اسطوره النسل (أبناء الجارحي)

9- عـوده الـي الـوطـن

فصل هديه علشان الروايه كملت 3000 قراءه
صلي على من بكي شوقا لرؤيتنا 🧡
خالد بحزن: ده كان اسوء يوم عدي على عيله الشيخ كلها كنا رايحين علشان نزور عيله الجده لأنها من "شوفه" بس للاسف روحنا في وقت حصل فيها هجوم صهيوني
Flash back
كان جاد عنده 21 سنه في حين اني اسيل عندها 15 وداليدا 8 وفجر ورحيل 7
وكانت العيله قاعدين بيتكلموا مع بعضهم وجاد كان بيراقب اسيل والبنات وهما بيلعبوا وكان بيراقب حركات اسيل وطريقتها المختلفه عنهم وعرف انها مصريه وده عاجبه كونها مختلفه ومميزة
كان الأطفال يلعبون ويمرحون ولا يحملون هماً لغد كان هذا قبل أن يسمع الجميع أصوات سيارات كثيره وأصوات آلات عاليه
سالم وقف وقال بصوت عالي: جاد اتخبوا
جاد جري بسرعه على البنات وشال رحيل ومسك في الايد التانيه فجر وقال بصوت عالي علشان اسيل تسمع
'' اسيل امسكي داليدا وتعي معي ''
اسيل مسكت ايد داليدا كويس جريوا وراء جاد اللي كان بيشوف الجرافات الإسرائيلية وهي بتدمر المكان وراح لمكان بعيد شويه ونزّل فيه رحيل وفجر.... وداليدا واسيل كانوا معاهم
جاد: ما تتحركوا من هون
جاد كان هيمشي بس اسيل مسكت ايده وقالت بدموع
'' متمشيش يا جاد وتسيبنا لوحدنا ''
جاد: راح اشوف الباقي يا اسيل
اسيل ببكاء/ لأ بالله عليك خليك معانا
جاد قعد معاهم واخد اسيل ورحيل في حضنه وداليدا كانت حاضنه فجر اللي بتعيط
'' ماما انا عايزه ماما ''
داليدا: دلوقتي تيجي يا فجر
سمعوا صوت صراخ من برا وصوت عالي جدا زي هدم وكل ما الصوت يعلي جسم البنات ينتفض من الخوف
جاد سمع صوت من برا بينادي
'' جاد جاد انت وين ''
جاد خرج هو والبنات :عمي اجود وين الباقي
اجود: مو وقته اخرجوا من هون رح يتهد البيت بسبب الجرافات الصهيونية
رحيل بعياط: عمي وينو ابي وامي
اجود عيونه دمعت لانه سالم ومراته ماتوا: هما في مكان احسن من هون بكتير يا رحيل
رحيل مفهمتش لأنها طفله اما جاد عيونه اتملت بالدموع ابوه وأمه دلوقتي بقيوا اموات
اجود مسك كتاف جاد وقال بقوه رغم وجعه على اخوه
'' جاد ما فيه رجّال بيبكي انت رجّال امسح دموعك هي وتعي معي انت والصبايا ''
جاد مسح دموعه وشال رحيل واجود شال فجر واسيل وداليدا مسكوا في هدومهم وخرجوا من البيت ويدوب خرجوا من هنا والجرافه شالت البيت من هنا
وجريوا بسرعه ناحيه الغابه علشان يخرجوا من القريه دي ووصلوا اول الغابه بس اجود شاف واحد اسرائيلي بيشد في واحده والبنت دي كانت بنت خالته وكان صوت صراخها عالي جدا
اجود اتعصب وراح ليها بسرعه وضرب الإسرائيلي ده بس واحد تاني مسكه من وراء والأول قام من الأرض ومسك مسدسه وضرب طلقتين في صدر اجود واجود نزل على الأرض وعيونه كانت على داليدا اللي كانت بتصرخ بأسم ابوها وفجر اللي كانت بتعيط في حضن اسيل اللي حضنتها علشان متشوفش المنظر ده
