تزوجتها بوصية زوجها(النهاية)

260

تزوجتها بوصية زوجها📜
بقلم حنان فارس

زاد عندهم بخطوات سراع..منين شاف ماماه وباباه داخلين
وقف عليهم

زاكي:على سلامتكم..مرحبا بيكم..فعرس بنتكم لممل..

الام:الله يسلمك فين ختك
زاكي:راها لفوق شويا وتنزل
الام:غنمشي عندها..

يلاه بغات تحرك..شدها..راجلها مخنزر

الأب:مغتمشي فين..حنا هنا ضياف يساليو ونمشيو متندمينيش حيت جبتك(خنزر فزاكي:قاد شعرك ونتا منزلو كي لمريوا

تنهد بجهد..وتم مبعد عليهم...

زاد كيشرب لمااء..وهوا مخنزر.

زاكي:ضروري يعرضوه

هزز راسو مبتاسم..منين شاف ختو نازلا..بكسيوة دلعرس محلولة جهة صدر..مزير من لفوق..وواسعا من لتحت..مجرجرا موراهاا..

طالقا شعرها لكحل..نقصات من طولو وقدات لغرة..لي جاتها مع مكياجها ترابي..

دورات عينيها فلارجاء..باقي غا ناس قلال لي جايين..
توجها عند والديها منين لمحاتهم...

وقفات حداهم..

سكينة:بابا ماما

زادت ماماها معنقاها

...:جيتي غزالة ابنتيي

دقايق وهي تتسلم عليه..والاب بلا ميدير اي حركة..
نطق منين هضرات معاه..لثواني بلا جواب

الاب:مبروك نتمنا هاد لمرة متخرجيش على شي عائلة.متسرقي لعريس من حد

سكينة:هوا كيبغيني مسرقتو من حد ابابا
الام:فينو؟
سكينة:شويا ويجي راه فطريق..

كان سايق..عينو على طريق..وقف فسطوب..شاف..فلمراية كيقاد شعروو...وكيسد صدايف قامجتو

ينيس:تا لبيض تيتلبس..

شااف جنب..باغي يهز لكرفاط يقادها...تكوانسا منين لمح شخص..فلوطو لخراا...غزز سنانوو وعينوو عليه..صوت نفسوو مسموع بجهدد..ولعرق من جبهتو نازل..نطق وهوا بارك على مخارج حروفو

"لقيييييتككك"

"داااز لوقت"

ناس بدات تتمل..لماكلاا كلاو وشطيح شطحوو..وغير لعروسة لي كاينا لعريس باقي مبان..كاين لي مشاا عند خدمتوو..وكاين لي كيعاين..

كالسا ..بكسوتها لبييضة..قلبها كيدق عند فمها...ودمعة محجرا فعينيهاا...هزات عينيها تتشوف فساعة..

لوقت مشاا..ولعريس مجاا..وعلى تيلي مكيجاوب

ناضت وهي مزيرا على ثوب كسوتها...
ناضت وهي مقادة تشوف فوجه لحضور...مقدات تواجه نظراتهم..

نطقات بعد مبللات شفايفها.

سكينة:لعرس تلغاا شكرا حيت جيتو تشركوني فرحتي

هزات عينيها ..مراقباهم كيغادرو..شخص بشخص..نزلات دمعة حارقة من عينيها..بعد مغادر اخر شخص...بقاو غير لي قراب منها..زادت عندها مها تعنقها..جرها باباها..

الاب(مخنز فسوكا)تاهدا هرب يعلم الله من عند اشمن مرا سارقاه..خليونا نمشيو

جرها..خنزر فزاكي:تحركك

زاكي:مغادييش معاك

حرك راسو بلا حول:بحالك بحال ختكك..عمركم اتشوفو ربحح..وعمركم اتبغاو..هي يهرب منها لعريس..ونتا لبشر كولو كيهرب منكك..طريكة ناقصااا

تمم غاديي..مخليهاا غاا هيا وخوهاا..وناس لي خدامين فلقاعة..كيجمعووو روينة..

*وحلفت انك لن تميل مع الهوى
أين اليمين وأين ما عاهدتني؟*

خليو تعاليقكم طبعا كنقصد نقاشاتكم ماشي اب كملي