تزوجتها بوصية زوجها(النهاية)

252

تزوجتها بوصية زوجها📜
بقلم حنان فارس

هزز راسوو كيشوف فيها مصدوم..منين حاوطوها لمخازنية ولبوليس لي كانو حدا لمحكمة

نطق واحد منهم

البوليسي:نتيي لي دفعتيه..شفتك..غتجي معانا

كتشوف فيه..مصدومة..مقادة تنطق ..داتها كلها تترجف

حط لها لمينوط فيدها..

يديها لي كيترعدوو..

تهز باغي..ينوض يدوي معاه..

ملقا كيف يدير لمروان..فمكان قدامو غير يكلس..يكمل اسعافوو على متجي لاسعاف..

نظراتو عليها وهما جارينها...
ويدوو على راس مروان..

" بعد ساعات"

كانت فزنزانة...شاد على راسهاا..دموعها..نازل­ين..كاع لافكار لخايبة..نزلوو..عليها­ا..

حياتهاا ضاعت بين ليلة ونهار..اش وصلها لهاد لمواصل كاملين؟فين كانت وفين ولات..

دموعهاا سلاو واللومة مسلات..

تهزات منين سمعات صوت ماماها..ناضت بجرا..كتشوف فيها كتلهت

إيناس:ماما انااا قتلتوو اماما قتلتووو

رانيا(كتحرك راسها بلا)مماتش ابنتي مماتش...

إيناس:وااش بصح هوا عايش أاا؟متتكدبيش عليا

رانيا:لاا مماتش..ولكن خدا ضربة خايبا فراسو..باقي مفاق..

شدات على راسها..غادة جاية كيف شي حمقة

رانيا:اشش وصلك لهاد لمواصل اايناس؟؟

ايناس:اناا (هزات يدها تتشوف فيها)انا غاا قصتوو..معرفتش كفاش طااح..كنحلف لكك..مكونتش بغا نضروو كنت بغاا نبعدو وصافي انا غا قص

سكتات تتشوف فيدها...وفكرها مشاا..لعدنان منين كيحلف لها بلي مدارهاش عن قصد..بلي مدفعاش حيت بغاا...
نهار طلب منهااا سمااحة...

وقالها كيبغيها..
نهار لي رفضات..هاهي دابا داقت نفس طعم

سبق وداقت طعم تكون سباب فموت شي حد قريب نهار صحابها عدنان مات..

وهاهي داقت طعم ديال ضر شي حد بلا قصد..

حركات راسها باه..خرجات تنهيدة..طويلة

إيناس:دقت من نفس الكاس اماما...كن سمحت ليه كاع منوصلو لهادشيي..

(حطات يدها فراسها)كفاش فكرت بلي هوا غيبغي يقت.ل ولدوو...كفااش.

انا لي دمرت عائلتي بيديي ..انا لي ساليت كولشي بيدي..خلينيي هنا..خليني نخلص...

رانيا:غتنوضي وتقوليلي شكون هداك ومنين تتعرفيه..نحلو لمشكل قبل متكبر..لكبرات وعرف خوك وباك..غير عولي على خزيت

...

رانيا:باك مسافر نتمنا ميرجع تا يكون تحل لمشكل..ولكن خووك

هزات ايناس راسها فماماها

ايناس:اش بغا تعرفي اماما

رانيا:كولشي على هاد مروان منين تتعرفيه.منين

ايناس:اناا وياه كنعرفو بعض من يامات لقراية..فليسي..هوا كان معجب بيااا..وانا راكي عارفا كنت تابعا غا قرايتي...ورفضتو شحال من مرة..من بعد تبعت طب..وهوا تبع لقانون...بعد

سنين ..تلاقيتوو..هوا انا كنت دايرا محامية..وخرج لها شي شغل..وسلمات قضية طلاقي لمروان..و.(سكتات لثواني)قلت لعدنان بلي انا مع مروان باش يطلقنيي...ومروان

رانيا(بلغوات)هضريييي­ي اش دار داك لمسخ

إيناس:باسني قدام عدنان..وعنقني ليوم قدامو على داكشي دفعتوو

شدات رانياا فحناكهاا

رانيا:اويلييي على باااسككك اويليييي اششش تتكوليي..نتيي مزوجاا وبايسااا راجل اخر

هزات عينيها..فماماها

ايناس:كنحلف لك هوا لي باسني انا بعدتوو..(شدات على راسها)براسي تصدمت من هادشي لي انا فيييه

كيسمعع لهم..وهوا كيحركك راسووو باه

نطق لكوميسير من موراه

.....:وااش مغتزيدش عند ختك؟؟

دارت مووو منين سمعات لكومسير

شااف فيها..وفختوو..وشااف فلكومسير

ينيس:ماهي ختي ما انا خوها اكحلوووش

تممم خااارج...زاادت بجراا تتغوت موراه

رانيا:ينيييس ينيييس

وقفات تتشوف فلكومسير..ودموعها نازلين

الكومسير:لولد لي دفعات فاق..لعطاا شي اقوال من غير دلبوليسي لي شافك دفعتيه..غتخرج بنتكك

"المرابطين"

خارج من عندوو...هواا وبهاء..كيشوف لمؤشراتوو..ضرب فكتف بهاء

أسيرم:رااك غاديي مزيان..عطيتيه لعلاج لمناسب فلوقت لمناسب

بهاء:بفضل ارشداتك ابروفيسور..وبفضل لاسعافات ديال دكتور عدنان..

شافوو فعدنان لي متكي على لحيط..

زاد عندو اسيرم..واقف كيشوف فيه..هز عينو فيه

عدنان:دازت على خير ياك؟
أسيرم:هوا بيخير

بهاء:واش هوا من عائلتك..حيت شفتك خفتي عليه..الله يشافيه نخليكم تابعني شي شغل

ضحك جنب باستهزاء..وعينو على بهاء لي غادي

عدنان:عائلتيي..هوا لي هرسها

أسيرم(حط يدو على كتف عدنان)خلينااا نشربو شي حاجة برا

حركك راسوو بوخاا..خارج..معاه..

...

لفران دلووطووو تشدد مجهد..دخل بجراا صاعر...

بان ليهم داخل..ميل اسيرم وجهوو مستغرب من حالتو

أسيرم:اشش واقع فين داخل هاجم؟

شاف فيه ينيس..وشاف فعدنان

ينيس:لهواا مقدرش يدفن لي باس مرتوو..انا غندفنوو ليه

(غمزوو وزاد بجرا)