"ඉතිං මේ සුන්දර රාත්‍රියේ ඔබ අප සියලු දෙනා පුන පුනා බලාසිටි මොහොතයි මේ උදා වෙන්නේ............................................................................................................ "
කොන්සර්ට් එක පටං ගන්න announcement එක ඇහෙනකොට තැන් තැන්වල ඇවිද ඇවිද හිටපු කට්ටිය ඔක්කොම ස්ටේජ් එක ඉස්සරහ එකතු උනේ අවීන්ලගේ කට්ටියත් මුල්ලක් අල්ලගෙන වාඩි වෙද්දි..මේ වගේ දෙයක් බලන්න මේ වෙලාවට සෙට් වෙන්නේ මුල්ලක් තමයි..පලවෙනියටම අවීන්ගේ නංගි දනෝද්‍යා ස්ටේජ් එකට ආවේ සිලිං බිලිං සද්දෙත් එක්ක..එතකොට නං අයියලා ටිකගෙන හොද විසිල් පාරක් හම්බුනා මේ චූටිගේ කෙල්ලට..උඩරට සම්ප්‍රදායට අවීන්ගේ චූටි නංගි මැන්ඩියට පාත් වෙලා නටනකොට අවීන්ට නංගි ගැන ආඩම්බරයක් නොදැනුනා නෙවෙයි...නංගිත් සැරෙන් සැරේර අයියට චූටි පහේ හිනාවක් දුන්නා..
"අඩෝ චූටි එකී පට්ට ඕයි..බලපං අපේ ඉස්කෝලේ ගැට පනුච්චියන්ටත් වඩා හොදට නටනවා.. "
"ඔව් කොල්ලෝ ඈ..හොද අනාගතයක් තමා කෙල්ලට..මගෙං ඉගෙනගන්න කියපං..වරදින්නෑ ආය අම්මපල්ලා.. "
නවය වසරට එනකම් චිත්‍ර කරලා චිත්‍ර මිස් පැන්නුවට පස්සේ නැටුම්වලට ගිය අදීශ් කියනකොට කොල්ලෝ ටික ඔක්කොම අදීශ් දිහා බැලුවේ උබට මැන්ඩියටවත් හිටගන්න පුලුවන්ද කියන්න වගේ..
"බී එකක් තියෙනවා යකෝ..මදිද ඒ ?? උබලා හු&$#ක් කතා කරනවා.. "
ඉතිං ඔහොම පටං ගත්ත වැඩ සටසන දිගට දිගට ඇදිලා යනකොට පාරේ දෙපැත්තේ තියෙන පොල්කොල පංදංවල එලියත් එක්ක අද ස්කූල් එකට අමුතුම ලස්සනක් ආවා..පොඩි අයගේ එක එක නැටුම් ගොඩක් තියෙද්දි අවීන්ගේ නංගි ඒ හැම එකටම වගේ හිටියා..ශානිටත් නැටුමෙන් නැටුමට දනෝද්‍යාව ලෑස්ති කරන එක ඇරෙන්න ඒ එක නැටුමක්වත් බලන්න පුලුවන් උනා කියලා නං කියන්න අමාරුයි..
"අර තියෙන්නේ..අඩෝ එතන සෙනගනේ අයියේ.."
යෙශුල් කිවුවේ කොත්තුමී වෑන් එක පෙන්නන ගමන්..එක දිගට වාඩි වෙලා හිටිය හින්දා හිරි වැටුන පස්සවල් ටික යථා තත්වෙට පත් කරගන්න කොල්ලො ටික ආවේ මොනවහරි බඩට දාගන්න..සහශ්‍ර නං තාම අර බැලුම බදාගෙන..යෙශුල්ගෙනුත් බැනුම් ඇහුවා පොඩි එකෙක් වගේ කියලා..ඒත් කොල්ලා බැලුම නං කාටවත් දුන්නෑ..
