تزوجتها بوصية زوجها(النهاية)

305

شتاء عاصف❄️

ماما... الكلمة لي عمر مسمعات...وشحال تخيلات وتخيلات...ان بنتها كتعيط ليها ماما...وكل مرة صوت لي تتخايلها تتعيط لها بيه..

لكلمة لي كانت ديما تتقول ان الله حرمها من انها تسمعها حيت هوا عارف انها ام ممزياناش ..أم لي تخلات على بنتها وراجلها على قبل مصلحتها...

ماما...لكلمة..خلااتهاا...ترجع لووور...منين يلاه كانت بنت18 شادة بنتها بين يدها مور مولداتها..كتسمع لصوووت بكاهاااا....صوت لي نساها فوجع لولادة..

هاهواا صوت نفس لبنت كينسيها فمصيبتها...

ربيي كبييير....شحال من مصايب كينزل علينا..وكيقولو لنا ناس فيهم خيير...ولكن حنااا..متلقاو تا خير فيهمم .. لخير كيكون..غير مرة كيبان ومرة كيخبعو ليك الله عندو تا تلقاه ويجازيك على صبرك....

دااارت..بثقاالة..كتشوووف فيهااا..وهي جاياا كتجري عندهاا...وكتعيط لها "ماما"

عيونهااا تغرغروو بدمووع..

شافت فلبوليسي لي حداها..

نضال: واش هي تتقول ماما..

حرك راسو باه بعدم..فهم...

حولات نظرها لبنتها...صدرها كيطلع ويهبط...نفس مبقاتش قادة تنفسووو...

خرجات شهقة طويلة....وزادت بجرااا عندها...

غير وصلات عندها ..طاحت....على ركابيهااا....

لمستوا بنتهاا...عنقاتهاا بجهددد لصدرها...

فيروزة: ماااما..

نضال:عاااوديهاا ابنتييي عاوديهاا...

فيروزة: ماما..

نضال(كتشهق) اربييي قااالت ماما..قالت ماما....آه آهه اربييي آه

مزيراا علييه بجهد

فيروزة: فين غيديوك

نضال: مغيبعدنيي عليك حدد ابنتييي تاا حددد...

واقف كيشووف فيهم بصدمة....شاف فحياة ومنتصر لي حداه...

داوود: واااش بنتي هضراات..

حركوو راسهم باه..

حط يدوو فشعروو..مرجعوو..لور...ودموع تحجروو فعينوو..شحال جرا وجارا باش يسمع صوتها...ولكن ملقاا لها حل عند لاطباء..شي كيقوليه لمشكل نفسي شي كيقوليييه خلقي..

جمع لكمت يدوو..ضرب بيها لقلبووو...

داووود: هضراات بنتيي

زاااد بجرااا عندها...طاح لعندهاا معنقهاا...

داوود: فيروووزة...هضرتيي ابنتي هضرتييي..

فيروزة: بابا

عنقها عندووو بجهد: ارووح بابا اعمررر بابا