جات عربيه من وراهم كانت بتسوقها تبارك بس لما شافت اجود واقعه غرقان في دمه نزلت من العربيه وجريت عليه بس خالد مسكها
'' انتي رايحه فين يا تبارك ''
تبارك بعياط: سيبني اروح لجوزي يا خالد
خالد بغضب: انتي اتجننتي خلاص مات
تبارك زقته: انا مقدرش اعيش من غيره ولو مات اموت معاه
تبارك جريت على اجود وفجر صرخت بصوت عالي
'' 'مــــامــــا ''
داليدا حضنت فجر وخبت وشها في حضنها وكانت بتعيط في اللحظه دي حست اني امها هتروح ومش هترجع تاني
خالد أدى المفتاح لجاد اللي الصدمه كانت لجمته وهو مش عارف ايه اللي بيحصل من دقايق امه وابوه ماتوا ودلوقتي عمه وكمان مرات عمه رايحه للموت
خالد صرخ بقوه في جاد علشان يفوق: جــــاد فوق وخد البنات في العربيه وامشي
جاد: لا تروح هناك يا خالد
خالد اداه المفتاح في ايده وقال: انت الراجل يا جاد اياك في يوم تضعف البنات في رقبتك انت اخوهم وابوهم انا واثق فيك خد البنات وروح ناحية البحر بسرعه وعماتك هناك هيسفروك برا البلد انت والبنات
جاد: ليش كل هادا
خالد: مش وقته امشوا بسرعه
اسيل بعياط وهي حاضنه رحيل اللي فقدت الوعي
'' متمشيش يا خالد ''
خالد: لو ليا عمر هرجع ولو نصيب نتقابل تاني هنتقابل خلوا بالكم من نفسكم
خالد راح وراء تبارك اللي كانت بتجري في اتجاه اجود ويا دوب بس وصلت ليه لقيت رصاصه في ضهرها فوقعت قدام اجود ودمها بقى على الأرض زيها زي باقي الشهداء ماتوا وده كله تحت عيون داليدا اللي كانت الدموع بتنزل من عيونها بغير اراده منها ابوها وامها ماتوا مره واحده وقدام عيونها
جاد لاحظ انهم مسكوا خالد كان هيجري عليه بس خالد صرخ بقوه
'' امشوا ''
جاد رجع وساق العربيه بعد ما دخل البنات فيها وطلع بيها لحد ما وصل البحر ولقي عماته هناك فعلا وكان فيه مركب سفر
بريهان "عمته": جاد اطلع السفينه
جاد: ليش عمتي بسافر
زوج بريهان: مو وقته يا جاد السفينه هتوصلكم أمريكا وهناك عمك محمد راح تقعدوا معه لحدا ما تهدي الأمور
ركب جاد والبنات رغم عدم فهمهم للموضوع او انهم سابوا بلدهم بسهوله كده
Back
خالد: معرفش مقتلونيش ليه بس انا فاكر انه واحد كان بيتكلم عبري وبما اني اتعلمت عبري ماخرا عرفت كان قصده ايه
عشق: وكان قصده ايه
خالد بحزن: كنت انا المطلوب علشان كده قتلوا عيله الشيخ كلها لما فوقت لقيت نفسي في اوضه مقفوله والغريب اني افتكرت كل حاجة رجعت الذاكره ليا بعد ما الظابط الإسرائيلي خبطني بضهر المسدس على دماغي فضلت ساعات كتير قاعد لوحدي لحد ما دخلت واحده كده اتكلمت عبري الأول ولما مفهمتش اتكلمت عربي
Flash back
الباب اتفتح ودخلت واحده وهريحكم واقول دي مين دي روما
'' اممم حسنا يا ابن الزيان لما انت هنا ''
خالد مفهمش ولا كلمه وروما زفزت بضيق: انت بتعمل ايه هنا
خالد: انتي مين
روما: متردش على السؤال بسؤال بتعمل ايه في إسرائيل الشياطين ولا الوحوش اللي بعتوك
خالد بضيق: لا دول ولا دول
روما نزلت لمستواه وهو قاعد على الأرض: انت قعدت في البلد دي 9 سنين وقعدت مع عيله فلسطينيه فين باقي العيله دي
