عودة_للأنتقام

6

#عودة_للأنتقام 6
(غسـق) Misho mohammed
•
•
•
•
•
•
•
•
ديجور يشوف ف المركز لـ تدرب فيه سهى من بعيد: نقطة ضعف عيلة كامله قدامي
جي وقتك ياحلوة.. ونزل
وخش للمركز
سمير السكرتير: تفضل
ديجور: انا جيت قبل فتره وكان المحامي مشغول وقتها
سمير: اهاا اي المحامي توا مع مدربته الاخيره دقيقه ويطلع
ديجور قعمز ويمثل ع اساس انه شخص محترم وكذا
دقايق وطلع سالم
سهى كانت ف مكتب وتشوف ف الملف القضية وصكراته: كملت خلاص
سالم طلع للممر وتلفت لها: كملتي مبروك
سهى طلعت للممر ومبتسمه: شكرا.. وشافت ديجور مقعمز ويستنى
سالم قرب من ديجور: تفضل استاذ؟
ديجور عيونه عالقات ف سهى
البنت ليشوف فها فريسه عشان شنو؟
عشان تكون عبره للاشخاص لنويين يضروه
مجرد مايضرها حايزيد خوف اعدائه منه بمجرد مايعرفو ان رحمة الشخص الصارم كملت
ولم هددهم ان حايشوفو شي عمرهم ماشافوه وقتها مايكونش يكدب او يبالغ
بس ع حساب بنت مليهاش دخل بـ ولا شي 💔
ديجور عيونه علقات ف سهى: سمعت انكم تحلو ف قصص الناس؟
سالم: تفضل للمكتب عشان تاخد راحتك
ديجور ناض وخش المكتب
سهى بهدؤ: انا ماشيه... وطلعت
سالم وديجور خشو المكتب
وديجور حايألف قصة عشان يتقرب من فريسته مش اكثر
دقايق ونطق الباب وخشت سهى
سهى بعصبيه: ضاقت استاد معاش لقيت وين ادرس
ديجور شافلها: هادي خامس مره تتمادي معاي
سهى شافتله بهزوه: انا مستعجله
ديجور طلع مفتاحه: خدوي طلعي سيارتك
سهى عقدت حواجبها وسكتت
سالم: سهى انهي القصة الشاب.. قطعاته سهى
سهى قربت بعصبيه خدت المفتاح وطلعت
ديجور ابتسمت خطته الاولى ✅
سالم: تفضل احكي
ديجور شافله: انا ءء انا سجنت خوي لانه خدي شي غالي مني جاي نبي نعرف كم ممكن ينحكم
سالم سكت لانه اغبى قصة توصله ويسمعها
ديجور: علاش سكتت
سالم: هادي قصتك؟
ديجور: وخيرها مش عجباتك؟
سالم: تمام حانخدك ع قد عقلك خوك لو صار يقدر حد يدفعله كفاله ويطلع لانه مش خانب شي عليه القيمه
ديجور: انت هكي منك ليك قررت يكون الشي هدا بدون قيمه؟
سالم سكت
ديجور حك لحيته بظره حاده: علاش ساكت
سالم: سامحني بس قصتك غبيه
ديجور: ز ماانت واخديني ع قد عقلي وانا جبتلك قصة ع قد عقلك
سالم سكت
ديجور وقف: القصة ضروري تكون كبيره عشان يكونو الفلوس واجد(شافله بنظره هزوه) االايام الجاي نجيبلك قصة تناسب خزنتك بما ان عقلك مستوعب القصة الاولى... وطلع
سمير قربله: المتدربه حدفت مفاتيحك هني وطلبت مني نعطيهم ليك
ديجور ضحك من تصرفها وطلع وهو طالع شافها نازله قدامه سرع خطواته ونزل
ديجور من وراها: يابنيه
سهى تلفتت ورجعت كملت طريقها وتجاهلاته ونزلت
ديجور ضحك بهدؤ: علاش هكي انتي ديما عابسه؟
سهى تلفتت: برا شوف مضحكه زيك تناسبك.. وقربت ركبت ف سيارتها
ديجور قربلها من شباك سيارتها: هادي سادس مره **** عليا
سهى كانت بتمشي بس لقت قدامها امير
امير قرب لبابها وفتحه: انزلي وصكري سيارتك بوي يبيك
سهى حاولت تجبد الباب بس كان امير شاده: بعد مكسورتك
امير عيط علها وشدها من مرفقها: بوك يبيك تسمعي؟
سهى نفضت ايدها بعصبيه ونزلت: رد بالك تمدها ايدك
ديجور يشوفلهم ومبتسم
امير شاف ديجور: في شي؟
ديجور مبتسم شافله من فوق لعند لوطى وساكت
امير شاف سهى: بوي مستنيك ف الحوش تفهمي؟
سهى ركبت وكانت بتصكر الباب بس شاده امير
ديجور قرب ونزل ايد امير وشاف سهى: امشي .. وصكرلها الباب
سهى ولعت ومشت
ديجور ركب سيارته ومشي