اسطوره النسل
الجزء الثالث من سلسه الوحوش والشياطين
عزيزي القاري اذا لم تقرأ عشق الوحوش والشياطين وجنون تخطي الحدود فلن تفهم هذا الجزء
فاتت سنوات وسنوات وتلك الصغيره قلبها يقسوا أكثر فأكثر لتصبح أنثى بقلب حجر لكن داخل أعماق ذالك الحجر طفوله محرومه م...
فصل هديه علشان كملت 1000 مشاهده في الجزء التالت 😂 صلي على من بكي شوقا لرؤيتنا 🧡 في مصر وبالتحديد في اوضه ليث كان نايم على السرير وبيحلم بجنيه أحلامه ليث: انتي جيتي تاني طب الدنيا ضلمه ليه انا عايزه اشوف وشك البنت: مستعجل ليه هتشوفه قريب ليث بعدم فهم: قصدك ايه البنت دي مشيت لقدام وليث جري وراها: استنى قصدك ايه لفتله وظهرت عيونها الدهبي: استناني بكره ودي كانت آخر حاجه شافها ليث قبل ما يصحى '' يخربيتك الواحد مش عارف ينام بسببك يا بعيده حتى مش عارف اسمك ايه'' ليث اتعدل وبص في الساعه وكانت 11 ونص بالليل فقام من علي السرير ونزل لتحت ولقي الشباب قاعدين في الصاله '' ايه ده انتوا لسه قاعدين '' فهد: يكونش مثلا عند جنابك مانع ليث رفع حاجبه: هو انتوا تطلعوا غيظكم فيا ولا هو مقدرش على الحمار بيتشطر على البردعه عدي: بردعه انت متأكد يا سيف اني الواد ابنك مفيش وجه شبه غير بعض الملامح بس مصطفى دخل: لا ما شخصيته مايلة لشمس اكتر سليم بضحك: طردوك يا اخويا مصطفى قعد بضيق: انا مش فاهم ما عندهم أماكن كتير يقعدوا فيها اشمعنا بيتي انا إللي يقعدوا فيه انا مالي انا بخناقتكم سيف: ليث روح اعمل قهوه ليث: اكونش انا الخدامه يا سيف وانا مش عارف سيف مال علي جذمته وليث لما شاف كده طلع يجري على المطبخ '' ده انا اعملكم العشاء كمان لو عايز بس روق انت بس '' الشباب كلهم بصوا لمصطفى مره واحده وهو خاف '' ايه فيه ايه '' مروان قرب منه وقال: قولي بقي بيعملوا ايه هناك واياك تكدب مصطفى فكر شويه وجاتله فكره خبيثه وقال بتمثيل '' دول زعلانين اوي '' مالك رفع حاجبه: بجد مصطفى: اه طبعا دول حتى مش عارفين يناموا ~~~~~~~~~~~~~~~~ نروح بقى عند البنات اللي مش عارفين يناموا على رأي درش رسيل وهي بتقشر البرتقاله: زي ما بقولكم كده فضلت اسبوع عند جدي رافضه حتى اني ارجعله حلا: ده انتي كنتي قادره بقي يا ماما رسيل: اومال يا بت جين بصوت عالي: ايه يا شمس ده كله بتعملي البسبوسه شمس طلعت بصينيه بسبوسه وشغف كانت شايله طبق كيك وراها ~~~~~~~~~~~~~~~~~~ سيف: انت بتتكلم بجد مصطفى: اومال هكدب مثلا دي حتى ديانا كانت بتعيط ~~~~~~~~~~~~~~~~~~ طيف بذهول: قولي وربنا يا ماما انتي بجد كسرتي دراع السكرتيره بتاعت بابا ديانا بضحك: اه وربنا بس فلتت من تحت ايدي بنت الجذمه اااخ آسيا: اخ ده ايه ده انتي مسبتيش فيها حته سليمه توحد ربنا ~~~~~~~~~~~~~~~~~~ عدي: ياااه للدرجه دي مصطفى: اسمعوا مني دول داخلين حاله اكتئاب ~~~~~~~~~~~~~~~~ شغف: بت قومي هاتي الطبله بدال قعده العزاء دي عشق: بت يا اسيا لو عندك اي كوفيه هاتيها آسيا بغباء: هتعملوا بيهم اي شمس: هنرقص ونتحزم بيهم يا اختي ~~~~~~~~~~~~~~~~~~ مراد: يعني هما كده عرفوا غلطهم مصطفى وهو بياكل من البسكوت اللي جابه ليث مع القهوه '' اه طبعا اومال ده تلاقيهم