تزوجتها بوصية زوجها(النهاية)

215

تزوجتها بوصية زوجها📜
الفصل3:طــلاق بالإجـبـار

نُــدبــة عِــشــقـك لاتُـزال

🍂قبل أسبوع🍂

الموت علينا حق ولكن قليل لي كيقدر يتقبلها بسهولة...كدور عينيها فلكلينيك..

كتشوف ..وترمش بتقالة..كفاش كان لكلينيك وكفاش صبح

فين متحط رجلهاا..كتشوف الموت وتشم ريحتها..كفاش لااا ..ونص الصحاب ماتو..فرمشة عيين ..شحال من شخص كانت تلاقا بيه سوا فلكافيتيريا سوا فغرفة لعملياات...كلهم مشاو فرمشة عيين..لي كتعرفهم من قريب ولا من بعيييد..داتهم لموت على غفلة..بلا تا سابق اندار..

تنهدات..بصوت مسوع..

خشات يدها..فمريولها طبي لبيض .وزادت بخطوات تقال متوجها لغرفتها...

دقات بشويا ودخلات طالا براسها ولبسمة على شفايفها

نضال:اوا الالة حياة وجدتي راسك باش تخرجيي..

سهات للحظة..تفكرات نهار كانو فغفرفة لعمليات..

نضال:هوا ختار لولد..غنقدو لولد..بغانا نقدوو لولد..ولكن أناا كنختار لام..(سدات عينيها)انا غنتحمل مسؤولية اختياري

حلات لباب داخلا..كتشوف فوجه حياة دابل...لحزن باين على وجها..

جوج كيات تجمعوو عليها..كية ولدها لي ماات ..وراجلها لي وصل لها خبارو ..انه ختار لولد عليها..
وخاا بغااا ولدها..وكن خيروها كانت اتختاروو..ولكن بقاات لغصة فقلبها هي لي كانت تقول عمرر يفرط فيهاا ..يخلي لعالم وميخليها..

قلبها تهرس...وجرح كبير..جرح ديال تحط شخص..فاعلى مقام ونتا بالنسبة ليه تحت صباط..

تنهدات نايضاا..لابسا جلابية فلكحل..جامعا شعرها كعكة...

حياة:واجدا واجداا..

نااضت بزز..حاسا بعضامها مهرسين..ماشي غير لورد لي طاح..ولكن كلات دق..فاش كانت تحت ركام..ومن زهرها...متهرساااتش ...شي هرس خايب..

"فلمرابطين نيت ..

كانت فبيتها..لابسا كيطمة سروال كيطمة دسبور فلكري وفوق صوفيطمة صماطيي..فلكحل..

مخليا شعرها مطلوق...وماماها عند رجلها..كتحزم لها سيور لكونفيرسة لبيضة..

رانيا:بقاي هنا شويا ونجي نعلم غير شيفور يقرب لوطو لباب مغتقديش تزيدي .

تمات خارجا.مخليا لباب محلولة

..فحين هي..هزات عينيها فلڤيست دلكيطمة.لي معلقا...تهزات..شادة تحت كرشها..بغا توصل لها تلبس..

عضات على شفتها..مغنضها عينيها بلحريق لي ضربها تحتها..

مع لحلة تشوف يدو ماد لها لاڤيست..

هزات عينيها فيه..

إيناس:اش تدير هنا؟

عدنان:انا منقدرش نخليك أإيناس

إيناس(ابتسمات ابتسمامة خفيفة)نتاا خليتي ولدك..وقتلتييه بيدك وااش انا غنزيد ولا نقص(كارزا على سنانها)سبق وقولت لكك متورينيش وجهكككك خرررررججج علياااا

رجع شعرو لور كيتنفس بجهد

عدنان:غضبيي من حققكك..ولكن نتي محتاجة لياا

إيناس:محتااجة لي قت..ل ولديي؟؟؟(ضرباتو لصدرو)وااااااش محتااجة لوااحد بحااالك..خرررج (بالغوات)خرااااااااا­اج علياااا ومتعااااودش تورينييي وجهككك خراااااج عليااا خرااااج

كضربوو ودفعووو..ودمعة فطرف عينوو وهوا كيشوف حالتهاا..

عدنان:مديريش هكداا(كارز عليها)وغلاااوتك عندي مديريش هكدااا

إيناس:أشمننن بشررر نتاااا؟؟اشمننن بنادم نتاااا باشمن وجهه جاااي عندييي خرررج عليااا خرج الله يلعن نهار لييي عرفتكك فيييه خرااااااج

شدات على كرشها بلوجع

عدنان:إينااااااس

قبل ميقرب عندها..جاا طايح لارض..