خالد بغضب: انتوا قتلتوهم ليه مفيش عندكم دين ههههه دين ايه ده.... ده انتوا صهاينه دخلتوا بلد مش بلدكم وملكمش حق فيها وهديتوا بيوت وقتلوا أرواح بريئه منكم لله
روما لم يبدي عليها أي تأثر ومسكت مسدسها وحطته على دماغه
'' انطق انت جيت ليه إسرائيل ''
خالد ببرود: بصراحه انا مش في إسرائيل انا في بلد عربيه واسمها فلسطين لو كنتوا متعرفوش بس وارجح ده لانكم شوية حمير
روما اتعصبت بس لازم تخرج منه بمعلومه: باقي عيله الشيخ فين واسمائهم ايه
خالد بكل برود: معرفش
روما اتعصبت اكتر وشدت الزيناد بس دخل واحد حاطط كمامه على وشه وشد منها المسدس
'' هل جننتي روما هذا كارت رابح لنا وانتي تريدين ان تقتليه ''
روما: لن يتكلم ستيف انه من عائله الزيان وبالطبع يشبه اخته وابن عمه
(طبعا اللي فاكرين مين ستيف اللي كان متنكر بشخصيه هشام مستغربين انه مات لا هو لسه حي ولو رجعتوا للجزء الأول بعد ما مالك ضربوا علقه موت كان لسه حي وهما نقلوا العنايه وقالوا أنه مات علشان باقي عيله ستليتون تظهر بس هو هرب من العنايه ورجع تاني لإسرائيل)
ستيف بص لخالد: بالضغط اكيد سيتكلم
خالد كان مش فاهم اي حاجة بس في اليوم اللي بعده صحي لقى نفسه على كرسي غريب شبه الكرسي اللي اتحط عليه كريم عبد العزيز في فيلم ولاد العم
ستيف كان لابس كمامه لانه عارف انه خالد ممكن يعرفه اما روما زي ما هي دخل شخص تالت وقال
'' حسنا لنبدأ ''
روما: ابهرهني جايكوب
جايكوب ده قرب من خالد واتكلم بالانجليزيه
'' اين باقي العائله التي كنت تسكن عندها ''
خالد  لدي سؤال هل انتم أغبياء ام صم قولت لكم لا أعلم
جايكوب وقف: اممم حسنا أيها المصري لنرى كم هي قوة تحملك.... ستيف ابدأ
ستيف شغل الجهاز وبدأت الكهرباء تدخل جسم خالد علي خلاياه العصبيه
روما اتكلمت: ليه جيت إسرائيل خالد
خالد غمض عيونه بوجع شديد: كنت فاقد الذاكرة
ستيف بص على جهاز كشف الكذب وعرف انه بيقول الحقيقه
'' فين باقي عيله الشيخ ''
خالد: معرفش معرفش
Back
جين: استحملت ده كله
خالد: لما ملقيوش اي اجابه مقنعه فضلوا حابسيني سنه كامله وحطوا شريحه ليا في دراعي وفي الاخر سابوني امشي
شمس: اكشف عن دراعك كده
خالد رفع كوم التيشيرت وكان فيه واحد أثر جرح قديم
'' انا معرفش نوعها ايه ولا اي حاجة بس لما كنت بحاول اخرج برا البلد كنت بحس بكهرباء شديده حاولت كتير بس مفيش فايدة علشان كده مكنتش عارف ارجع ليكم ''
مصطفى: شمس هتقدري تعرفي ازاي نوعها
شمس جابت اللاب بتاعها وطلعت سلوك من شنطتها ووصلت السلوك دي بدراع خالد وبدأت تشتغل على اللاب لحد ما مكان الجرح بدأ يعمل ضوء احمر
شمس: الشريحة دي نوعها RTM واحده من الاجهزه الحديثة والنادره بتتحكم في أعصاب الإنسان وتقدر تبعت صعقات كهربيه في حاله اني الشخص اللي جواه الشريحه خرج برا نطاق معين ولو حصل ده الشريحة بتبعت اشاره للمتحكم بالمكان
خالد: يعني هما عارفين مكاني دلوقتي
