نور شمس تسلل لبيتو...حل عينو بثقالة..شاف فيها مبتاسم..وهي ناعسا حداه
ماسين:صبااح الخير..انور عيني
هز يدو حاطها على خدها..مبعد خصلات شعرها..من وجها..
ابتسمات ليه..
نورة:صباح نور..
ماسين:مساخيش ولكن خصني نوض لخدمة..تانتي تابعك لخدمة
حركات راسها باه
ماسين:اكيد تصاميمك شتوية عليهم طلب..
تهز كالس..
ماسين:غنوجد لمرتي احسن فطور..بدلي حوايجك..
توجه..لدوش..كيغسل..فوجهووو...وقف كيشوف وجهو قدام لمراية...لحيتو كتيفة..تنهد...هاز موس لحلاقة كيقادها...دوش بخفة..لبس قبية فصفر مع سروال جينز كحل..
خرج بانت ليه واقفاا لابسا كسيوة..فلحمر ..لحمر لي كيعشقوو عليها..
قرب لها..محاوطهاا...جارها لعندو
ماسين:بدليه مبغيت تاشي حد يشوفك بلحمر من غيري
نورة(مبتاسمة بخفة)متزيدش فيه..
ماسين:عفااك احبيبتي(خشا وجهوو فعنقها)
نورة(بعداتو بصبع)وخا اراجلي لعزيز
تمات غادة..تبدل..فحين هوا زاد..كيقاد لفطور...دار .منين حوطاتو بيدهاا...وهي حاطة راسها على ضهرو..لابسا كسوة فلموطاغد..
شد يدهاا...
ماسين:كنبغيييك
نورة:حتا انا..
زاد مبتاسم..حط لفطور...على طبلة..
ماسين:خلينا نفطرو دغيا ونمشيو...شويا غتجي لمرا لي تتجمع دار ..نخليوها دير شغلها ونمشيو نقضيو شغالنا
حركات راسها بوخا...
ابتسم لها..كلس كياكل..وكيحط لها فطبسيلتهاا...
شاف لساعة..ناض..بجراا..هزز تجاكيط..ولكونطاكط..
سمع دقان..شاف فيها وهي هازة صاكها
ماسين:هاهي جات خلينا نمشيو..
حل لباب..لهاا...
المساعدة:صباح الخير اولدي
ماسين:صباح لخير..مهم كيف ديما راك عارفا اش غديري خودي راحتك
حركات راسها بوخا:كن هاني غرض دار تتشعل..
مد يدو لنورة..
ماسين:دغياا..راه غنتعطلوو...شدات فيدو..خارجين..مخلي لمساعدة غا تتبحلق فعينيها..وهي تتشوفو ماد يدو لخوا و غادي كيهضر بوحدو
تنهدات داخلة...ميلات وجها...وهي كتشوف لماكلا محطوطة فجوج جوايج..جهة تنكلات..وجهة بقات هي هي
بتساءل نطقات
.....:وااش هاد سيد شوية فعقلو؟
أنت تقرأ
تزوجتها بوصية زوجها(النهاية)
Randomشتاء عاصف في قلبها أحل سفك دماء الرجال في طريقها الفصل التالت: شتااااء عاااصف وقسمه الأول: طلاق بالإجبار هنا غنكملو قصتنا بعد موصلنا لعدد لمسموح لينا فلبوسط لول