تزوجتها بوصية زوجها(النهاية)

248

حل عينوو كيتفوه

ينيس:المخورة

تهزات مخنزرا فيه

سكينة:اصباح لخير اسكايري...ليل جايني نتاا ولبرهوش هوا يغوت والله لدقتيها ونتاا تغوت والله تا كويتها...

شار لراسو

ينيس:اناااا

سكينة:لا انا

هز كتافو :ومالي كذبت

قرب منها..مبتاسم:ولبارح وانا سك..

غوتات فوجهو:جيتيي ونعستي تا لدابا عاد فقتيي

كيحك فراسوو:وداك خوك

سكينة:راه ناعس..نوووض غنوجد لك قهوة كحلة تصحصح..وعندي لك شي هضرا

ينيس:اشمن هضرا؟على صباح؟

سكينة:(عنكشات شعرو)نوض وتعرف.

ابتسم:اه نوضوو..وااا يلاه تزوجناا مترحميناش؟غا وحيدة ليحفضك

ابتسمات ليه..سرعان متحولات ابتسامتها لتخنزيرة..

سكينة:لاااا

ينيس:ولاا حتا بويسة

سكينة:ولا حتا لميسة

ينيس:سيري(غمزها)غتجي طلبيني ومتلقايهاش

ضحكات جنب:باحلامك

تمات خارجا..وهوا كيتحلف عليها..وضحكتو مرسومة على شفايفوو

داز لوقت...

فجهة..خرا وبضبط فلمحكمة..كانوو بجوج..كالسين..
نظراتهم على بعض..

كفاش كانو وكفاش ولاو؟؟
تلاشااا حبهم بين ليلة ونهار..
لاهي قادة تكمل معاه ولاهوا قادر يكمل معاها..

فاق من سهوتو فعينيها منين نغزو لمحامي..وعلموو بلي لقاضي كيهضر معاه..

وقف كيشوف فلقاضي

القاضي:عدنان بن الراضي.بنيس.واش مكاينش امل لصلح

شاف فيها ..وشاف فيه..وبصرامة نطق

عدنان:لااا..انا موافق على اي حاجة بغاها لمهم نطلقوو

رجع كالس...

القاضي:ايناس بنت محمد بنيس..واش ..

قاطعاتو..وعينيها على عدنان

إيناس:اي حاجة باغاهاا ؟(حركات راسها بوخا..شافت فلقاضي)انا مبغاش نطلق بقا بغا نبقا مع راجلي..

هزات صاكها خارجا.بزربا...بعد مخلات كولشيي مصدوم..من قرارها..

فشارع غادة..بخطوات سراع متوجها لوطو.
تابعهاا بجرا..شدها من يدها موقفهاا..

عدنان:(بلغوات)اشش تديري نتي؟؟اشش تتخربقيي؟ياك كونتي تموتي باش نطلقو

إيناس(قربات منو)نتاا كولتي لداخل غدير اي حاجة باغيها باش نطلقوو وانا باغا منك حاجة وحدة وديك ساعة نطلقو

ميل راسو..بمعنا شنو هي

إيناس:بغيت ترجع لي ولديي ..(شافت فقلب عينو)حملني

خليو تعاليكن بون نوي