شمس: ايوه عارفين مكانك
اسيل دخلت هي والبنات: ولما هما عارفين مكانه ليه عمرهم ما جم هنا قبل كده
داليدا: وخصوصا انهم كانوا عايزين الباقي من عيله الشيخ كانوا يقدروا يجوا
شمس: مش عارفه
ماهيتاب: يمكن مهتموش بالموضوع وخصوصا انه عدي عليه سنين
شمس: معتقدش
فجر: هتقدروا تشيله الشريحة صح
البنات بصوا لخالد: ايوه نقدر
خالد حس انهم خايفين: فيه ايه يا بنات انتوا خايفين ولا ايه
رسيل: الوجع هيبقى شديد يا خالد مش هتتحمله
ورد من فوق: لا متخافيش هو عايز يخرج من البلد دي باي طريقه هيتحمل
الكل اتخضوا وقال خالد بغيظ: يا اخي ينعل ابو شكلك انتي كل شويه تظهر زي العفاريت كده ليه
آسيا: لحظه هو انتي كنتي فوق الوقت ده كله
ورد: لا لسه جايه من 10 دقايق المهم طلعوا الشريحه بسرعه
ماهيتاب: مين دي
خالد: ورد
ماهيتاب: ايوه ورد مين يعني
خالد بصلها بتوتر: ااااا
ورد أنقذت خالد من الموقف وقالت: يستحسن تبدأو دلوقتي لأني وجودكم انتوا 14 في المكان ده خطر اوي عليكم
رحيل: وانتي ايش عرفك انه خطر
ورد: سر المهنه
شمس بصتلها وهي عازمه انها لازم تعرف مين البنت دي في أسرع وقت ممكن
خالد: احم احم هو هيوجع اوي يعني
البنات بصوله ووقفت رسيل وقالت: اقلع الجاكيت
خالد بص للشباب وهما بصوله بضيق مكتوم
مصطفى همس ليه: يستحسن تنجز لأنهم عصرين على نفسهم لمونه يعني بالعافيه مستحملين انهم هيقربوا ويلمسوك.
خالد: هو ايه النظرات دي ده حتى مروان
مصطفى: طب اخلص قبل ما يولعوا فيك
شمس شالت السلوك وخالد خلع الجاكيت وقعد ببدله حمالات
رسيل: عايزين كرسي زي شازلونج كده
فجر شدت واحد وفردته: اهو
شمس: نام عليه يا خالد
خالد نام عليه ورسيل شدت ترابيزه صغيره وحطت عليها أدوات الجراحه
شمس: شغف المواد بتاعتك جاهزه
شغف: جاهزه يا شمس
شمس قعدت على الكنبه قبال خالد وحطت اللاب على رجليها وبدأت تشتغل فتره تقريبا نص ساعة
خالد: طب مطوله ولا ايه
شمس: 5 دقايق كمان
مكان الشريحة بدأ ينور وقالت شمس: رسيل ابداي
ديانا قربت من خالد وربطت على دراعه شريط علشان يكتم الدم ورسيل مسكت مشرط فقال خالد بفزع
'' ايه ده هو مفيش مخدر ''
رسيل: لا هحاول اخفف أيدي
خالد: بالله عليكي خففي اوي انا خالد ماشي اوعي عقلك يصورلك اني كرم ماشي
رسيل ضحكت بحزن لاني الوجع دي ولا حاجة في اللي جايه
'' ماشي يا خالد كفايه رغي بقى ''
رسيل فتحت جرح في دراعه فوق مكان الشريحه وخالد ضغط على ايده بقوه بس ماهيتاب مسكت ايده بدعم
أما شمس كانت بتشتغل بسرعه شديده: رسيل حاولي على قدر الإمكان متقربيش من الشريحة
رسيل: تمام
بدأ الضوء يزيد وقالت فجر: هو دراعه بينور كده ليه!!!؟
شمس: علشان بحاول افصل الشريحة عن خلايا دراع خالد لأنها لو خرجت من غير ما تنفصل إلكترونيا ممكن دراعه يتشل
رسيل عملت اربع جروح حوالين مكان الشريحة وملك كانت بتمسح الدم اللي بينزل من دراع خالد علشان رسيل تعرف تركز مكان الجرح فين وتحاول متقربش منه
