"ඔයාට පුලුවන් එදාට අපේ ස්කූල් එකට එන්න.."
"ආ යූ ශුවර්..මට ඔයාව බලන්න පුලුවන්ද එදාට ?? "
"හ්ම්ම් ඔව්..මම අයිටම් එකකට ඉන්නවා..හවස ශෝ එකට ඔයා එන්න.."
"අනිවාරෙන් මම එනවා !! බලමු එදාටවත් අපි දෙන්නට හම්බෙන්න පුලුවන් වෙයිද කියලා..ඔයා මාව අදුරගනීද බලමු.."
සහශ්‍ර කෝල් එක කට් කරලා ෆෝන් එක සාක්කුවට දාගෙන පාර දිගේ ඇවිදන් ගියා..ප්‍රිසික්ස් ක්ලාස් ඉවර වෙලා ගෙදර යන ගමන් ඉදන් ආව කෝල් එකට සහශ්‍ර කතා කරලා කල්පනා කරේ එයා මේ කරන වැඩේ තේරුම මොකක්ද කියලා..එයා කියන ඒවා සහශ්‍ර විශ්වාස කරනවා කියන්නත් අමාරුයි..එහෙනම් ඇයි සහශ්‍ර දිගටම එයා එක්ක කතා කරන්නේ ?? ඒකට හේතුව සහශ්‍රවත් දන්නැතුව ඇති..අනිත් ප්‍රශ්නේ අවීන්..එදා ඩාන්සින්ග් අයිටම් එකෙන්.අවීන් අයින් වෙන්න කිව්වට සහශ්‍ර කැමති උනේ නෑ වගේම අවීන් ඒක ගැන ආය කතා කරේ නෑ..අවීන්ගේ හැසිරීම සහශ්‍ර ප්‍රශ්නයක්..මොකද අවීන් සහශ්‍රට අකමැති නං එයාට පුලුවන් ගෙදරට කියලා මේක නවත්තන්න..ඒත් එයා ඒකට තෝරගෙන තියෙන්නේ සහශ්‍රව රිද්දන එක..සමහරවිට අවීන්ට ඒක ගෙදරට කියන්න බැරි හින්දා සහශ්‍ර මාර්ගයෙන් මේකට අකමැති කියවන්න හදනවද ??
කල්පනා කරන ගමන්ම ගෙදරට ඇවිත් තියෙද්දි සහශ්‍ර ගේ ඇතුලට ගියා..යුගේන්ද්‍ර සාලෙට වෙලා ඉදගෙන ඉද්දි යෙශුල් හිටියේ ටීවි බලන ගමන්..රුශීට අද කේස් එකක් හින්දා අද ගෙදර එන්න රෑ වෙනවා කියලා කලින් කියලා තිබ්බා..
"කෝල් එකක් දුන්නනං මං එනවා එක්කන් යන්න.."
"කමක් නෑ අප්පච්චි..ගොඩක් දුර නෙවෙයිනෙ..මම හිමින් ආවා.."
"හ්ම්ම්..වොශ් එකක් දාගන්න.."
"හරි අප්පච්චි.."
යෙශුල්ට ගානක්වත් නෑ සහශ්‍ර ගැන..ටීවී එක කන්න වගේ ලගටම වෙලා බලන එක එයාගේ පුරුද්ද..ඉතිං වටපිටේ සිද්දවෙන දේවල් ගැන එයාට ගානක් නෑ..සහශ්‍ර වොශ් එකක් දාගෙන එනකොට යුගේන්ද්‍ර තේ එකක් හදලා තිබ්බා..ඉතිං සහශ්‍ර ඒකත් අරගෙන සාලෙන් ඉදගත්‍තා..
