"එහ් ලොකු අක්කේ..කවුරුහරි එනවනං කියන්න ඈ"
සතියකට පස්සේ තවත් එක අලුත් දවසක්..ඉස්කෝලේ ඇවිල්ලා පීරියඩ් තුනක්ම එකදිගට වැඩ කරලා මහන්සියට කට්ටිය බ්‍රේක් එකක් ගන්නයි හදන්නේ..General English උගන්නන සර් අද ඇවිත් නෑ කියලා වටින් ගොඩින් ආරංචි වෙද්දි කට්ටියගේ ලෑස්තිය බජව්වක් දාන්න...කට්ටිය වටවෙලා බජව්ව පටං ගන්න කලිං පසිදු කෑ ගහලා කිවුවේ ක්ලාස් එකේ මොනිට්‍රස් විහාරිට..ලොකු අක්කේ කියන්නේ අනිත් ගෑනු ලමයින්ට වඩා මෙයා ටිකක් වෙනස්..මොනිට්‍රස්ට ගැලපෙන පෞරුෂයක් එයාට තිබුනා..කොල්ලෝ ඔක්කොම විහාරිට විහිලුවට කිවුවේ ලොකු අක්කා කියලා..ඒක එයාටත් ගානක් නෑ..
"හරි පසිදු පටං ගනිං.. "
අදීශ් කියද්දී පසිදු උගුරේ රැල් බුරුල් කරලා ගැම්මට සිංදුවක් කියන්න යද්දි අනිත් අය තාලෙ දෙන්න බලන් හිටියා..
"ඉස හාර හුවා....
හම්බෙ ප්‍යාර හුවා....
මුලා කාතකිහේ...
දඩි අබ ආයි ආයි ආයි ආයි... "
"නවත්තපං හු*#&$තෝ.. "
අහන් ඉන්න බැරිම තැන අදීශ් පසිදු පිටට තෑං ගාලා ඩෑස් පාරක් දුන්නේ කෙල්ලෝ ටිකත් කන්වලින් අත් අයින් කරගද්දි..
"කන විදලා කොණ්ඩේ පාට කරපු ඇවිදින ගිනි අව්වේ....."
ඉතිං අදීශ අලුත් සිංදුවක් පටං ගන්නකොට අවීන් ඇතුලු අනිත් අය පෑන් දෙක තුනකුත් අරගෙන පසුබිම් සංගීතය සපයනකොට කෙල්ලෝ ටිකත් හිනා වෙවී ඒ පැත්ත බලනවා..
"හිල් බාටා ගල් තැලුම් මතු උන තාරවලින් වැහුවේ......."
ඊලග කෑල්ලට පසිදුත් එකතු වෙනකොට උදේ ඉදන් ගනන් හදලා ඔලුව වෙහෙසවපු කොල්ලෝ සෙට් එකට පොඩි නිදහසක් ලැබුනා..
"පන්සිය පනස් ජාතකයම උන්ටයි බණ කිවුවේ ..........
"පොලොවටත් වැඩිය බර උන්මයි මිනියට කර ගැහුවේ ........."
"කවුද දැන් ඔය මිනීවලට කර ගහන්න යන්නේ ??"
ක්ලාස් ඉස්සරහින් ඇහුන කටහඩට පංතියම තප්පරේකට නිශ්ශබ්ද උනා..ලොකු අක්කා කිවුවේ නෑනේ කවුරුත් එනවා කියලා...කොහෙද එතකොට ප්‍රින්සිපල්ගේ කටහඩ ක්ලාස් එක ඉස්සරහින් ඇහෙන්නේ..වටවෙලා හිටපු කොල්ලො හිමීට තමන් ඉන්න තැන්වලට ගියා ඉදගත්තා..අපි මොකුත් කරෙත් නෑ..අපි මොකුත් දන්නෙත් නෑ වගේ...
