"ම්ම්..ගන්න"
මගෙ එහා පැත්තෙන් ඉදගන්න ගමන් අවීන් මට අයිස් කෝන් එකක් දුන්නා..
ටවුන් එක ලස්සනට ඩෙකරේට් කරලා තියෙද්දි අපි දෙන්නම ඒවා බල බල ආවා..මම ගොඩක් සතුටු උනා..කාලෙකට පස්සෙ..ඇත්තටම මම මීට කලින් කවදාවත් මෙහෙම ඇවිත් නෑ..දැං රෑ දහයට විතර..කානිවල් එකක් තිබ්බ තැනින් අවීන් බයික් එක නවත්තද්දි අපි දෙන්නම ඇතුලට ඇවිත් ටිකක් නැවතුනේ කතා කරන්න..මොකද මට අද දවස විතරයි තියෙන්නේ..මෙතනින් පස්සේ මම ජීවත් වෙන්නේ අපායක...
"මොනවද කියන්න තියෙනවා කිවුවේ සහශ්‍ර ??"
අවීන් ඇහුවා..ඒත් මම තාමත් කල්පනා කරනවා..මම මේ දේ කිව්වොත් ඔයාගේ දැං තියෙන සතුට නැතිවෙලා යයි අවීන්..ඒත් මම නොකිව්වොත් ඔයා මාව අතාරින්නෙත් නැති වෙයි..මට සමාවෙන්න..ඒ වගේම මාව පරිස්සම් කරාට ස්තූතියි..
''අවීන්..''
"ම්ම්.."
"ඔයා ඇත්තටම මාත් එක්ක ඉද්දි සතුටු වෙනවද..නැත්තන් මං ගැන අනුකම්පාවක්ද ?"
ඔයා ඒක අනුකම්පාවක් කිව්වොත් මට සැනසීමෙන් මගෙන් ඈත් වෙන්න කියන්න පුලුවන් අවීන්..එයා උත්තරයක් දෙනකං මම හිතුවා..
"කවදහරි දැකලා තියෙනවද මම මේ විදිහට හිනාවෙලා ඉන්නවා..අවුරුහරි පස්සෙන් මේ විදිහට වැද වැද යනවා..අනුකම්පාවක් නං උබේ හිත හදලා සමාව අරං මං අයින් වෙනවා..ඒත් මම එහෙම කරාද ? එකම දේ ආය ආය අහන්න එපා..උත්තරේ වෙනස් වෙන්නෑ..මං සතුටින් ඉන්නේ තමුසේ හින්දා.."
මාව අසරණ කරන්න එපා දෙයියනේ..මම කොහොමද මේක තේරුම් කරන්නේ..මම ඔයාගෙන් උදව් ඉල්ලන්නද අවීන්..ඔයා මට උදව් කරනවද ඒ තිරිසනාගෙන් බේරෙන්න..
"මොකක්ද ඔය හිතේ හිරකරගෙන ඉන්නේ මැනික..මට කියන්න බැයිද ??"
එයා ඇහුවේ හරි ආදරණීය විදිහට..මට බෑ මේක කරන්න..ඒ තිරිසනා හින්දා ඔයාට මොකුත් වෙන්න් ඕන්නෑ අවීන්..
"මම කියන්නම්.."
"හ්ම්..කියන්නකෝ.."
"ඔයා කිව්වනේ මට ආදරේ කරන්න කෙනෙක් හම්බුන දවසට මාව අතාරිනවා කියලා..ඉතිං මට එහෙම කෙනෙක් හම්බුනා..මං එයාට ආදරෙයි..මාව අතාරින්න අවීන්..අදින් පස්සේ මේක ඉවරයි..ආය මට කරදර කරන්න එපා.."
