
(غسـق) Misho mohammed
•
•
•
•
•
•
•
•
•
دقايق بسيطه
وكان صاحب المحل ف غرفة المحقق
ديجور قعد مقعمز وساكت
سهى واقفه تستنى فيه يكلمه وتشوفله وبس
صبري صاحب المحل: انا هني عشان كلمة قلتها للشاب هداكا
ديجور شافله ورجع شاف سهى: كان تطلعي دقيقه
سهى بجديه: ولا تانيه
ديجور شاف لصبري بعصبيه: اسمع... قاطعه
هاتف سهى يرن
سهى كانت مش حاترد بس كان رقم امها وفعلا رجعت الهاتف لشنطه وماردتش
ووصلها مسج ع طول
سهى رجعت طلعت الهاتف قرت رسالة ونصدمت
ديجور متوقعها تطلع قعد ساكت ويشوفلها ردة فعلها ف البداية قامة حواجبه وهي تشوف للهاتف بصدمه وبعدين رجعت شافت لصاحب المحل بنظرة وحدفت الهاتف ف الشنطه وطلعت
ديجور ناض شد صاحب المحل من رقبة جاكيته  بصوت واطي وبنظرة حاده: تعرف شنو وضعي انا جاي من اخر الدنيا بعد الايام لشديتك فها وجاي عشانك خديت ف التحقيق 10 ايام وقاعد تنكر ومزال 3ساعات بس ولو ماتقولش من لحدف التسجيلات ومن لخلاك تهرب من منطقتك وتصكر محل صدقني من بعد التلاته ساعات هادم انت محل ومحل التلاته **** لجنبك تلقوهم رماد سامع... ونفض ايده بعنف
صبري عيط عليه: حادث كان حادثثث بسس
ديجور شافله سرح فيه: عندك وحده من ايلتك تسوق بنتك صح؟ 
خليني ندير نفس لصار للبنت الدارت الحادث في بنتك لتسوق شن رايك مش عدل هكي؟
لو ماتت البنت لقاعده ف المستشفى ذنبها ف رقبتك
المحقق خش: جانا اتصال صاحبة الحادث تعبت
صبري شاف ديجور
ديجور بعصبيه رجع شده من رقبة جاكيته ووقفه: انت ماتعرفنيش (قربله المحقق يبعد فيه) لو ماتتكلمش كانكون كابوس حياتك... ودفه بعنف
ديجور شاف المحقق: هدا جوكم انتم 10ايام عندكم حتى الضرب مش ضاربينه
المحقق: مش خدمتك
ديجور: انا لم حبته كنت مشغول لو ماكنتش مشغول كنت حليت الموضوع نص ساعه بلكثير
المحقق: تاني مره نقولك مش شغلك
ديجور شاف صبري هز راسه: حانطلع اسم صاحب الحادث من عيونك ز ماقتلك 3ساعات بس
صبري شاف المحقق: يافندي هدا يهدد فيا بـ حرق محلاتي وبنتي
المحقق فنص ف ديجور: شن قاعد يقول
ديجور عيونه عالقات ف صبري: مش حاينفعك حد
المحقق جي قدام ديجور بعصبيه: شن قاعد يقول؟
ديجور شافله: مش خدمتك... وطلع وقربع الباب
المحقق طلع وراه: استنى نكلم فيك
ديجور طالع مش معبره
المحقق سرع خطواته جي قدامه: لو صار لـ عيلته او اي شي من املاكه حاتكون انت ف مكانه
ديجور تخطاه وطلع
ديجور طلع ركب سيارته لقي مكالمات من جابر وعماد تجاهلهم واتصل بـ امجد
ديجور: وينك فاضي
امجد: ف المستشفى بنطلع ماشي المصح شن في؟
ديجور: فاضي لو مافي شي مهم ف المصح نبيك
امجد: شننن فييي باه؟
ديجور: جابوك للمركز عشان تتعرف ع صاحب المحل؟
امجد: اي محل شن تقول؟
ديجور تعصب: امجد افتح دماغك وركز معاي صاحب المحل لقالك ع الحادث جابوك للمركز تتعرف عليه وتشوفه اولا؟
امجد: لا ماشفت حد
ديجور: كنت عارف اصلا
امجد: شدوه صاحب المحل؟
ديجور: وواككك ياامجد امتى نشوف واحد من كلب عيلتهم محبوس اقل شي
امجد: وينك انت وين؟
ديجور: في واحد ف المركز عارف القصة بس داير جو انه يخدم ف شكوة الحادث
امجد: ديجور مليكش علاقة
ديجور:شن ماليش علاقة شن ماليش علاقة حاجه فها عيلة كريم ليا علاقة
امجد تعصب:ديجور حسابك تاخده بروحك مش تستغل البنت معاك
ديجور فصل عليه: ف واحد منهم حينحبس اقل شي 15سنه فرصه ز هادي...قاطعه
امجد تعصب: عيلة بين بعض انت شن دخلك
ديجور صكر ف وجها