قالبين القعده دموع ودموع '' ~~~~~~~~~~~~~~~~~~ ملك كانت رابطه كوفيه على وسطها وبتعمل حركات وبتقول للين اللي بتحاول تقلدها '' ايوه اعملي كده اتنين دربن دح والغرزه الديقه '' لين: كده ملك: يا بنتي غلط ما ترقصي كويس مش شايفه حلا بترقص ازاي ده أجمد من صافينار ذات نفسها طيف: معلش بس يا لوكه اسمها صافيناز مش صافينار ديانا: نسيب المهم ونمسك في التافه ما ترقصي زي الناس يا بت طيف بضحك : ناس ايه وهو فيه ناس بتعمل كده ديانا مسكتها من قفاها: اه يا روح امك بيعملوا كده ~~~~~~~~~~~~~~~~~~ مصطفى: وبما انهم ندموا ومش عارفين يقعدوا من غيركم وانتوا مش عارفين تناموا يا عيني من غيرهم روحوا خدوهم من عندي وكل واحد يروح على بيته بقى الشباب سكتوا شويه وقال سيف: خلاص ماشي هنروح و.... قاطعهم دخول يوسف ابن مصطفى وكان ماسك في ايده طبق وحطه على الترابيزه الصغيره اللي في النص وقال '' شمس عملت بسبوسه وبعتت ليكم طبق وقالت بلاش ترنوا عليهم علشان مش هيسمعوا حاجه من الأغاني '' الشباب بصوا لطبق البسبوسه بذهول وليث قعد يضحك اما مصطفى شال ابنه وطلع يجري '' يلا بينا يا يوسف قبل ما يهجموا علينا '' مروان جري وراه: خد هنا يا حيوان (أجرى يا مصطفى بقيت شبه شهاب في الاغنيه 🎶 يا مصطفى يا كداب تستاهل اكل الذئاب 🎶) ~~~~~~~~~~~~~~~~ تاني يوم سافر أيهم ومازن وأنس والبنات للمهمه بعد التوصيات الشديده وبكاء غزل وريم وهم لا يعلمون لما يبكون نروح بقى في فيلا سيف كان الكل متجمعين وعامله زي "قعده عرب" وكان الولاد كمان موجدين حسن: دلوقتي انا مش فاهم فين المشكله سيف: المشكله انهم بيعاندوا شمس بغيظ: لا المشكله في تحكماتكم الرهيبه دي ايه يعني لما نقص شعرنا فيها ايه ها سيف بص لحسن: شايف بنتك حياه بتفكير: معاهم حق ايه يعني لما يقصوا شعرهم هو شعرهم ولا شعركم شغف: ظهر الحق سمعتوا مالك: طب انا بحبه طويل يعني المفروض انا ليا الحق اقول تقصه ولا لأ مش هتعمل كده علشاني شغف: ليه أن شاء الله يكون ليك الحق مالك: مش جوزك شغف: حتى لو حسن: بس بقى ده انتوا تافهين بصحيح غيث: اه بالله عليك يا ابو علي قولهم ده احنا متمرمطين بسببهم من امبارح جين: بس ياض اقعد على جنب غرام: صحيح هي آسيا فين مصطفى: راحت تجيب حاجه من البيت وجايه البواب دخل وقال: سيف بيه آسيا هانم برا وبتقول اقولك اني بنتك برا حلا بغباء: دي المفروض فازوره ولا ايه سيف باستغراب: آسيا وليه مدخلتش دخلت هى بكل ثقه وغرور لا يليقون الا بالمارد وكانت تضع نظارتها السوداء على عيونها رعد باستغراب: هي مالها آسيا متشيكه زياده عن اللزوم كده ليه مصطفى وقف وقال بغموض: دي مش آسيا وقفت البنت دي قدامه وقالت ببرود: لا حلو انك عرفت تفرق ما بين مراتك.... بصت لسيف وقالت واختها سيف اتصدم دي بنته التانيه دي اسيل دي اللي اتحرم من انه يضمها 31 سنه دي اللي ياما اتمنى انه بس يشوفها حتى لو مره واحده دي اللي اتمنى انه يضمها ويسمع كلمه بابا منها دي بنته وحته منه حتى لو من آمنه بس في الآخر هتفضل بنته أسيل ببرود وبعض الغرور: ايه يا سيف بيه البواب بيقولك بنتك برا تقولوا آسيا هو انت ناسيه انه عندك بنت