تزوجتها بوصية زوجها(النهاية)

254

تزوجتها بوصية زوجها📜
طلاق بلاجبار

نذبة عشقـك لاتزال

خنزرر فييه..تخنزيرة  كانت كافيا باش يسد لباب.
وهوا كيحرك راسو بوخا..كيتحلف على مروان

ينيس:غلقااك غلقاااك

تم غاديي فلكولوار..توجه لاستقبال..باغيي يسول على رقم غرفتوو..

جراتوو من يديه..مخنزرا فيه

سكينة:اشش باغيي دير؟؟

شاف فيها..مصغر عينوو

ينيس:كفاااش اش باغي ندير؟

سكينة:تلاقيت مع ماماك فلكلينيك كانت تتقلب عليك..كالت لي ناوي على خزيت

ضحك بجهد..كيشوف جنب مغزز على سنانو

ينيس:خزيت هوا لي دارت هيي وبنتهاا..(شار لها تبعد)سيري ترتاحي عندي شي خدمة..

سكينة:(شدات على كرشها مصغرا عينيها)اناا عيانة خلينا نمشيو لدار

ينيس:(بخوف)واااش تتضرك شيي حاجة؟؟؟مالكيي اش وااقع ليييك؟

سكينة:غير مغص خفيف خليناا نمشيو لدار

ينيس:كفاش مغصص فشهور لولى ؟؟

سكينة:اوا اش ندير بحالو بحال بااه متيتبتششش

زيرات لكمتها..بعيون ناعسا تتشوف فيه..

سكينة:عفاااك

ينيس:خليناا نشوفووو طبيبة..عاد نمشيو

سكينة:لاا اناا شفتها..زعما ديجا هضرت مع سارة وقالت عادي

حط يدوو على ضهرها...مخليها تزيد..ونظراتوو عليهاا

ينيس:صافيي زيديي...ابشويا عليك

زادت معاه وهي تتحمد الله..انها قدات تقنعوو بكذبتها..حسن ميدير شي كارثة..

كان فمكتبوو..كيشوف فيهاا...

عدنان:تشربي شي حاجة؟

رانيا:لااا اولدي

عدنان:وخا..كولي اخالتي اش بغاا تكولي؟

رانيا:(تنهدات)خليني نبدا لك من لول ..

ميل راسوو:من أشش؟؟

رانيا:من موت هجار..

سكتات لثواني وشافت فقلب عينو

رانيا:من موت ختك..

...

تهزز وااقف كيشوف فيها..وهوا مزير على لكمة يدوو..

عدنان:اشش عارفاا نتي على هجاار أاا؟؟ماماهاا قالت بلي تقتلااات..(ضحك جنب)تقتلاات فوسط لعملية...

هزات راسها فيه:ايناااس مدارت لا بيدها لا برجلها

عدنان:هييي لي كانت تم

حركات راسها باه:كلسس..وسمع..لقصة­ كبر منكك...لقصة قديمة..وبدات من عندي

شاف فيها مستغرب مفهمش اش دخلها هي؟

كملات هضرتها:قبل سنين..كنت قدكم هكدا..جيت من فاس..وجيت نخدم هنا فلمرابطين .بعد مجمعاتني الخدمة مع فوزي وخوه لشحال من مرة وعرفتهم بلي كيخدمو من قلبهم..فاش جيت ودوزت مدة فلخدمة. هناا..فوحدة من لعمليات..طبيب تخدير دار غلط...كن مدخلتش كان يقدرر يموت لمريض...تشكيت لفوزي..كان هوا لي ولا فلادارة بعد موت خوه..وجرا على يحيى..من بعد مدة..لقيتوو رجع..علاش رجعو وباشمن حقق مفهمت والو..ولكن رفضت.واستقلت...منين مبغاش يجري عليه..صافي درت كاپيني ديالي وكملت خدمتي عادي..بعد سنين..لقدر خلا بنتيي تكوون نفس تخصصي...ونفس خدمتي...واقتارح عليها فوزي تخدم فلمرابطين...انا كنت رافضاا..ولكنن...مبغي­تش نقتل حماسها وخليتها..

(تنهدااات.ودمعة فطرف عينيها)

بنتي كانت شاطرة..بنتي سهرات ليل ونهاار..باش توصل لخدمتهاا..وتحقق حلمها وتعتق فناااس..

..ولكن عملية هجار دمرات لي بنتي..هي دخلاتهاا لغرفة لعمليات..ودارت جهدها باش تعتقهاا.
ولكن تخدير.(تنهدات).طبيب تخدير..عطا جرعة زايدا..خلاا لمريضة تموووت..خلا قلبها يوقف قلبها متحملش..

كانت داخلاا لكلينيك...متوجهاا..ع­ند بنتهاا..واقفاا فلكولوار تتشوف فيها وهي حانياا راسهاا..

ايناس:سمحيلي درت لي..

قبل متكمل هضرتهاا نزلاات عليها بتصرفيقة..

...:هواا قاليي بلي نتي لي قتلتيها..الله ياخد فيك لحققق اشش دارت لكك بنتييي باش تضريهاا..حرقتييي كبدتيييي...الله ياخد فيك لحققق..مخليتيني نشبع من بنتيي

كضرب فيها..وتبكي بحرقة...على بنتها..

فحين ايناس..مهزات راسها..شعرها ليمونييي...كيتحرك..ع­كس اتجاه..ضربات ام هجااار...

طاحت لارض..كتغوت وتبكييي

....:غندعييي ربييي فكلل..صلاة غندعييي ربيييي...يحرق قلبكك كيي حرقتيييه علىى بنتيي..ميقدر لاقاضيي ولا محكمة يااخدوو لي حقيي منكم امالين لفلوس..ولكن ربيييي غياخد حقيي...ياربيييي متخليهاا تشوف نهار لبيض ياربيي حرق قلبها على كبدتها كي تحرق قلبييي..

كتشوف بصدمة...يلاه بغات تزيد عندهم وهوا يدوز من حداها..كيشوف فيها مبتاسم

يحيى:بعد سنين طويلة تلاقيت مع بنتك..ببحالها بحالك مبينكم وبين طب غاا لخير ولاحسان هاهي ماتت لها لمريضة فلعملية اووه..زعما لمريضة متحملاتش لبنج اصلا ناس دسرطان متيقدوش عليه..قلبهم ضعيف مكتاب ليه يوقف ولكن تاحد مكيشير على طبيب تخدير...دقة كتاخدها طبيبة رئيسية(غمزها )حسابناا سالااا داباا

تمم غادييي مخليها واقفاا مصدومة مفهما اش وااقع واش كيوقع..بالها مشا بلي هوا سباب ...لكن عقلها رافض لفكرة..لكلينيك ماشي ديالو باش يدير اش بغاا...منين جاتو شجاعة وسلطة..باش يوقف قلب بنت بريئة فلعملية..ويلفقها لطبيبة.

تبعات ليه لعنين..شافت فاوزي موراهم..دازز حداه ضرب فكتفو وزاد..فحين هي بقات تتشوف ففوزيي

رانيا:سمعتيي كولشيي يااك؟؟سمعتيي كولشيي..ومغدير والو عاود؟؟كن مرجعتيهش زمان وجريتي عليه كن لبنت بقا عايشاا (غززات بسنانها وعيونهاا عليه)غنحرقكمم غنقلب هاد لكلينيك عليكم

تمات غادة وقفها صوتو

فوزي:بنتك وحدة من لكلينيك لتحرقنا غتحرق معانا