تزوجتها بوصية زوجها(النهاية)

243

تزوجتها بوصية زوجها📜
طلاق بلاجبار

نـذبة عشقـك لاتــزال

عيونها تحجروو بدموع..قلبهاا تزير عليها...تمنات لارض تبلعها..تمنات كن ماتت..ولاتشوف بنتها تتفضل بنت خرا عليها...

قرن حاجبو..ميل وجهوو..مزير على قبضة يدو...كيحاول يكالمي راسو ليصدق مفوت فيها شي ضربة..

داوود:اشش تتكولي نتي أاا؟بغااا تبدلي ماماك ببنت ل..(كرز على سنانو)

فيروزة :(بلاشارة)هي حسن من ماما ..ماما لتجمعات معاك عاود غتخلا علينا..تزوج بيسرى ابابا..

هززز يدووو ..باغي يصرفقها..مقدرش يكبح غضبووو..

شدات ليه يديه..شاف فيها...ولاعصاب باينين فوجهوو

داوود:خلينيييي نربييي هااد لبرهوووشة...خلينييييي نعاود لهااا تربية

نضال:داوود عفاك.تهدن .(شافت ففيروزة)وااش مبغاش ماماك مع باباك؟بغيتي يسرى لي تكون ماماك؟وااش انا خايبا لهاد درجة؟مم وااش انا كنستاهل ابنتيي هادشي لي تديري فياا

شافت فيها..معنكشا وجها..بلا متجاوب..وشافت فباباها

فيروزة:(بلاشارة)اناا بغيت يسرى.نعيشوو كلنا مجموعين..(شافت فنضال)بغيتي تبقاي بقاي ولكن مبغيتكش تزوجي بابا..

زادت بجرااا...طالعا لبيتها

ناض شاد على راسو كيسووط بجهددد...حاس بصهداا طالعاا معاااه..فوق ما كيقول غيتقادو.تتعاوج..كتر كتر...ولي ضرو فقلبو فرحتها وهي تتعاود ليه .بلي مبقاتش تتعصب عليها كي لول.ودابا هي ختارت مرا خرا لباها عليها..

داوود:متاكد لبنت وااكلين عقلها...باقيي باقيي تتهضر معاهاا..هاد لمرة مغاديش توقفينيي هاد لمرة...ورب لعزة .تانخليها تربااا

دار بثقالة..منين شدات..فيدو..يديهاا..مشبكين مع يدو..واقفاا تتشوف فقلب عينوو..

سرطات ريقها..وبثقالة خرجات حروفها

نضال:هي قالت لك تزوج بيسرى

زيرر على عينوو مجهدد..كارز على شفايفو بسنانو..

حس بيها غطلب منو نفس طلب بنتها..هي مولفا تسمع لغيروو وتبعهمم...مباغيهاش تخرجها من فمهاا..لطلباتها يدفنها هي وبنتهااا وييتبعهم

داوود:(خنزر فيها)عنداااك انضال عنداااك

نضال(حطات يدها على خدوو)نتاا لي عدناااك..(نزلات دمعتها)عنداااك تسمع لهاا..نقدر نصبرر على كولشي الا اني نشوفك مع مرا خراا...غنموت تيقنيي

شاف فيها مطول..

داوود:وااش عاينتك 11 لعام باش نتزوج برهوشة قد بنتي؟؟(جرها لصدرو مزير عليهااا)خلينااا نتزوجو من غداا