تزوجتها بوصية زوجها(النهاية)

300

تزوجتها بوصية زوجها📃

شتاء عاصف❄️

شافت فيه موسعا عينيهاا...نطقات بخفوت "سند ريم"

ابتسم وعيونو عليها: معرفتش علاش..ولكن جاو فبالي هاد سميات...لولد سند ولا كانت بنت ريم...

حنات راسها ساهيا...

ينيس:فلول ضنيت كنا مقررين نسميو ولادنا هكدا ولكن منين قولتي بلي مقررناش..فكنضن ..كنعرف شي حد بهاد لاسماء ..(هز كتافو)يمكن عزاز

تهزات منين تحلات لباب...تم داخل كيشوف فيهم...

هزات راسها مبتاسمة: زاكي

ينيس:شكون هدا.

زاكي: لييي

سكت منين خنزرات فيه ..

سكينة: هذا خوياا..(شافت فزاكي)بقا معاه...شوية ورجع

تمات خارجة ..ضربات فكتفو تتوصيه بعينيها .بدورو حرك عينو بمعنى كوني هانيا

توجه كالس حداه...

ينيس:نتا خو مرتي ..سميتك زكرياء؟

زاكي : اه  سميتي زكريا تقدر تعيط لي زاكي

ينيس:غنحاول نتفكرك..

زاكي: اه خصك تفكرني (ابتسم مصغر عينو)انا وياك كي شرق ولغرب شمال ولجنوب كنحماقو على بعض...

ينيس:(ميل وجهو)شرق والغرب؟

زاكي: .اه اصاحبي منين تتسمع شرق كيجي فبالك لغرب منين تتسمع زاكي كيجي فبالك ينيس...سول لي بغيتي يقولك..انا ونتاا راه فولة وتقسمات على جوج...كنبغييو بعضنااا...لدرجة كونتي اتخطبني انا بلاصة لخوادرية

ينيس(خنزر فيه)شنو هواا.؟

قاطعو كيضحك

زاكي:اتعبير مجازي؟ متتعرفش لمجاز..اه نسيت( حك راسو) لاطباء علميين(ابتسم)  ماعلينا على سلامتك جيت غا نزورك  كيقولو زيارة لمريض كتزيد لحسنات

ينيس:اهاه جيتي تاخد لحسنات

زاكي:كندير غا واجبي اراجل ختي

جبد شاسي من جييوو...مدو ليه

ينيس:(شاف فيه وشاف فشاسي)اش هدا؟

زاكي:غير شي لويزااات باش يتقادو لك لفيليزات دعقلك...

ينيس: لوز؟؟

زاكي:اه

حرك راسو بشويا وحطو جنب:..معنديش معاه..

زاكي:نتاا

حط يدو على فموو شاد ضحكتوو..

ينيس:مالك مزير ؟

حيد يدو :نو غير

تم واقف منين تحلات لباب...

زاد بجرا

زاكي: (شاد ضحكة)اه جيت نزورو قبل مرجع لمكناس.