تزوجتها بوصية زوجها(النهاية)

226

تزوجتها بوصية زوجها📜
بقلم: حنان فارس

طلاق بالاجبار

     نذبة عــشقك لا تُــزال

خرج من عندوو متوجه لوطو..جبد تيليي منين سمعو كيصوني..ابتسم منين بانت لي نمرة عزوز

أسيرم:الوو عزوز

عزوز:حول حول تتسمعنييي

أسيرم(ضاحك)اه تنسمعك

عزوز:واخيراااا رااه معنديش ريزوو هنااا جيت لبلاد دعكوزة مريضة

أسيرم:الله يشافيها

عزوز:لهلا فين تشافا..نص شهر وهي تبوحط عليا هنا..مبغات طلقني مبغات طلق بنتها

اسيرم(مبتاسم)كن تحشم

عزوز:ماعلينا محدو شاد..وااش نتاا بيخييير؟؟؟كولشيي بيخير

أسيرم:بيخير الحمد الله

عزوز:وداك لمرض

أسيرم:لمرض(سكت لثواني)تكول غاا كنكذب..مكنحس بوالوو.اناا بيخير حسن من اي وقت

عزوز:متاكد

أسيرم:تيقنيي بيخير

بعد تيلي منين بدا يسمع تخرشيش..عرف ريزو مشا ليه قطع علييه...توجه لوطو مكسيري

كانت فدار..دار نورة..لي تحولوو لها..وخلاو لڤيلا بلي فيهاا..

كالساا فلبالكون..كتشوف لنجوم..

غدا جلسة طلاقهم..عقلها مكرهش يجيي غدا وتهنا منوو وتهنا من هاد زواج..اما قلبهاا..حااس بليي غدا نهايتوو..حااس بلي دقاتوو ولاو معدودين..قلبها رافض..هاد طلاق..وغادي ليه وهوا مجبوور..سدات عينيهاا..مبغاش تفكر مزال فهاد صراع لي بين قلبها وعقلها..

دارت منين تحطات يد عليها..

شافت فيها مبتاسمة:لاش فقتي

عبلة:بغيت نشم لهوا
إخلاص:قريب انلقا لك شي ڤيلا صغيرة بجردة.با.

قاطعاتها

عبلة:راحتي فدار بنتي..وراحتي لكبيرة للغيتي فكرة طلاق وممشيتيش غدا

إخلاص:احسنن حاجة هي طلاقي منو..صافي خليه يكمل حياتو مع حبيبتو وولدو

عبلة:حبيبتو؟

إخلاص:حبيبتو لي كانت معاه فكندا
عبلة:واش مونيكا؟

إخلاص:اه هاديك(هزات راسها فسما حاجبا دموعها)هوا وهي عندهم ولد الله يسخرر يعطيني طلاقي ويبعد..وليد عندو شي تلت سنين شفتو وحد لمرة مع مو فلكلينيك..يكفي بعد على باه هاد لمدة مكاين لاش يبعد مزال

عبلة:ولد منهاا هي(قرنات حواجبها)دابا نتي تيقتي هادشي؟؟ولكن كفاش؟؟ كفاش تخيلتي ان ولدي ايقرب من وحدة بلا زواج؟؟؟وخاا نكولو مو الله يرحمها معرفاتش تربيه وانا معرفتش نربيه..نكولو لولد مشا لكندا وتأتر بالغرب وقع لي وقع..شحال كولتي عندو هاد لولد؟؟
3 سنين..كفاش دار ولد ولد 3 سنين وهوا تفارق معاها كتر من 6 سنين ؟وممشاش لكندا فهاد لمدة نهائيا واخر مرة مشا مكملاش تا عام لغلط معاها خصوو يكون عندو شهر ماشي 3 سنين