"අනේ අයියා මටත් යන්න ඕනේ සුදු අයියව බලන්න..මම සතියක ඉදන් කියන්නේ !!"
චූටි කියපු දේ ගනන් නොගෙන ෆයිල් එකක් බලන ගමන් හිටපු මගෙ උරේකට ගහන ගමන් චූටි කිවුවේ මම ෆයිල් එක පැත්තකින් තියද්දි..සහශ්‍රව නෝමල් රූම් එකකට දාලා සතියක් ගියත් තාමත් එයාට සිහිය නාවේ හරියටම උබ තව විදවපං කියන්න වගේ වෙද්දි මම දවසක් නෑර එයාව බලන්න ගිහින් වරු ගනන් කතා කර කර හිටියා..මාරුවෙන් මාරුවට යෙශුල් අශ්වික මම එයාව බලන්න යද්දි අනිත් අයට ඇතුලට යන්න අශ්වික ඉඩ දුන්නෑ..මිහීත් කොච්චර යන්න හැදුවත් අශ්වික කිවුවේ එයාට සිහිය එනකං අපි තුන්දෙනාට ඇර කාටවත් යන්න දෙන්න බෑ කියලා..
එයාගේ ආරක්ෂාව හින්දම මමත් ඒකට මොකුත් කිවුවේ නෑ..එක පිට එක වැටෙන වැඩ හින්දම චූටි කොච්චර සහශ්‍රව බලන්න එක්කන් යන්න කිව්වත් මට බැරි උනා..
"හෙට එක්ක යන්නම් චූටි.."
"හැබැයි එක්ක නොගියොත් බලාගමු ඇහ්.."
මගෙ උරහිස කොනිති ගහලා කෙල්ල ගස්සගෙන ගියේ මට හිනාවක් යද්දි..තව ටිකකින් ඔෆිස් යන්න ඕන හින්දා මම බාතෲම් එකට ගිහින් නාගත්‍තා..
"මං අද නුවරඑළියේ ෆැක්ටරි එකට යනවා චූටි..දේවි අම්මා එක්ක ඉන්න..මම එද්දි හවස් වෙයි.."
"කන්න මොනාහරි ගේන්ඩෝ"
ටීවි බලන ගමන් හිටපු චූටිගේ කොණ්ඩෙ අවුස්සන ගමන් කියලා මම එලියට එද්දි මුලු ගෙදරටම ඇහෙන්න චූටි කෑ ගැහුවේ මම සුලැගිල්ල කන ඇතුලට දාලා කරකද්දි..
පැයක් තිස්සේ ඩ්‍රයිව් කරලා මම වාහනේ නැවැත්තුවේ තැඹිලි විකුණන තැනක් ලග..එකදිගට ඩ්‍රයිව් කරලා මහන්සි හින්දයි හදිස්සියෙම තැඹිලි බොන්න ආව ආසාව හින්දයි මම වාහනේ නැවැත්තුවා..වැඩිය වාහන නැති හින්දා එතන නිස්කලංකයි..
"එකක් කපලා දෙන්න.."
එතන හිටපු කොල්ලට මම කියද්දී කොල්ලා වටපිට බලන ගමන් තැඹිලි ගෙඩියක් ගත්තේ මම ඇස් දෙක හීනි කරද්දි..එයා මට කෙනෙක්ව මතක් කරනවා..ඒ ඇස්..රෝසපාට උන කම්මුල්..තාමත් කවුරුහරි එනකං බලන් ඉන්නවා වගේ ඒ කොල්ලා තැඹිලි ගෙඩිය අතේ තියන් බලන් ඉද්දි මට තරහ ගියා..
