"මැනික මගේ...ඕක ඔලුවට දාගන්නකෝ වස්තුව..."
අවීන් චූටි නංගිව වඩාගෙන මූන ඉඹින ගමන් කතා කරනකොට ඒ දිහා බලන් ඉන්න මගේ මූනට ආවේ හිනාවක්..එයාලගේ වයස් පරතරේ හිනද්ද මන්දා අවීන් හරියට නංගිට ආදරේ තාත්තෙක් වගේ...එයා චූටිව හුරතල් කරන හැමවෙලේම මං බලන් ඉන්නේ ආසාවෙන්...
හවස් වෙනකම්ම ඊටපස්සේ පොඩි අයට සෙල්ලම් බඩු ගන්න එක එක තැන්වල නැවැත්තුවා..පන්සලකට යනකොට අනිවාරෙන් කඩ සීයක් විතර තියෙනවා..පොඩි කට්ටියව ඒ හරියෙන් එක්කගෙන ආවේ බොහොම අමාරුවෙන්...හවස් වෙනකොට අඩන්න ගත්ත නිසා නවත්තලා ඔක්කොම කඩවලට ගියා...
"අම්මේ මට පීක් පීක් ගාන සපත්තු දෙකක් ඕනේ උමාට තියෙනවා වගේ... "
මල්ලි කිවුවේ බාප්පගේ දුව දාගෙන ඉන්න ඇවිදිනකොට සද්දේ එන සපත්තු දෙක පෙන්නලා..
"වෙන මොකුත් එපාද උබට..පොඩි එකා.."
මල්ලිගේ ඔලුවට එකක් ගහන ගමන් අවීන් ඉස්සරහට ගියේ මල්ලි කියන ඒවට කට්ටියම එක එක ඒවා කිය කිය හිනා වෙනකොට..
"හවස් වෙලා හිටියේ ගොඩක් වෙලා ඉන්නැතුව කට්ටියම ඉක්මනට එන්න ඕනේ...අද පාන්දර වෙද්දි යන්න ඕනේ අපි.. "
කිරින්ද පන්සලටයි වෙහෙරහේන පන්සලටයිත් ගිහින් අපි අන්තිමට නැවැත්තුවේ බීච් එකෙන්..හවස පහට වගේ දැං..ටිකක් කලුවරයි..අපි යනකොට බීච් එකේ කට්ටිය බෆල් වලින් සිංදු දාගෙන පිස්සෝ වගේ නටනවා...ඔක්කොම කට්ටිය ශෝට් එකයි ටී එකයි දාගෙන බීච් එකට ගියා..පිරිමි කට්ටිය නං ශර්ට් නැතුව..මල්ලියි අවීනුයි පොඩි ලමයෙක් ගත්තු බෝලයක් අල්ලන් නටනවා..පොඩි කට්ටිය ඒක ඉල්ලන ගමන් අඩනවා..මම නං ඇදුම් මාරු කරේ නෑ..මම අම්මා එක්ක රැල්ල පාගන්න විතරයි ගියේ. නැන්දලා පුංචිලා එහෙම නං ශෝට් ඇදගෙන ගියා..අම්මට බෑ කිව්ව හින්දා මමත් හිටියා..අවීන්ට හොදට පීනන්න පුලුවන්..එයා චූටි නංගිව පිටේ තියාගෙන පීනනවා..චූටිත් සතුටටම කෑ ගගහ හිනාවෙනවා..මල්ලිට නං පීනන්න බෑ..එයා පොඩි අය එක්ක වතුර ගහ ගන්නවා..
"හරි හරි දැං කට්ටියම නාන්න යමු...දැං ඇති ගොඩට එන්න..යෙශූ ඔය ලමයි එක්ක එන්න දැං... "
