عودة_للأنتقام

34

#عودة_للأنتقام 34
(غسـق) Misho mohammed
•
•
•
•
•
•
•
•
•
•
•
•
•
ديجور: الوو تسمعي فيا.. نزل شافلها وقرب لسيارتها كان شباكها مفتوح نص لم قرب شافها تشوف ف ايدها دم
ديجور شافها وهي تشوف ف ايدها قام عيونه فنص فها: شن هدا؟
سهى صوتها ارتخي لانها حاسه براسها تقل: راسي دم
ديجور: كيف راسك (عقد حواجبه فها) توا كان مافيك شي
سهى: خلاص ماتقعدش تنق راسي بيطربق اسكتت
ديجور سكت
سهى قربت لدرج فتحاته وطلعت كينكس
ديجور شاف راسها من الخلف رقبتها باينه نازل منها دم هكي خط تعصب علها: تِ انتي تنزفي
سهى خدت كمية كينكس ودخلتها تحت الوشاح وشافتله: لو تمشي وتخليني ناخد راحتي مش خير
ديجور ضيق عيونه متعصب يقلد ف كلامها: لا مش خير رقبتك دم را راحت شني لبتاخدها ودايخه فوقها وعابيه بنخليك تسوقي
سهى تعصبت فنصت فيه: انت شن دخلك دمي ولا دمك راسي ولا راسك مليكش دخل برا ف حالك
ديجور عض شفايفه وشاف لشارع ورجع شافلها ضغط ع سنونه بعصبيه: سهى
سهى خافت لـ اول مره لانه جد تمادت: خلاص افهم يامخلوق دمي وانا حره
ديجور بعصبيه: تنزفي يادراه عنادك مش وقته رقبتك دم
سهى سكتت
ديجور قرب لسيارته خدي مفاتيحه وصكرها وقرب لسيارة سهى وركب جنبها
سهى تنهدت شافتله: مش ناقصين كلام فاضي
ديجور عيط علها:**** الناس لمش لهدرجه تكوني مهووسه ف كلامهم فاضيين هادم
سهى فنصت فيه لانه قال كلمة كبيره 🤭
ديجور: سوقي ز الفالحه للمصحه هي
سهى حولت الكينكس من تحت الوشاح وكان معبي دم
ديجور شاف الكينكس: انتي كنتي ف ورشة ولا شني منين هدا؟ ولعي هيا بري
سهى غيرت الكينكس ورجعاته ع ضربتها تحت الوشاح: خلاص انزل نمشي بروحي انزل
ديجور بهدوء: ادوخي ف الطريق وتقلبي السيارة وقتها ضميري شن بيسكته بري ولعي بنمشي معاك هي بري
سهى تنهدت ونزل وقربت لبابه وفتحت باب ديجور: خلاص انزل انت سوق وانا نلهى بدم لينزل
ديجور نزل وركب مكانها ولع وطار مش سواقه لا
سباق ف الرئيسي
سهى ايدها ع جرحها: اي اجري كان مامتش من جرح تافه نموت ف حادث
ديجور يسوق ومتجاهلها
لعند وصلو
سهى: تقعد ف السيارة بلا جو افلام انا ننزل بروحي .. خدت شنطتها ونزلت
وخشت للطوارىء واحتاجت لحلاقه بسيطه حلقولها شوية شعر وخيطولها راسها .. وكل الوقت هدا تأخرت ع ديجور
سهى عدلت وشاحها: تمام شكرا
الممرضة: لو مزال مصدعه خودي بنادول والف لاباس مره تانيه
سهى: شكرا.. وابتسمت وطلعت
طلعت الممرضة لحقتها
الممرضة: تعالي امسحي الدم من رقبتك ف الحمام لو تبي
سهى: وين الحمامات؟
الممرضة بعتتها للحمامات
سهى مشت
ديجور خش لقي الممرضة قدامه بيتجاهلها بسهي سألاته
الممرضة: هدا قسم نسائي تفضلي كيف نساعدك؟
ديجور: في بنت خشت راسها قبل شوية شن صار معاها
الممرضة: اهاا البنيه اسمها سهى حلقولها من شعرها وتخيط الجرح توا مشت للحمامات لو تبي شوفها.. ونعتاته للحمامات
ديجور سيبها ومشي للحمامات قعد يستنى فها قدامهم
سهى طلعت شفاته قدامها
ديجور قربلها: انتي من مفجرلك مخك معقوله جرح يخلوك تحلقي من شعرك وتخيطيه
سهى: خلينا نمشو مش حلوة وقفتك راجل طول بعرض قدام حمامات نسائية
وطلعو مع بعض
سهى ركبت تسوق
ديجور ركب جنبها
سهى ولعة
ديجور يستنى فها تحكي
سهى تفكر داخلها: طحت
ديجور ضحك بهزوه: طحتي هادي نفس الكدبة لكدبتها قدام مرايتك؟ طحتي لدرجة راسك يتخيط
سهى: جعلك لا صدقت
ديجور سكت تواني: يعني مش بوك؟
سهى تسوق: لا مش بوي
ديجور: بطلي تسترحي عليه الموضوع طالع من عيلتك
سهى تسوق: يزيد لو ماتدخلش
ديجور بهزوه: المشيه برا غيراتك موليه جبانه بلا منفعه عندك علم
وينها لمشردتهم ف الحبوس مافيش واحد قدر يقوللها حرف واحد.. قطعاته
سهى: هه هدا من وجهة نظرك انت
غير موضوع عيلتي بلا وجع راس
ديجور سكت
سهى: انت متهجم ع ولد عمي؟(تقصد زياد)
ديجور: جي قالك؟ توقعته ارجل من هكي طلع حاطك ف راسه عشان تحميه
سهى رمشت عيونها: حاطني ف راسه عشان نحميه؟
ديجور: اي هو قالي!
