تزوجتها بوصية زوجها(النهاية)

301

عيباتوووو

حادة:سمعتك نيني..

ساطت بجهد...تمات نايضا متوجها لكوزينة ..حطات ليه لعشاء...ولعصير فلبلاطو..وداتوو لبيت...حطاتو ليه على لمكتب لي عندوو فبيتو ..ودخلات فبلاصتها ناعسا...

دقايق تا خرج من دوش..كينشف شعرو بلفوطة..لابس تيشورت كحل وكيطمة فنفس لون ..جات عينو...عليها وهي ناعسا مكمشا فسرير.. تنهد..زاد طفا ضوء مخلي غا ضوء دلبيسي .كحز لماكلا جنب...وبقا مركز...عليه..

لدقايق وعينو عليه..

ساط بجهد..مرجع راسو لور كيشوف فسقف..

بهاء:مور تحاليل لي غيدير عاد نقدر نتوقع كيف غتكون لعملية...

تنهد بجهد...تم نايض..دار مهزوز منين نطقات...

حادة:ولماكلاااا.

شعل ضوء مخنزر فيها: باقا فايقا

حادة: كان ديما يقولي جدي لواحد لكان غضبان مخصوش يغضب على نعمة ربي.

تهزات من بلاصتها..هزات كاس دلعصير ماداه ليه

حادة: شرب.

بهاء: لمشربتيش انقولها لماماك

ميل وجهو:كفااش..

سكتاتوو..مشرباه بسيف عليه..

حيد لكاس كيمسح فمو..

بهاء:مالكيي اش واقع لك نتي واش حماقيتي يلاه دوشت وغتزلعيه عليا عاود

حادة:نتاا ليي اش واقع ليك..لاش جريتي عليا فصبحح..قدام صامد...ااا؟

ضحك جنب: دابا بقا فيك لحال حيت جريت عليك قدامو..يااااك؟

حادة: للااا...(سرطات ريقها) بقا فيا حيت جريتي عليا ونتا معصب ونهار كولو معيطتي لياا..وكن غا درت علاش

بهاء:مدرتيش علاش الالة؟ اهاه وديك نهضرر معاه..ممم لاااش بغااا تهضريي معاه بسلامتكك

حادة:باش صافي نحلو مشاكلنا ويبعد.مني

بهاء:غتهضري معاه ليوم غيشد فيك غدااا...حلييهم الالة حليهم تا تشبعي...

عطاها بضهر غادي لسرير.

تكاا ناعس..فحين هي ابتسمات جنب..عاد فهمات لاش تعصب غير حيت بغات تهضر مع صامد..

زادت ناعساا حداه..نطقات وعيونها فسقف.

حادة:فدقيقة تقرب وفدقيقة تبعد...يا بعد نشان  يا ..

سكات ..دار عندها كيشوف فيها

بهاء:يااا أش؟؟

.سرطات ريقها:.يا قرب نشاااان..

...

كانت واقفا تتشوف فلون لحيط لي صبغوو بلبيض ..

ابتسمات وهي حاطة يدها على جنبها...

شافت فيه خارج بدورو من دوش...بعد مغسل حالتو من صباغة كلس ينشف شعرو... وقف موراها..كيفرق نظراتو للحيط..

إخلاص: قلت لك غلقا لحل..لبيض كيصلاح لكولشي...وخاا غيتوسخ دغيا ولكن هانيا..منين يتوسخ نعاودو نصبغوه..

حرك راسو بوخا: لي بان ليك

زادت لبيت...كدور فيه...

إخلاص: هناا غنحطو لاموسية دلبييي...وهنااا... اش بان ليك نديرو ليه مكتب فين يقرا

ابتسم جنب: من دابا بغاه يقرا

إخلاص: اوا شنو انا بغا ولدي ولا بنتي يكونو اطباء بحالك

أسيرم: باش تكون طبيب ماشي ضروري تقرا من صغر أإخلاص

إخلاص: اوا معروف عليكم كترت لقرايا...مهم لكانت بنت غنزيد نزوق لبيت باميرات ديزني...ولكان ولد ندير ليه سبايدر مان ولا باتمان...

قربات منوو...نترات منو لفوطة كتنشف ليه .شعروو

إخلاص: عقلتيي...

أسيرم: أششش .

إخلاص: نهار جيت لهاد دار وقديتي لي هاد لبيت..صبغتيه بلوردي و(بدات ضحك).

أسيرم: ومالكي كبرتي عليها..راكيي غتبقاي البجغوطة ديالي

جرها من حناكها.

إخلاص: مدة مسمعتها منك..

حوطاتوو بيدها معنقاااه...

إخلاص: أزغيندة..

ابتسم جنب...بعدات عليه .

إخلاص: غنحط لعشاا...سير دير طربوش لراسك باش متمرضش..

توجهات لكوزينة فحين هوا توجه..لبيت...كلس ..على سرير ساهي ..هز راسو...عينيه جات فليومية لي فلباب...

وقف بتقالة بخطوات تقال توجه لها...ليومية لي كان حاسب فيها ليام لي بقات ليه...هزز يدووو كيلمسها مبتاسم..جنب..زمان مكيرجعش بلور ولوقت لي كان عندو سالا من زمان ...دنيا ضحكات ليه منين خلاتو يعدي 3 شهور لي كانت عندوو...وفأي لحضة تقدرش تجمع ضحكتها...وتحط نقطة نهاية لقصتو.