تزوجتها بوصية زوجها(النهاية)

306

شتاء عاصف❄️

       .....المرابطين...

كانت تتجمع حوايجها فلبيت ناويا...تخرج ليوم من لكلينيك..حطات صاك جنب..ووقفاات تتلمس وجها

من دابا لقدام كتعاينا حياة جديدة مكاين لاش تخجل انها انثى وعندها ميول انثوي..مكاين لاااش ...تولي ذكر بزز عليها ....

هي تخلقاات خنثى...وجانبها لانثوي كان طاغي..وفرحانة حيت ولات انثى...

ابتسمات..سرعان مجمعاتها منين تفكرات...منصوور..فمدتها وهي فلكلينيك كانت تتلمحو مرة مرة..وفكل مرة كان كيتجنبها وتبادلو بلمثل..

قلبها ضارها...حيت ماشي هي لي ختارت تخلق هكداك...وماشي هي لي ختارت لحياة صعيبة لي عاشت .

كانت تتمنى يوقف معاها ويشد بيدها...ولكن كان..لعكس..ومن غير اخلاص وعائلة اخلاص .تا حد ملقات فجنبها...

جرات لڤاليز..تمات خارجة...عارفا بلي هاد سيمانة اسيرم دخل لكلينيك على قبل تحاليل وتوجاد لعملية قررات دوز لعندوو..قبل متخرج

توجهات لمصعد..تمات داخلا ..ابتسمات منين شافت  شخص تم ..

وقفات حداه..قبل متسد لباب شافتو داخل..شاف فيها وبلا ميحاشيه ليه ..وقف عاطيها بضهر...

كتشوف اونفاص ..فضهرو لعريض ...زيرات على عينيها..وهي حاسة بقلبها غيخرج من صدرها..

شاف فيها شخص لي واقف..حداها..ونطق بهدوء

....: واش نقدر نطلب منك طلب؟

حركات راسها بوخا

....: ممكن نيميرو تيلفون؟

شارت لراسها  بمعنى ديالي..هادي اول مرة يطلب شي شخص نمرتها..ابتسمات..ليه.

نورة: وخااا..

زير على يدو وهواا كيسمعها بدات تفتيي رقمها دار لزيات فودنوو...وبدااا يغني بلغوااات..مخلي ششخص ميسمع والو

..

نترات تيلي من لولد كتباتها وعطاتو ليه ..

تمات خارجا منين تحل لباب بعد مخنزرات فيه..

رجع شعروو لور وبدورو خرجج ..

زاد حداها سابقها بلخطوات

منصور: نايس كتشتتي فنمرتك

نورة: ماشي سوقك ديها سوق راسك

منصور: دايها دايها.. غير هوا كنفكر واش فاش غيعرفك متحول جنسي غيقبل يهضر معاك..

وقفات مخنزرا فيه..ابتسمات ودمعة واقفا فعينيها

نورة: متخافش لمغاربة عندهم لي جا بسم الله..

خلاتو واقفا وتمات غادة...تبعها بعينوو سااط بجهد...

مع دورة ايتضرب بطبيبتها..بحكم معرفتو سطحية بيها سلم عليها وتم غادي..ولكن وقف منين نطقات