تزوجتها بوصية زوجها(النهاية)

239

نزلات عند زكرياء بزرباا..كتعاونو يوقف..شاف فختوو..موسع عينو شاد على نيفو

زاكي:تهرس تهرس؟؟

سكينة(مصغرا عينيها)اشمن هرس..اشمن هرس خليني نشوف..

نترات يدو..تتشوف بشويا..ودمم..نازل من.نيفوو

سكينة:خليناا نمشيو لمستعجلات..ونشوف لك شي طبيب دلعظام..

ينيس:انااا طبيب دلعظام خليني نشوف نيفك مولف نهرسهم

سكينة(خنزرات فيه)تقتلوو تمشي فكنازتووو..

ينيس:علااش مكولتيش لي خوك؟؟باش عرفني انا عندك خووك؟؟

سكينة:بنت موو اش غنكون زعما..خالتو؟؟

ناض واقف حداهم

زاكي:وااش هداا هوا؟

سكينة:اه

زاكي:(ضاحك)والله؟؟كض­حكي معايا اساطة؟صمتي تا صمتي وفطرتي على مكلاخ

شاف فيه يانيس..دافع صدرو لجهت زاكي

ينيس:اشمن مكلخ أا؟خوهاا اه خلينا نحتارموك ولكن تقلل منيي

زاكي(دفع صدرو )لي معرفش اش تعني بنت ميمتي اش نسميوه؟؟

ينيس(دوز لسانو جنب)مكلااخ
زاكي:اذن نتاا(شار بصبعو لصدر ينيس)مكلاااخ

حط يدوو على راس زاكي

ينيس:منديش عليك..صغير وزوين..منديش علييك بحال خويا صغير

زاكي:اناا ماشي خو واحد مكلخ..

ينيس:اه نتا غير خوو وحدة مخورة

شاف زاكي فسكينة لي جامعا يدها متكيا على لمكتب..تتعاينهم يساليو سلامهم

زاكي:مخورة؟؟وااش نتيي؟(شاف فينيس)انا كنت مسميها لمكوزة لاش بدلتي لها سمية كانت ديما تتمشا وهي لايحا هادي(ضرب لور)بحاال ديناصورات..

ينيس:المكوزة؟

زاكي:اه ماعلينا تاهي ماشي ختي..انا ناكرهااا..

سكينة:ممهرسش..كن كنتي مهرس كن سديتي فمكك

زاكي:مضروب فنيفي ماشي ففمي...(شاف فينيس)هداا ميصلاحش لك..غرجع لمكناس..فااش تلقاي ماحسن عيطي لي نحضر لعرس

تم خارج..شدو ينيس من يدو..

ينيس:كفااش محسنن..؟؟وااشتييي تخسار لهضراا كي دايراا..راني راجلهاااا ماشي مسلفها عليك

زاكي:راجلها؟؟باش؟درت­و شي عرس؟

ينيس:ضربنا العقد اولديي

زاكي:كفااش ولدك؟؟انا بابا ماشي مكلخ..بابا معقد وتاهوا نكرتو....  اه ماعلينا ماشي موضوعنا..(حط يدو على كتف ينيس)لعرسس..دقايقياا­..عيسااوة..لماااكلاا­...روينة..جيران لحايحاا..درتي هادشي ..لا؟؟يعنييي هي ماشي مرتك..

شاف فوشموو..كيحاول يقرا اش مكتوب

زاكي:snadReem اش هاد لوشم؟؟مكتوب بشينويا؟

"شاف فختو ضرب فكتفها"

زاكي:وااشم مصالحش لزواج

ينيس:كفااش واشم مصالحش لزواج..على اساس لي فيدك حنة؟

"شاف فيه.هز كتافو"

زاكي:اناا عارف راسي مصالحش لزواج المكلخ..(شاف فختو)لمكوزة تبعينييي تعتقي روح

سكينة:واااش ضرك بجهد؟

ينيس:ياكماا مبقيتيش تتشوف؟واش كتشوف ضبابة.؟

زاكي:اش جاب عيني لنيفي المكلخ..عتقيني بما يتكاال..فيا جووع..

تمم خارج"طلقينا المكوزة"

ينيس:باغي يوريني فخدمتي؟؟(شد سكينة من يدها وهي خارجا)سمييتك المخورة فهمتيي..غدا ندبح لك على هاد سمية..قالك مكوزة قال..

سكينة:كن مجيتينيش بلحيتك كن صرفقتك

نترات يدها تابعا خوها

ينيس:(كيعيبو)بنت ميمتي ..تا انا خوهاا مالك غا نتا لي خوها..(عنكش وجهو)خوها فلاسلام