تزوجتها بوصية زوجها(النهاية)

214 بداية الفصل الأخير"طلاق بلاجبار"

تزوجتها بوصية زوجها📜
الفصل الأخير:

القسم الأول: "طلاق بالاجبار"

يا سيدي الطبيب فلتعلم.
      ان كل الجروح ندوبها تزال
  الا نُدْبٓةُ عٍشْقك لاَتُزالْ
مند الازل والى الأبد🩹

  🍂بعد  أسبوعاين🍂

ريح خفيفة...نسمة الصباح الباردة..وصوت طيور المهاجرة..
شتا دخلات...شي بيها فرح..وشي منها خاف..وهاجر..وقلب على بلاصة خرا دافية...

قدام مقبرة.."الرحمة"وقف طاكسيي...حدا لباب..

تمات نازلاا...لابسا جيب دجلد كحلا..مع طريكو فنفس لون..ومن لفوق حاطا ڤيست فلحمر...

نزلات من طاكسي...مخلياا لهواء يطير خصلات شعرهاا..لكحل...القاتم كيف قلبها..
دايرا مكياج خفيف...حاجبا بيه اتر دموعها..وحزنها لي دوزات فليام لي دازوو...ولكن شحال قدها تبقاا حزينة..دنيا تتحرك.ولموقفتي على رجلك ليوم..غتزيدك ضربة خراا طيحكك...متقدر توقف مزال..

شافت فمول طاكسي..وعيونها عليه نطقات

إخلاص:خمسا دقايق وانا راجعا..

حرك راسو بوخاا...

تمات داخلاا..صوت كعبهاا مسمووع..صوت لي كاسر الصمت السايد...دفعات باب لمقبرة بيدها...تصدر صوووتووو...وتمات داخلا ..

خطوات تاا وصلات حداا قبرها .

واقفااا تتشوف فقبرها..وفقبروو لي حداها...
"نورة مرابط..ومعاد الصالحي"

ابتسمات ودمعة فطرف عينيها

إخلاص:شفتي فلخر ربحتيني ودتيه..

رجعات شعرها لور..تنهدات بصوت مسموع..

إخلاص:نورة..داز نص شهر..بحالا غير لبارح..حرقتك باقا فلقلب بحالا غير لبارح...انا عارفا نتي متتبغي حد يبكي عليك..ولكن تاحد مقدر يصبر على فراقك

.(تنهدات)ختيي..عارفاك تتسولي على حالتهم..نتيي غير كوني مرتاحة..ماما..كتحاول انهاا..تصبر .هي قوية..غدوز هاد لمحنة..وزق زاق..قرر يصحح جنسوو ويشوف طبيب..(سكتات لثواني)باباك باقي مفاق من لعملية..كيقولو دخل فغيبوبة يقدر عمر يفيق..ويقدر يفيق..باثار جانبية..مهم عايش (سدات عينيها مزيرا عليهم)وهوا..ماسين..من مور دفنك مبان..لي لاثار..ولكن اكيد غيكون بيخير...هواا غيفوت لمنحة..على قبل حبك غيفوتها..

شافت لجهة قبر معاد

إخلاص:معاد...(نزلو دموعها)وااش عقلتي نهار قلتي لي ناس زوينين كاع مكيطولو فهاد دنيا..دابا تاكدت من هضرت..هاد دنيا كاع ناس زوينين كيمشيو منها وكيبقاااو غير لي فقلبهم شر ..لخايبين كاع مكيوقع لهم والو غيبقااو مع بعض..تا يسلط عليهم ربي شي مصيبة تحرقهم كلهم

مسحات دموعها..تتشوف فنورة

إخلاص:قلتي لي قبل متموتي نكمل فين وقفتي..كغندير جهدي...مغنخليش خدمتك تمشي فريح...لماركا ديالك غتولي هي لولى صافي غير رتاحي..(حولات نضرها لمعاد)تهلاا فيهااا..هي راها ختيي 

قدات صاكها..وتنفسات بجهد...تمات غادة تخرج..وقفات.ضايراا..تفكرات ان والديه بجوج مدفونين هناا..

زادت متوجها لقبرهم...وقفات تتشوف فقبرهم..

إخلاص:اناا عارفاا قلبكم محروق على اش دار ولدكم...ولكن لمكانش اخ مزيان وزوج مزيان..هوا ولد مزيان..كيبغيكم بزاف..عمرر تحقدوو عليه عمرر..

لمحو عينيها لقبرر لي جاي وسطهم..

إخلاص:ضيف جديد جاي ..علااش لموت كترات علاش(بحرقة)ولدكم لي كان خصو يكون فهاد لقبر كان خص يتكتب عليه أسيرم مرابط ماشييي

(هزات عينيها تقرا سمية..طيحات صاك منين قرات أسيرم مرابط)