تزوجتها بوصية زوجها(النهاية)

230

تزوجتها بوصية زوجها📜
طلاق بالاجبـــار

نذبـة عشــقك لاتــزال

شاافت فيه مطولاا...هزاات يديها..حطاهم على لحيتوو كتلمسووو...وعيونها على عيونو سودة لامعة .توحشااات تشوف فيهم..ويشووف فيهاا وهوا غارق فعيونها..

ابتسمات..ودمعة فطرف عينيها

إخلاص:تا نتاا خايب..(حطات يدها على راسو)وخاا خففو لك من شعرك ولكن خايب لدرجة مبغاش نحيد عيني علييك.

هزز يدووو..حطهاا على خدهاا

أسيرم:سمحيلي حيت خليتك تعيشي حوايج خايبين

باست يدو بلخف..وناضت..

إخلاص:أشمن حوايج خايبين تانتا نساا...(رجعات شعرها مور ودنها)أاا..معرفتش وااش خصك تفطرر ولاا ممنوع تااكل..

شافت فلباب تحلات.ولممرضة مدخلا لماكلا..

إخلاص:آه هااا لماكلا جات..

قداتها قريب منوو..زاادت سدات لباب..منين خرجات لممرضة..شاافت فيه وضحكتها مرسومة .

إخلاص:خليني نوكلكك...وتاا انا فيا جووع غنقب معاك وخا كنكره هااد لماكلا دلكلينيك..مافيهاش لمداق يععع

زادت عندوو..وهوا غير مراقبها بعينيه .

هزات لمعلقة...

إخلاص:يلااه كوول..باش تنووض دغياا..حياااة طويلة و(سكتات لثواني)وزوينة تابعاك...حل حل فمكك

حلل فموو وهي تتوكلوو

إخلاص:وااش كاين شي حد كيفطر بدشيشة دلحليب فصبااح..كن صحابني هكدا كن طيبت لك..(ضحكاات )أش بان لكك فلمسمن ديالي كيعجبكك ياااك

ابتسم جنب وعينو عليها..هز يدو مبعد شعرها من شفايفها..

إخلاص:واااش عقلتيي نهار لقيتيني كنطيبوو عندك فدار أاا..تصدمتيي(ضحكات بجهدد)بقاا عاقلاا على وجهك كي كان

كضحككك بجهدد..مصغرا عينيهااا..

شبكك يدوو مع يدهاا ..

أسيرم:إخلاااااص

إخلاص(كضحك)اشنوو ازغيندة..غتكوليي عاود لبجغوطة اناا رااه كبرت قربت نكمل 28 عاام ..

أسيرم:نتيي غتبقاااي ديماا صغيرة فعينييي وخاا تشرفي وتمشيي على لعكااز

إخلاص:اناا مكنتخيلش راسيي شارفاا ولكن نتاا..لحيتك بيضة وشعركك بيض
(حولات عينيها لشعرو..ضحكات بجهدد)غتكووون شارف

شد يدها تانياا..ميل وجهوو

أسيرم:عفاااااك مديريش هكداااا

بعدات لبلاطوو..شافت فيه كتنفس بجهدد..مقداش تنطق مزال..ترمااات عليييه..معنقاااه بجوج يدييين بجهدددد...

ضحكتهاا تحولاات لبكاااا...كتنخصص وتبكيي بجهدد

إخلاص:انااااا اناااا دعييت علييك أسيرم انااا محسيتش بيييك احبيبي محسيتششش..سمحليييي سمحليييييي...

بعدها عليه..شد وجها بين يدوو..وصباعو كيمسحو دموعها

أسيرم:منين غتحسي ولا غتعرفيي..؟انا مبغيتكش تعرفيي خبيت عليك نتي معندك دنب

ميلات وجها..شدات يدوو كتبووسهم..وحطات يدها على وجهوو..

إخلاص:كووول عفاك كول..نتاا كونتيي تتاكل كولشي صحي ولكن فاش تزوجتيني..اكيد انا سباب .من ليووم غنوجد لك كولشي صحي من ليوم.. انا

أسيرم:إخ..

سكتات ببوسة خفيفة فشفايفو..وكملات هضرتها..دموعها نازلين وشفايفها كيرجفوو

إخلاص:أحبيب إخلاص سمعنيي نتاا(سكتات معرفا متكول)متموووتش عفااك بقااا معانااا أناا وولدنا

هزات يدوو حطاها على كرشهاا....

إخلاص:حناا غنولييو 3 خليناا نبقاو 3