شغف طلعت المواد الكيمائية بتاعتها وطلعت حقن كتير وبدأت تعبيها من المواد دي والكل منتظر شمس تخلص اما شمس كانت بتشتغل بسرعه شديده استغربت لها آسيا واسيل حتى البنات
شمس: شغف دلوقتي
شغف قربت من خالد وحقنته في الشريان اللي في معصمه وديانا فكت الشريط علشان الدم يوصل
رسيل كان نظرها على شمس وفي ايدها المشرط وهي مستعده في اي لحظه شمس تقولها دلوقتي
شمس رفعت رأسها: يلا يا رسيل قدامك دقيقه واحدة بس
رسيل غرزت المشرط في دراع خالد بعمق اما خالد بدأ يعرق بقوه وهو حاسس بألم شديد اوي وصرخ بقوه في الوقت اللي قدرت فيه رسيل تطلع الشريحة
'' ااااااااااااه ''
رسيل مسكت الشريحه بالملقاط وبصت ليها وشمس قربت منها واخدت الشريحه وحطتها في علبه ازاز صغيره على شكل مربع وشغف قربت من خالد تاني وفي ايدها إبرة وغرزتها في شريان معصمه اليمين اما ديانا حقنته من الناحيه الشمال
خالد بتعب: بتعملوا ايه تاني مش المفروض خلصنا
عشق بصت لرحيل وفجر: اقفلوا كل الأبواب واي حاجة ممكن تخرج الصوت لبرا
رحيل وفجر عملوا زي ما قالت
جين قربت من خالد وكانت ماسكه حقنه كبيره جدا
خالد برعب: ايه الحجم ده
شمس شدت ماهيتاب ناحيه مروان: امسكها كويس يا مروان
مروان مسكها وقالت ماهيتاب بقلق: فيه ايه
شمس مسكت كتاف خالد: يلا دلوقتي
ديانا مسكت رجل خالد وشغف الرجل التانيه وهما بيمنعوا حركه خالد
'' انتوا كتفتوني كده ليه ''
جين غرزت الحقنه في مكان الشريحة وقالت
'' عشق ملك اقطعوا الوريد اللي فوق الجرح واللي تحت الجرح''
داليدا: انتوا بتعملوا ايه
بدأ دراع خالد ينزف وجين ضغطت على الحقنه والماده اللي فيها بدأت تدخل في جسم خالد وهو صرخ بصوته كله
'' اااااااااه شيلي الحقنه يا جين شيليها مش قااادر اااااااااه ''
ماهيتاب حاولت تفلت من مروان بس هو كان ماسكها كويس
'' حرام عليكي يا جين شيلي الحقنه ''
بدأ ينزل من دراع خالد دم اسود وجين عيونها دمعت وهي بتسمع صراخ خالد اما خالد من الوجع اغمى عليه وماهيتاب كانت بتصرخ علشان جين توقف اما رحيل وفجر وورد كانوا بيعيطوا عليه حتى اسيل دمعت عليه وداليدا جامده جدا واتجمعت الدموع في عيونها بس منزلتش
الحقنه خلصت وجين شالتها وعشق مسحت الدم من على دراع خالد
اسيل: ايه الدم الأسود ده
جين: ده دم فاسد بسبب اني الشريحه بقالها فترة كبيرة في دراع خالد كان لازم ياخد الحقنه دي علشان تنضف مكانها
ماهيتاب قربت من خالد وهي بتعيط: هههو ماله
شغف جهزت حقنه وقالت: اغمى عليه من شده الوجع
ماهيتاب: بالله عليكي كفايه حقن بقى
شغف: متخافيش ده منوم علشان لما نسافر 
شمس: لازم نمشي كلنا دلوقتي قدامنا ساعتين بس قبل ما الشريحه ترجع تشتغل تاني
آسيا: انتي موقفتهاش
شمس: وقفتها بس النوع ده قبل ما يقفل خالص بيبعت إشارة للمتحكم الرئيسي اني الشريحه دلوقتي خارج جسم البنى آدم اللي اتزرعت فيه
اسيل: ساعتين وقت قليل مش هنقدر نخرجكم كلكم من هنا