قالي بنت عمي بتكون ليا
دخلت للحبس خلاته يفكر فيك
سهى شافتله وتسوق: انت ع من تحكي امتى نحبس هو؟
ديجور سكت
سهى بصدمه فكرت: نادر !!
انت مهدد نادر
ديجور: عمن كنتي تحكي انتي؟
سهى بصدمه تسوق: ياسلام معنها ولاد عمي حسين الزوز محصلين تهديد ع الصبح
ديجور: ادوي فهميني
سهى ضحكت بهدوء: زياد انا نحكي ع زياد
زياد كان حايندبح الصبح
(شافتله وهي تضحك) وانت بشنو هددته نادر؟
ديجور يشوفلها كيف تضحكابتسم ابتسامه خفيفه: لو مزال يحرمني من ضحكتك ويضايقك او يلحقك حاندير فيه شي عمري مافكرت نديره حانخلي الدنيا تشك ف رجولة عيلتكم حانخلي رجولتهم مزبلة للماشي والجاي
سهى تسوق حست شي يخص جنس الرجال بس حبت تسأل: شنو حادير لو قرب ولحنا مره تانيه
ديجور شاف هاتفه رجع شافلها: صدقيني لو نعلم ان ضايقك حاتسمعي بشي مُقرف وقتها حاتنقرفي حتى مني ان فكرت نضر شخص بلوحشيه هادي
سهى سكتت بس قلبها 💗 حست بخوف شخص عليها اهتمام ع حب ع رجوله ع سند 💗
ديجور بعت مسج بهاتفه ورجع شافلها: مش حاتحكيلي من داير ف راسك هكي
سهى تسوق: طحت
ديجور: حانعرف بطريقتي
سهى تسوق وسكتت
ديجور يستفز فها عشان يعرف: نبدو بيهم واحد واحد لعند نع.. قاطعاته
سهى تسوق تعصبت: انا لنضربت صح ولا
وانا لرافضه نحكي خلاص مش غصب وماحد عينك حارس شخصي ليا
ديجور هز راسه: سهى لو نقامت عليك ايد مره حاتنقام عشره سوا من قريب او من غريب
ماتخليهمش يستخفو بيك
ترجعي ز قبل وريني ترا بروحك ولمد ايده نبي نشوفها ايده مكسور لو جد انتي بنت وقد روحك وريني انك مش ضعيفه
سهى حست بدعمم واعجاب بشخصيتها زادت سرعتها
ديجور ابتسم ابتسامة النصر لم زادت سرعتها
سهى وصلاته للمكتب
ديجور: نكلمه صاحب المكتب حاتاخديه؟
سهى: اي ان شاء الله
ديجور اابتسم وشافلها: معاش تركبي حد معاك من ماكان ف الجديد
سهى لفت وجها شافتله بقهر وسكتت
ديجور اختفت ابتسامته حسها اضايقت سكت
سهى نخنقت من الكلمة بس شافتله وابتسمت ابتسامه صفراء: شكرا ع الكلمه
ديجور نزل وركب سيارته وهو من نظرتها حسها اضيقت من شي لم ركب فتح عيونه وضرب الدومان: لااا
سهى مرت من جنبه بسيارتها
ديجور تأفف:**** لا *** مش هكي قصدي
.. ولع وفات والمهم انه فهم كلمته
سهى تسوق قعدت البكيه متحنجره ف رقبتها: شن كنتي مستنيه يقولك يعني شي طبيعي ركبتيه معاك
اكيد بيفكر ان ركب معاي غيره قبله وبعده
وين الغلط
(ضربت الدومان) الغلط مني انا حيوانه
انا حيوانه انا
لخليته يركب