"නෑ නෑ..මොකුත් නෑ..මම පාඩම් කරන්න යනවා..අහ්..මේ හැමදාම ටවුන් එකට යනවා නේද ක්ලාස් හින්දා..කන්න මොනවහරි ගෙනාවා කියලා මම තරහ වෙන්නෑ හොදේ...ඔහේ එනවා අත් දෙක වන වනා හැමදාම... "
මට බනින ගමන් මල්ලි පොත් ටිකක් අරගෙන එලියට යද්දි මමත් බයෝ ක්ලාස් එකේ පොත ගත්තේ පාඩම් කරන්න...
"ලොකූ කෑම කන්න එන්න... "
පැයකට විතර පස්සේ අම්මා කතාකරද්දි මම සාලෙට ගියේ ඔක්කොම කෑම මේසේ වාඩි වෙලා ඉද්දි...
"ලොකූ හෙට ක්ලාස් යන්න සල්ලි මම ටේබල් එක උඩින් තිබ්බා..යනකොට අරගෙන යන්න.."
කෑම කාලා ඉවර වෙද්දි අම්මා කිවුවේ මම ඔලුව වනලා හා කියද්දි...
"ලොකූ හෙට යන්නේ ප්‍රිසික්ස් ක්ලාස් නේද.. "
"ඔව් අප්පච්චි.. !
'"ම්ම්..අවීන් පුතා එනවා කිව්වා ඒ ක්ලාස් එකට...එයත් එක්කම මෙහෙ එන්න... "
අප්පච්චි කියද්දී මම කල්පනා කරේ මොනවද මේ වෙන්නේ කියලා...එයා ඇයි මම යන ක්ලාස්වලටම එන්නේ...අනික මෙහෙ එන්නේ මොකටද..මට කොච්චර ප්‍රශ්න තිබුනත් අප්පච්චිගෙන් අහන්න බැරි හින්දා මම ඔලුවත් වනලා කාමරේට ආවේ ඉතුරු වැඩ ටික කරන්න...
.........................
"හෙලෝ මිහී...කොහෙද අප්පා ඉන්නේ... "
උදේ ක්ලාස් යන්න බස් හෝල්ට් එකට ඇවිත් මම මිහීට කෝල් එකක් ගත්තේ දැං ඇවිත් පැය් කාලක් වගේ හිටිය හින්දා
"අඩෝ සොරි බන්..මං විනාඩි පහෙන් ඔතන...එන ගමන් ඉන්නේ.. "
"ආ..එන ගමන් ඉන්නේ කියන්නේ ගෙදර ලෑන් ලයින් එකට ගත්ත කෝල් එක ආන්සර් කරලද.. "
"අප්පටසිරි...හරි මේ දැං එනවා..විනාඩි දහයක් දියම් කොල්ලෝ... "
කෝල් එකත් කට් කරලා ෆෝන් එක සාක්කුවට දාගෙන මිහී එනකම් බලන් ඉද්දි මගේ ඉස්සරහ බයික් එකකින් ඇවිත් නැවැත්තුවේ මං කීයටවත් බලාපොරොත්තු උනේ නැති කෙනෙක්
'විරාත්.. "
"ගුඩ් මෝනින්..කෝ අද නැට්ට.. "
"ඔයා මොකද මෙතන... "
"ඇයි පාර තමුසෙගෙද..අහපු දේට උත්තර දෙනවකෝ..අද නැට්ට නැද්ද...තනියමද ක්ලාස් යන්නේ... "