ورد بغموض: انا اقدر
اسيل: مش وقت جنان ده يا ورد
ورد بخبث: تعرفي كده عن هتلر
شمس: بصي انا اه معرفش انتي مين بس حاسه انك فعلا هتعرفي تخرجينا
ورد: انتي بجد واثقه فيا
شمس: اممم مش عارفه عندي شعور بيقولي ثقي فيها
ورد بذكاء: تمام اسمعوني مبدأيا كده هنتقسم على كذا عربيه وكل عربيه هتخرج من طريق وخالد سوري يعني هنجيب عربيه ميتين علشان نقدر ننقله
سليم: وليه مش إسعاف
ورد بنفي: لا علشان هيفتشوها في المطار وهيبصوا على المريض اما الميت لا
مصطفى: بس قدامنا ساعتين بس هنلحق ازاي نعمل ده كله
ورد بخبث شديد: لا ما احنا هنعطلهم
           ~~~~~~~~~~~~~~~~
في قصر عائله ستليتون وبالتحديد في إحدى الغرف تحت الارض
بدأت الاجهزه تصدر أصواتا عاليه فنزلت روما ومعها ستيف وجايكوب
جايكوب: ماذا حدث
ستيف: الشريحه التي بذراع خالد لقد اخرجها من ذراعه
روما: كيف اخرجها من ذراعه ولازال حيا
ستيف: لا أعلم لا أعلم
جايكوب: يجب أن نمنعه ان يخرج من إسرائيل الان هيا روما اخبري جاسبر إن يجهز جميع
             .......................................
وعلى الطريق كان هناك اسطول من السيارات متجهين نحو مكان الشريحة لكن توقفت السيارات بسبب شاحنه في نصف الطريق ويبدوا ان عجلاتها لا تعمل
جايكوب بغضب: ما هذا لما هذه الشاحنه في نصف الطريق
ستيف: هناك طريق آخر لنذهب منه
أما على إحدى البنايات على المكان ده ورد بصت لجين وسليم واللي كان معاهم بندقيه قناصه قدروا بيها يضربوا عجلات الشاحنه
'' دلوقتي دوركم خلص اطلعوا على المطار حالا وانا هاشوف التانيين عملوا ايه على الطريق التاني''
ورد نزلت وسليم بص لجين وضحك: عشت وشوفت نفسي باخد أوامر من بنت عندها 17 سنه
جين بضحك: اللي يعيش ياما يشوف يلا نمشي
             .......................................
ورد ركبت مع عشق العربيه وعشق ساقت على أقصى سرعه علشان توصل قبل العربيات ووصلوا على الطريق التاني وكان واقف اسيل وآسيا والبنات
'' ها عملتوا ''
آسيا بضحك: انا حاسه اننا بنعمل مقلب خلتينا نرمي مسامير على الأرض
ورد: يعني رمتوها ولا لسه
فجر: ايوه
ورد: طب يلا بسرعه خدوا العربيه وبسرعه المطار
اسيل: طب وخالد
ورد: خالد دلوقتي في طريقه للمطار بسرعه انتوا
ورد ركبت مع عشق تاني
عشق: على فين بقى
ورد :هناخد الشريحه ونفسحها شويه
عشق: بس الشريحه مع شمس
ورد بمكر: ما احنا هنروح لشمس ناخدها يلا بس
بعد شويه عدت العربيات بس الكوتشيات في نص العربيات فرقعت
جايكوب ضرب الدركسيون بغضب: ما هذا النحس
روما: ان الشريحة تتحرك
ستيف: ماذا اين
روما: انظروا
ستيف: لما الشريحة متجهه الي يافا
روما: لا أعلم يجب أن نذهب إلى هناك
جايكوب: قد يكون فخ
روما: وقد يكون هناك شئ يفيدنا لن يقدر علينا احد جايكوب
جايكوب نزل من العربيه واخد واحده من اللي لسه كوتشياتها سليمه
'' حسنا هيا ''
             .......................................
