تزوجتها بوصية زوجها(النهاية)

259

كالساا قدامها تتشوف فيهاا..وهي تتاكل

حياة:كولييي كولييي

نضال:غاا بصحة

شافت فيها بنص عين:مالك مخنزرا فيا

نضال:اناا عند بالييي نتيي مأزما منين طلبتي نخليك بوحدك كاع لافكار ل(تنهدات)

حياة:ومااالييي اختييي تا نحززن؟؟؟لميت ولحزن عليه 3 يااام...الزو*** متحزني عليهم تا نهااار..

حركات راسها باه:عندك لحق

قدات كلستها:ولدي بغاااه ربيي..غير باش يوريني حقيقة زوجي قرة عينييي لي كنت نقول ميفوتنيييش..كنت عايشااا معع حيوان...لا زين زين..لافلوس...لاا صحة..علاش صابرة عليه الله وعلم(رجعات شعرها لور)اناا وحدة زينة عليييه...لمطرفات بحالي عليهم الطلب...

نضال:وبغاااا تعاودي تزوجي؟

حياة:ومالي اختيي شرافيييت؟؟؟ابلااتييي­ نطلق من داك لحماري وبربي تا ناخد سيدووو...طولة وتجريدة وزعورية وتشووفي

نضال:طولة زعورية تجريدة..بحالا ناويا على شي حد

حياة:النية اشد من العمل(دخلات لبيتزا ففمها)اوا اش بيت نكولك غير لحمارية لي تيق فرجال..راه كيبدلو لعيالات كي لكيلوطات..

نضال(حركات راسها بشويا)انا حمارية(شافت فيها)تزوجت

حياة:اه اوا مبروك تانيا تابتا(تهزات من بلاصتها)اويليييي تزوجتييييي بلاا خباري بلاا متعرضيني؟؟

نضال:يلاه عقدنا ليوم مزال معرسنا....

حياة:وبمن؟؟كفااااش عطاتك خاطرك ياختي دي شي حد من غير المخزن...

نضال(خنزرات فيها)وراااه ديتووو هوااا..ومحدك...راشقا­ لك..نهضرو على لعرس..

"فجهة خرا"

كانت تتقلب..فطابليت ..تتشوف كسوة دلعرس..وهي ضاحكا..دازت لباس رجال..

ختار ليه كومبلي..وصيفطات ليه ليان..

حطات طابليط منين ترما حداها خوها

زاكي:وااش كتبغي داك لفاسي؟

خنزرات فيه:سميتو ينيس واش غديري هنا حرب لفاسي ولمكناسي اودي ازاكي؟كن مكونتش نبغيه مغنتزوجش بيه

زاكي:واش عاودتي تلاقيتي مع داك بنادم لي كنتي معاه قبل لفاسي؟

..

"فالمرابطين"

بعد من لمريض...ناض..كينتر صباعيات

ينيس:غترجع عندي مور 15 ليوم..وغنتبع دواء غير سيمانة لولى باش يتكالما لحريق..دلهرس..

....:وخا ادكتور..

بعد عليه..هاز تيلي..داخل..لمساجات.­.دخل لليان دلبس..خرج عينو..
بزربا عيط ليها

تتشوف فخوها:لاش مسولني؟

زاكي:غير سؤال عادي

سكينة:اه شفتو خدام معانا فلكلينيك..وساكن قريب من هنا..ولكن على مسمعت مسافر..

زاكي:يعني هوا..

سكينة:كفاش هوا

زاكي:رجع من سفر شفت كمارتو قريبة من هنا..

شافت لتيلي تيصوني

سكينة:خليه مديهاش فيه..

جوبات..

سكينة:ويي ينيس

ينيس:اش هدا..لاش لبيض؟

سكينة:بدل شويا..ونتا غا لكحل لكحل..خليك شويا فلمفتوح

ينيس:ومال لكحل ماشي لون..اصلا لبيض كيتوسخ دغيا

سكينة:غتزوج ماشي تحارب..

ينيس:غلبس لكحل لعرس جاي ونبيضوه

سكينة:جاي؟ لواحد كيتزوج مرة وحدا فعمرو اينيس

ينيس:ضروري مرة؟

سكينة:ينيييييييس

ينيس:اضاحكيين..صافي­ لبغيتي..نخليك..عندي لخدمة..بعد غدا انبيضها..كتر ما انا بيض..

سكينة:باي...

ينيس:باي

سكينة:ينيس
ينيس:وي

سكينة:كنبغيك

ينيس:اه ديجا عارف شكرا على تذكير

ساطت بجهد..قطعات عليه

ينيس:مالها هادي دابا غا شكرتها؟

🥀🥀بعد يووم🥀🥀

صوووت الموسيقى...هادئة...
صوت لمعالق ولكسان...مسموع فارجاء لقاعة...

واقف بكوستارو لبيض..مرجع..شعرووو لكحل..لوور...عينووو.­.على لورد..البيض..لي مزين لقاعة...
ستائر بيضة..وطبالي دزاج ..اطرافها فذهبي..فوقها لورد بيض..
والدروج فجوانبوو الورد بيض..

لبيض كان سيد الديكور..

ناس داخلين..خارجين...

أغلبيتهم..من لكلينيك...لي عرضات سكينة..وتاا من عائلتو هي لي عرضاتها..

واقف..بلاصتوو..صغر عينوو منين بانو ليه..زاد عندهم بخطوات سراع