عودة_للأنتقام

31

#عودة_للأنتقام 31
(غسـق) Misho mohammed
•
•
•
•
•
•
•
•
•
•
•
•
•
اسماء شافت بنتها: شن قلنا بكري
سهى شافت بوها بهزوه: انستونا (شافت امها) هكي حلو النفاق ينسبهم
سند: بري خشي اقلبي وجهك
سهى شافتله وسكتت
سند ابتسملها: وينه لسانك نقص؟
سهى شافت امها: انا لو حانقعد ساكته صدقيني حانقصلهم راسه ونرتاح
سند ضحك بهزوه: انتي بتقصيلي راسي؟ ارخي روحك وخيتي
سهى بهزوه: ساهله غير خايفه ننحبس ويحسبوك عليا راجل.. وخشت وسرفقت الباب ف وجهم
حسام ساكت ويشوف بس: بنتك هادي تعدليها خير ماننفشها نفضه نطالع روحها
اسماء: سكتناها توا شن جايب ولادك شن جاي تبي؟
حسام: زياد خطب مني دنيا وانا نبيها البنت دنيا لخوي
اسماء سكتت

سهى خشت لـ اختها حولت عبايتها
دنيا خشت وصكرت الدار: النفس توسخ ف وجودهم
سهى تعصبت عيطت ع اختها: امك حاتطيب اخرتي شن واقفه توا معاه
الصبر ياربي
انا كان بنقعد ضامه فمي حانشيب
لقاعده ادير فيه امك مش منطقي دنيا
دنيا بهدوء: تشوفي فيا نرقص فرحانه بشوفتهم؟
سهى فتحت شنطتها واطلع ف اغراضها وتستف

.
.

ديجور شعور ممزوج الفرح بس مايبيش يحطها واطيه ويكلمها هو بعد الكلام لسمعتهوله
ديجور شاف يوسف: كملو خلاص
يوسف: اي خلاص برا لخدمتك انت انا نرجعهم
ديجور شاف العمال: هو يرجعكم.. وركب سيارته ودعسلها وفات
ديجور يسوق: يوصلها مبلغ ع وكالتي واتم القصة وتقعد زيها ز البرانيه
ديجور يسوق تعصب: وبعدين انا مفروض نشعف من قصة فرج ****
خلاص مش ليضحكلي نديرله قيمه
سكتت
وصل للاستراحه سرفق باب سيارته ونزل وخش
لقي مراد متكي وراقد والهاتف ع صدره
ديجور زاد ع ضيقته ضيق لم شافه وهو عارف سبب ضيقة صاحبه عمايله 💔
ديجور بصوت واطي من بعيد يشوف لمراد: علاش غيري يتحاسب ع عمايلي
علاش انا ماننضرش
مش ع اساس كل ساقي سايسقى بما سقى 💔
مش ع اساس الدنيا دواره
علاش ادور ع اصحابي
ديجور تأفف وولع المكيف وطفى الضي وصكر الشبابيك وظلم لمكان وطلع
ديجور طلع متعصب ركب سيارته رن تلفونه: هاا
يوسف: وينك وين مشيت ز الجن وينككك؟
ديجور: قاعد ف الشارع ماتخافش مطلع حد ف وجهي يعني الامور تحت السيطره ماعندي خلوق نتفشش ف حد اصلا... ولع ومشي
يوسف: هنينا.. اهو شاهين جاني بنروكو نتغدو تعالى تجي؟
ديجور: انا ناكل ماكلة بنات؟ لا مش جاي
يوسف: يزيد بلا نفخ عارف انا الطلعه لطلعتها ورها قصة.. قاطعه
شاهين خدي الهاتف: كان صار شي معاك كلمني تلقاني
ديجور: اسمع فوت الغدي عندي يوسف برا للاستراحه تلقى مراد راقد طلعه تغدو برا
شاهين: راقد توا
ديجور: حتني استغربت غايب ع خدمته ولا مش عارف مهم براله اطلعو انا نقدر نطلعه لكن هو مضايق مني
شاهين: تمام ماشيله
ديجور: اطلعو لمطعم واطلب انت ع حسابك مش تخليه هو يدفع سامع انت تدفع
شاهين: باه فهمنا حسستني بخيل ماهو ديما تاكلو من خيري صكر صكر اقلب وجهك وانت مولي ز الامهات صكر
ديجور صكر الخط ومشي للمكان لفيه بناء الصالة لفي خاطره قعد مع العمال وخلاص