تزوجتها بوصية زوجها(النهاية)

238

تزوجتها بوصية زوجها📜
طلاق بلاجبار

   نـذبة عشقك لاتــزال

قداام عينوو..قدام عينوو شاف شفايف خرين على شفايفها..
هي مرتوو..شرفووو...بقاا على ذمتوو..
هييي لي كان يخاف من لهواء عليها..هي لي كانت تنعس وتفيق بين يدوو..
هي لي كن طلبات روحو كانت غيعطيها لهاا...هييي لي كن طلبات قلبووو يعطيه لهاا..
نفسها هي ..لييي حرقات روح ولقلب..حرقاتو كولوو...
كان باغيي..باغيي يدفنها تم..ويدفنوو معاهاا..كان باغيي يحرق لكلينيك ولي فيهااا..
ولكن مدار والو...مجروح لدرجة مقدر يدير والو..
لدرجة كلمة وحدة مقدر يخرهاا..
كيشوف فيعينيها..وكتشوف فعينوو بعد مبعدات مروان..
عيون حمرة..عيون مغرغرا بدموع ..عيون لي كن كانت تتهضر كانت غتقولها "ق.ت..لتييه.."
حول نظرتوو لمروان..ابتسم باستهزاء...

وتم خاارج...
مروان(حط يدو فراسو)دابا غيوقع طلاق..تهنيتي منو العايلة..
هزات عينيها..فيه مغززا على سنانها..وبقوة نزلات عليه..بتصرفيقة لوجه
إيناس:باشمنن حقققق تقرب لييي؟؟آخر مرة تعاااود تقيسنيييي آخررر مرة نعااود نشووف وجهكك قدامييي

مروان:نسيتي انا محاميك..؟ودعوة دطلاقك غداا؟
دفعاتووو خارجااا....تمات غادة فلكولوار..ودموعها نازلين...للحظة نطقات وقالت بلي نساتو وتتبغي غيرو.تصرف طفولي منها..ضناات...مروان غيسكت وميدير والوو...آخر حاجة توقعات انه غيتجرأ ويبوسهاا...

حطاات يدهاا..على صدرهاا..حاسة بقلبهاا غيخرج..حاسة بيه كيتقطع..وعينوو وشوفاتو باقيين قدام عينيهاا...

خرج من لكلينيك..ركب فلوطووو ديالوو مكسيريي بجهددد....

صوت تيلي حداه كيصونيي..وعينووو على طريق...قطع مرة وجوج..وتيلي مبغا يسكت
هزززوو مجااوب بزعاف

عدنان:أشنوووو

الراضي:كتغوت عليا الصلكوط..؟كبرتي ووليت تأول لباك اشنووو..فييينك فييينك  سمعت غداا عندك جلسة طلاااق...وااش بغيتي تفرق لعائلة بعد متجمعات

عدنان:اناا (سرط ريقوو)ماشي بيخير نهضروو من بعد

الراضيي:ماشي بيخير..؟فين عمرك كونتي بيخير..لماشي بيخير شرب لبحر..وضرب راسك مع لحييط...داباا تجيي..عندي ليوم نسد هااد لموضوع..

عدنان:(بالغوات)انااااا كنكووولك ماشييي بيخير...اناااا كنتحرررق كنتحرققق...انااا كنمووووت اباباا كنموووت...واااش اناااا كنت غنفارقهااا ابابا.؟؟..اناا بغيتهاا والله بغيتها..اناا بغيتها قد ما لواحد يقدر يبغييي بنت لمراا..كن طلباات روحيي نعطيهاا لهاا...ولكن ماشيي هكدااا..علاش دارت هكداا؟هيي هرسات اي حاجة زوينة كانت فحياتيي هيي ق.تلاتنيي  (بصوت هادئ)أناا كلت لهاا بلي كنبغيهاا انا كلت لهاا خليناا نداويو جروح بعضض(ضرب فصدرو)دااواتنييي لدرجة لعافية لي فقلبيي غتبقا شاعلااا واخاا يدوز قرن على موتيي....نارها ونار  ولديي اناا تقاضيت مبقيتش قاد ابابا مبقيتش قاد صافي انا تساليت والله تساليت..

الراضي:اشش تتخربق نتا؟؟فينك عدنااان فييينكك...اعدنان؟

عدنان:تنخربق ديما انا كنخربق ونتاا لي على صحح (ضحك جنب)خليني نشرب لبحار ابابا ..خليني نغرق فبحري الراضي..

قطع عليه..طافي تيلي..راميه حداه..
وقف لووطوو..وتم نازل..ريح قوية...وصوووت لموااج مسموع..لمواج لهاايجااا..كتر من قلبو
زاد واقف على منحدر طاالع...ساد عينوو كيتنفسس بجهدد...
لدقايق وهوا تمم...غير واقفف وكيتنفسس...
تمم دايرر...غادي راجع لوطو...وقف مكوانسي منين سمع ضحكتها..

دار بثقالة كيشوف...كيشوف فيها..واقفا على راس لمنحدر..كسيوتها لبيضة..وشال على راسها..

شافت فيه..وهي مبتاسما..

هجار:"سمحلي ولكن مقدرتش..ومغنقدرش نكمل مزال(هزات كتافها)جهدي سالا..(ابتسمات ليه)معرفتش وش عندي لحق نقولها لك..ولكن انا كنبغيك..نتا اول واحد يحن فيا..لا دنيا حنات..لا ماما حنات..ولا صحة حنات...

نفس لقطة تتعاود قدامو..نفس لهضرة ونفس لحظة...قرب منها وهوا كيحرك راسو بلاا

عدنان:هجاار..عنداك ديريهاا أاا عنداك أختييي عندااك...لهواا خلاك اناا منخليكشش..اناا معاك..تا اناا كنبغيييك ..متخلينيشش مديريهاش

رخات راسها من لمنحدر  وشالها..طاير...زاد بجرا..يشدوو...شد..لخواا...خطوة وحدة منوو خارج لمنحدر خلاتوو يفقد توازنو..ويطييح..فلبحر