تزوجتها بوصية زوجها(النهاية)

251

نزل راسوو تا قربوو لكتفوو..وعينوو عليها

ينيس:كفاااش يمكن تتبغيني؟؟,وااحد بحالي تيتبغا بلا يمكن ال..(ساد فمو)

حطات يدها على جنبها..كتحرك راسها باه..

سكينة:ماشي يمكن..انا كنبغيك..نهار شفت خبر موتك فلاخبار..داك نهار ..عرفت بليي انا كنبغيك..يعني ..انا ونتا تلاقينا فشكل..كان خصني لوقت عاد نفهمك ونعرفك..ولكن انا كنبغييك.(هزات كتافها)يعنيي عارفا نتاا معاياا ولكن قلبك..(تنهدات)عارفاا­ بلي قلبكك عندك خيارات خرين.. كاين محسن..مني..كاينين بنات يستاهلوو قلبك..ولكن انا باغا نكونو عائلة كيف قلت لك عائلة متفاهمة وزوينة .وو.

ساطت بجهدد..معرفا متقول

سكينة:بديت نخربق..(تنهدات)غنمشي­ي نفيق زاكيي

دارت خارجا..بان لها واقف فباب لكوزينة

سكينة:صباح لخير كنت جايا نفيقك..لغسلتي وجهك كلس تفطرر..انا غنبدل باش نمشي لخدمة

تمات خارجاا..شاف زاكي فينيس لي غير واقف كيشوف

زاكي:هي بغاا عائلة متفاهمة..حيت مكانتش عندها..بابا وماما..منين سمعوو بلي هي مع طبيب متزوج..طاحت من عينيهم..وهربات من نظرتهم..ومن كولشيي..بابا كال لها بلي كيف بغا تدمر عائلة راجل مزوج..عمر غتكون عندها عائلة

(تنهد)آه داااك لمعقدد خصص ليي(غزز سنانو)كيبقا بابا

ينيس:على داكشي بغيتي عرس؟باش يحضرو ويشوفو بلي هي عندها عائلة

زاكي:بغيتو باش ناكل..كيعجبني دجاج بدغميرة دلعراس

تم خارج..

ينيس:فين غادي؟

زاكي:انا ذاهب لأسقي الطواليط الآن

ضحك جنب..وزاد تاهوا خارج..

توجه عندها لبيت..لقااهاا..تتقاد­ مكياجها قدام لمراية

ينيس:غنكولك شي هضرا دابا ..وعمر اتعاودي تسمعيها تافقنا

شافت فيه..ولعكر فيدها

سكينة:ياك لاباس؟

حيد لها لعكر..

ينيس:متبقايش ديري لمكياج بزاف..اه فهمنا خايبا وتتحاولي تزياني ولكن

خنزرات فيه مصدومة

ينيس:واش مخيفاش تقتليني بزينك؟

كحبات بشويا ..شادة ضحكتها

سكينة:تافقنا بلا رومانسية

سرط ريقو..مقرب لهاا..

ينيس:نتي مبعداني عليك..حيت خايفا نخليك..خايفاا منكونش باغيك..بغا تعرفي واش انا باغيك غير حيت عجبتيني ديك ليلة..ولاا باغيك بصح

سكينة(كتشوف فعينو)كفاش عرفتي؟

ينيس:عارف كولشيي..عارف شحال من دقة كيدق قلبك ونتي معايا..عارف اش بغا وفاش تتفكري قبل كاع تا متنطقي..