تزوجتها بوصية زوجها(النهاية)

257

كيشووف فيهااا...وجهوو كيقطر بلماء.وحواايجوو سردو بشتا.
شاف جنب..كياخد انفاسو...متهرب من نظراتها .وعاود شاف فيهاا..

أسيرم:سمحيلييي..(زير­ على قبضة يدو)نسيتك

تتشوف فيه بتركيز..بوجه مطموس..
رسمات ابتسامة واسعا على وجها

إخلاص:اشمن نسيتيني؟(ضحكات بجهد)كفاش نسيتيني انا يلاه خرجت. .المغرب هداا ونتا عارف مبينا وبين لمواعيد غا لخير 1 هي4 بحال بحال

(سكتات وهي تتشوف نضراتو..كانو كيقول لها بعينبه عارفك عاينتيني .خفضات نبرة صوتها ونطقات)

مهم تفكرتيني(هزات كتافها) معرفتش كفاش تفتكرتيني ولكن بعدا تفكرتيني . هادشي كيعني انا عزيزة عليك(ابتسمات)

ضحك وعينوو عليهاا

أسيرم:كفااش تفكرتك؟.(ابتسم جنب)نتييي كباار من هاد لمرض..كبر منووو بزاف..(سهاا كيشوف فشتا لي تتطيح وترتاطم بلارض).تفكرتك وانا كنشوف فقطرات شتااا لي نازلين من سمااا(هز كتافو).لواحد منين كيشوف منظر زوين..كيتفكررر اكثر شخص كيتمناه يكون معااه..
.
تفكرتك فكل قطرة كانت تضرب لارض وتلاشا..هي تتلاشا ونتي تترجعي

"هز راسو فيها."

..وغنتفكرررك....(حرك­ راسو بأه)نقدر نتعطل ساعة جوج ثلاتة عارف ولكن فلخر انتفكر...
غنتفكرك فكل قطرة دشتاا...غتفكررك فكل نسمة هواا..غنتفكركك..منين­ شمس تطلع..ومنين تغرب....
.(سرط ريقوو)تيقي بياا غنتفكرر..

غنتفكر ريحتك.منين غنشم ريحت الورد..(هز عينو فيها مبتاسم مصغر عيونو)نتي عارفا بزاف كيجيبو لورد لعائلتهم..ريحتك اتكون فايحا فكاع لكلينيك..
"ركز فعيونها"
غنتفكرر عيونك منين نجوم غتلمع فسماااء...غنتفكررر شعررك منين لمعتهم تمشييي وتولي سما مظلامة بلا كمرة .

غنتفكر ضحكتك فاااش غنشوووف مريض تشافى وخارج فرحان. كيضحكك..هوا وعائلتو .و صوتك.انتفكرو.منين نكون فقسم لولادة..ونسمع صوت دراري لي يلاه تزادوو..غنتفكرررك..ف­اش غناكل ونشرب فاااش غنووض ونكلس.....(شاف فعيونها)فاااش غنتنفسسس...قلت ليك الواحد منين كيشوف منضر زوين..كيتفكر اكثر شخص باغي يكون معاه...انا باغيك تكوني معاياا فكولشيي..كولشيي كيكون زوين...بيييك..عندااك­ يصحابك انا مفرحانش حيت مريض.؟عنداك يصحابك ضحكتي غير تمتيل (حرك راسو بلا)..انااا عمر كنت فرحان..كيف وانا معااك..

كتسمع لكل كلمة..كيقولها...قلبه­ااا كيضرب بجهددد....غيخرج من صدرها ..غصتها حاصلة فحلقها...

طيحات لمظل من يدها..وزادات بجرااا مرمياا عليه..معنقاه..بجهد..­حضنوو كان دافئ..وخا كلوو فازك حسات بسخونية...لي نساتها فبرد ساعات حسات براسها فملجأهاا..
زيرر..عليها...بجهدد.­..مخليها توقف غا على صباعهاا .خاشي راسو فعنقها..هز بشويا مقرب لودنها
.
نطق بهمسس قريب من وذنها