وفي المطار
كانت وقفت عربيه وفيها تابوت⚰️وكان فيه خالد بس طبعا كانوا فاتحين ثقوب علشان يعرف يتنفس
مصطفى ومروان وفهد شالوا التابوت ده ودخلوا المطار وكانوا متنكرين وطبعا رسيل كانت مغيره شكلهم اما عدي وديانا كانوا بيخلصوا الورق وعدي كان قلقان لأحسن يشكوا بس اتفاجأ لما الموظف اداله الورق
'' التصريح مضبوط رحله موفقه ''
عدي بص لديانا بذهول وهي اخدت الورق وشدته
'' انا مش اي حد يا عدي انا البرق ''
             .......................................
وعلى طريق المتجهه ليافا كانت شمس قاعده في الكنبه اللي من وراء ومعاها عشق والشريحة معاهم بس ورد كانت ركبت مع ملك في اتجاه المطار بعد ما شمس أصرت تروح هي وعشق لوحدهم
عشق: انتي واثقه ليه في اللي اسمها ورد دي
شمس: مش عارفه
عشق رفعت حاجبها: طب ليه قولتلها روحي مع ملك
شمس: علشان فيه في دماغي حاجة عايزه اعملها اقفي هنا
عشق وقفت وشمس اخدت علبه الشريحه "العلبه المربعة" وطلعت ورقه وقلم وكتبت حاجة ولزقتها في العلبه وحطتها على جنب الطريق وركبت العربيه تاني
'' اطلعي ''
عشق: انتي كتبتي ايه!؟؟!
شمس بصتلها بمكر: سيبت بصمتنا
عشق فهمت قصدها وضحكت بصوت عالي
شمس: يلا على المطار الطياره هتطلع بعد 25 دقيقه عايزين نوصل في ربع ساعه بس
عشق داست بنزين: Ok
             .......................................
قدروا يطلعوا التابوت وقال مصطفى: ها الكل هنا
مروان: لا لسه ملك وعشق وشمس وكمان ورد مجوش
مالك: اهم وصلوا هناك
سيف ومراد لاحظوا انهم ملك وورد بس فجريوا عليهم بسرعه
'' شمس وعشق فين ''
ورد: هما لسه موصلوش شمس قالت هتاخد الشريحة تتوههم بيها وانا ارجع مع ملك
مراد بجنون: يعني ايه هما لوحدهم دلوقتي
مصطفى: اهدي يا مراد دول ميتخافش عليهم 
ورد: المشكله في الوقت لازم الطياره تطلع بعد 25 دقيقه
اسيل: اشمعنا يعني
ورد: لاني بعد 30 دقيقه بالظبط مفيش ولا طياره هتقدر تطلع من هنا
             .......................................
على طريق يافا كان وصلت العربيات بس ملقيوش حد برغم اني الشريحة مكانها هنا
روما نزلت من العربيه بس داست على حاجة ولقيتها علبه وكان جواها الشريحه وكان فيه ورقه مكتوبه بالعربي
ستيف شد الورقه دي وقراها
'' الشياطين مش بيسبوا حقهم حتى لو عدت 100 سنه واحنا اخدنا الامانه اللي عندكم برغم انكم بصراحه ناس ملهاش لا امانه ولا عهد ومن غير سلام علشان خساره فيكم...... الشياطين ''
روما بغضب حارق :يا ولاد ال..... اخدوا برضو وصلوا ليه ودخلوا البلد واخدوا
جايكوب طلع تليفونه وقال بعصبيه: جاسبر أغلق جميع المطارات لا اريد طائره واحده تقلع في السماء افهمت
             .......................................
قدام الطياره في المطار كانت عدت 21 دقيقه وفاضل 9 دقايق بس ولحد دلوقتي شمس وعشق موصلوش
سيف: لا بقى انا مش همشي واسيبها انا هاخرج اشوفها
شغف: وصلوا اهم وصلوا
مراد وسيف جريوا عليهم: اتاخرتوا ليه كده
شمس: مش وقته لازم نرجع بلدنا حالا
الكل ركب وعشق ركبت في القيادة مع ملك
'' يلا يا ملك اطلعي ''
ملك حلقت بالطيارة في الهواء علشان يرجعوا لبلدهم
ورد بصت من الشباك وقالت في نفسها بغموض
'' مغامره جديده ايملي تري الي ماذا سيقودوني قدري ''
           ~~~~~~~~~~~~~~~~

Sabreen 🧡