تزوجتها بوصية زوجها(النهاية)

217

تزوجتها بوصية زوجها📜

الفصل3:طــلاق بالإجــبـار

"نُـدبـة عـشْقك لاتُزال"

حطات يدهاا على فمها مصدومة..

سكينة:أشش درتييي واااش حماقيتيي.
زادت بجراا عند عدنان..لي ناض كيمسح جنب نيفوو

عدنان:خليييه..
قرب من عندوو مخنزر فييه..

ينيس:خرج تق*د 

قربات منو مخنزرا فيه

سكينة:بلااا مدخل ..هما مزوجين خليهم يحلو مشاكلهم بوحدهم

ينيس(بنفاد صبر)مشاااكل؟سييد دافع ختيي ومطيح ولدهاا..(كرز على سنانو محول نضرو لعدنان) خررررررج قبل منخليك تريح بلاصتهاا

شاف عدنان فايناس لي واقفا تتوجع..مبغاش يزيد يعصبها..
حول نضرو لينيس
عدنان:خارج على قبلها..اما معنديش مشكل نعسو انا وياك بلاصتها

دفعوو بصدرو خارج ..

سكينة:عدنان..

يلاه بغات تبعو..شدها يانيس من يدها موقفها
ينيس:غتبعيه غتوقع شي حاجة مغتعجبكش.
نترات يدها:شكوون نتاا باش تمنعنيي
ينيس(ميل راسو)انا لي كو...تك

خنزرات فيه:هادشي مكيعطيكش لحق فهمتييي(قربات منو بتحدي)وبلا متفرح حيت نقدر نخلي يجيو موراك بزاف اسي بنيس ومغيكون عندك لا نتا لاهما لحق عليا
نترات يدهاا غاداا...
تبعات عدنان بخطوات سراع..

سكينة:(شافتو شاد فنيفو)رعفتيي؟خليني نشوف
عدنان:انا بيخير
سكينة:عدنان..نتا اول شخص انعرف فهاد لكلينيك عارفاك مزيان اش تتسواا..خليناا نهضروو..

ثواني...كان كالس وهي تتمس ليه دم نيفوو..
سكينة:اش بان لك دير لاشعة..ليكون هرسو لك؟
عدنان:ماشي تا لهاد درجة
سكينة:اه.. داك لمصعووور..

عدنان:نوغمال يخاف على ختو

سكينة:شنوو وقع بينكم اعدنان..انا كنشوف قداش تتبغيها...
عدنان:دفعتها (شاف فيدوو)بيدي هادوو دفعتهاا..معرفتش..كفاش تا قصتها..كانت تتغوت..معرفتش

سكينة:لواحد كيدير شي حوايج بلا ميشعر بعد لمرات..
عدنان:متقبلتش ان هي لي كانت فعملية هجار الله يرحمها(شد على راسو)بفمهاا قالت كااع لي سمعت بصحح بفمهاا

سكينة:لخطأ طبي وارد

شاف فيهاا..كارز على سنانو

عدنان:واش فنضرك كن كان خطأ طبي انهضر؟

ميلات راسها:اش تتقصد

عدنان:هجااار تقتللات

"فجهة خراا"

كان كالس متكي فزنزانة...حاط راسو على لحيط..سااد عينوو..وجامع يدووو...

سمع لباب تحلات..وبقاا على نفس لحال ..بلا ميتحرك..
دفعوو شخص اخر...وسدو لباب..
كيسمع لخطوات شخص داخل..تقدم داخل..كلس..وعينوو على اسيرم..

نطق وعينو عليه

....:لعمااالة عنديي لونيسة هناا (قرب من اسيرم)أشنوو تهمة ؟
بقا كيشوف كيعاين يجاوبو لكن بحالا كيهضر مع لحيط .

...:ولد ماما غطيني لبرد غيجينييي غتنطق ولا نخلي خوياا ينطققق...شتييي اناااا رااه هاديي لاميزوون ديالييي مدوز فيها كتر ممدوز فكرش مييي...وهضااار حسن لك وحتاارم فخامتييي ولااا..
(قرب منوو يلاه هز يدو يضربوو..شدها ليه..رجعهااا موور ضهروو ملويها ليه..جاروو بجهد..مزير تحت..عنقو..مقرب وجهو لي  حس بضوء ضربو منين قاصت لحيتو خدوو..نطق بهمسس حدا ودنو)
أسيرم:...غتسدد عليااا كر..ك وتبت ....ولا غرجع فخامتك بين فخاد باباك ماشي غير لكرش مكك

بون نوي تتمة غدا ان شاء الله خليو تعاليكم...