اسطوره النسل (أبناء الجارحي)

1- بـدايـة جـديـده

وحشتوني وحشتوني وحشتوني ترارارارا عاملين ايه يا بنات يا رب تكونوا بخير في الحروب اللي احنا فيها والاحتباس الحراري وقرف المدارس احم احم ندخل في المهم علشان ابتدينا ندخل في حتت تاني بدايه جديده وحلوه ان شاء الله عايزه اقول ان عيالهم كتير ماشي والشخصيات كتير فجهزوا الذاكره يا بناويت وان شاء الله بدون مقاطعه المواعيد هتكون يوم اه ويوم لا يعني هنزل يوم ايوه ويوم لا اشطا استمتعوا وقولوا رايكم اهم حاجة رايكم يا بت انتي وهي ماشي عايزه اشوف 20 تعليق كده يفتحوا النفس 😸يلا بقى نبدأ بالصلاه على النبي
صلي على من بكي شوقا لرؤيتنا 🧡
مرت السنوات والسنوات وبعد مرور 10 سنوات على زواج مصطفى وآسيا نذهب إلى الي مكان ليس مصر وإنما إنجلترا وبالتحديد في العاصمه لندن وفي إحدى ناطحات السحاب ندخل معا إلى شقه من إحدى الشقق ونجد تلك الصهباء تتسحب ببطء الي إحدى الغرف وتفتحها بهدوء شديد وتنظر بمكر لتلك الشقراء النائمه بكل عمق وهدوء هذا قبل أن تقع على السرير بسبب قفز تلك القرده من وجهه نظرها
''حــــيــــــاه ''
حياه وقعت على الأرض وهي بتبص حواليها وعيونها مقفوله
'' انا صاحيه يا باشا وربنا صاحيه اقسم بالله صاحيه ''
دانه بضحك شديد: يا لهووووي كنتي تشوفي نفسك كده يا بنت عم ياسين وانتي بتقعي شكلك يفطس من الضحك
حياه وقفت بعصبيه واللي يشوفها كأنها كانت هتقتل قتيل بس كل اللي عملته انها زقت دانه ورجعت تنام تاني
دانه فتحت بوقها بذهول وهي على الأرض: وده ايه أصله ده قوم يا عمه انتي الطياره هتفوتنا
حياه: روحي بعيد يا بت أدهم بدال ما اجيبك من شعرك الأحمر ده
............................
ستوووب معلومه هيبقى فيه ستوب كتير
نعرّف بقى عن المزتين دول 
دانه أدهم الألفي
26 سنه بنت أدهم وريم شعرها احمر ناري وعيونها زرقاء مش شبه ريم خالص مالص معروفه بالمقالب وخفه الدم تشبه عشق أو لنقول تشبه دانه والده عشق شغاله في المخابرات العالميه لاني مثلها الأعلى هو أدهم ابوها علشان كده دخلت المخابرات

المزه اللي بعدها
حياه ياسين الألفي
26 سنه برضو بنت ياسين وغزل تشبه حياه الكبيره بشده فهي نسخه منها في الشكل وفي الشخصيه مع دانه في كل حاجة هما الاتنين تونز الا في حته الجنان دي لاني دانه اجن منها بتشتغل في المخابرات برضو بس ياسين كان رافض بشده بسبب خوفه عليها لأنها بنته الوحيده الا ان حياه طلبت طبعا من العصابه يدّخلوا وقدروا يقنعوا ياسين

...................................
دانه مسكت المخده وضربتها بيها: يا بت قومي الله ياخدك صدقنا ما اخدنا اجازه
حياه بس ياماما هش بعيد روحي لحور في الاوضه التانيه وسيبيني في حالي
دانه ابتسمت بشر: حور وماله اروح اصحيها بمقلب
حياه فتحت عيونها: استنى خديني معاكي عايزه اتفرج على منظرها
راح الاتنين لاوضه حور وقالت حياه: سبحان الله أغرب نومه قد ينامها انسان
دانه: انسان ايه قصدك حيوان الكسلان
راح الاتنين لحور اللي كانت نايمه ورافعه رجليها على الحيطه وايد في الشرق وايد في الغرب
(ههههههه فكرتني بميسره )
دانه قعدت على يمين حور وحياه من الشمال وبدأت دانه تضايق حور بشعرها
حور بانزعاج وهي لسه مغمضه عيونها: اوووف بس بقى يا مازن
حياه شهقت: هاااا الحقي دي بتحلم بمازن
دانه شمرت: بتحلم بمازن وربنا اصحيها على جعفر ذات نفسه
دانه صرخت جنب ودنها بقوه: حـــور قـــومــي مــــازن مـــــات
حور قامت بخضه: مازن مازن هو فين هو فين
حياه وهي بتقلد محي في فيلم فول الصين العظيم
'' هو فين هو فين ''
دانه لعبت بحواجبها: هو في مصر يا عينيا يا بتاعت مازن
.............................
ستوب كمان
حور أسد الشرقاوي
26 سنه بيضاء وشعرها اصفر وعيونها زرقاء وقولنا قبل كده انها ورثتهم من امها الكنديه المهم شغاله مع الهبلتين حياه ودانه في المخابرات العالميه وده لأنها كان نفسها تبقى زي عمتها رسيل وواقعه في حب مازن