تانيه ولا ايه سيف وقف وتجمعت الدموع في عيونه '' اااسـ ـيل بنتي '' لم يبدوا اي رده فعل على أسيل الا ان سمع الجميع صوت جعل قلب اسيل ينبض بقوه '' فيه ايه يا جماعه ساكتين كلكم كده ليه ومين دي اللي قدام سيف '' اسيل لفت لتصدم آسيا بشده وهي تنظر لتلك التي أمامها واقتربت منها ببطء وقلبها يدق بقوه وهي تنظر إلى نصفها الاخر كم بحثت عنها كم بكت من أجلها كم كانت تتمني ان تراها وتضمها اما اسيل نزعت نظاراتها لتنظر برماديتيها الي عيون آسيا تشعر انها تقف أمام مرآه تعكس شكلها فهم نسخه متطابقة لا يوجد أي فرق نفس لون العيون والشعر ونفس الطول والجسد نفس الملامح نسختين طبق الأصل كان الجميع ينظر بصدمه وذهول إلى ذالك المشهد الذي لا يُرى الا في الأفلام آسيا بدموع وصوت متقطع: أسـ ـيـ ـل لانت قليلا ملامح اسيل البارده لتتحول رغما عنها الي اشتياق وهي تنظر إلى توأمها وبرغم انهم لم يقضوا معا الا 4 سنوات الي أن تلك السنوات كانت محفوره في ذاكره أسيل ولم تنساها ابدا كما أنها لم تنسي تلك الأيام السوداء التي عانتها من امها وعند تلك النقطه عادت ملامح اسيل الي القسوه والبرود مجددا وقالت بجمود '' اتغيرتي اوي '' آسيا عرفت من تغير ملامحها ان اختها مش راجعه علشانها وان اسيل اتغيرت ومش زي زمان فاتقدمت منها وقالت بهدوء '' وانتي كمان اتغيرتي يا أسيل واضح ان الزمن عرف يغيرك كويس '' ابتسمت أسيل ابتسامه غريبه: محضنتينيش يعني دول حتى 27 سنه آسيا: لانى عارفه كويس اني لو حضنتك هيبقى حضنك جاف وبارد اوي زي نظره عيونك اسيل وبرغم وجعها من الكلام ده الا انها كانت عارفه كويس ان ده فعلا اللي هيحصل زي ما هي عارفه اني آسيا اكتر واحده على الكوكب تقدر تفهمها لأنهم جسمين بس روح واحده '' كويس انك عارفه وانا مش جايه علشانك... وبصت لسيف ولا حتى علشانه '' سيف اتوجع اوي من الجمله دي وبص لبنته بحزن واسيل كملت '' انا جايه علشان اخد الشياطين '' بصلها الكل الصغيرين باستغراب اما البنات بصولها بصدمه شديده من كونها عارفه انهم الشياطين اسيل رفعت حاجبها وقالت باستمتاع :لا متقولوش انه اللي في بالي صح وفيه أسرار مستخبيه لا كده اللي جاي هيبقى احلى واحلى شمس قالت بسرعه: قصدك ايه بالكلام ده بصتلها اسيل نظره طويله وغريبه مقدرتش شمس تفسر النظره دي '' من حقكم طبعا تعرفوا انا قصدي ايه بس صدقوني لولا انه طلبكم بالاسم وقال انه محدش هيقدر يعمل كده غيركم انا عمري ابدا ما كنت هقرب منكم '' سيف بحزن: ليه يا بنتي طالما كنتي عايشه ليه مرجعتيش يا اسيل أسيل ببرود: امممم مزاجي كده بصراحه آسيا بحده وغضب: اتكلمي مع بابا كويس يا اسيل واوعي تنسي انه ابوكي اسيل بسخريه: هههه ابويا معلش الكلمه تقيله على لساني.... كملت ببرود أصله عمري ما قولتها لحد سيف قرب منها: والله ما كنت اعرف انكم موجودين ولا حتى ان عندي بنات أسيل هزت رأسها ببرود شديد: اممم مصدقاك بس بصراحه مش مصدقه انك فضلت 4 سنين متعرفش اي حاجة عن طليقتك ده انت عمرك ما كلفت نفسك تزور جوز عمتك من باب حتى صله الرحم.... كملت بوجع وكسره لم تظهر الي في عيونها يمكن وقتها كنت تعرف اني عندك بنات يا سيف بيه قطع كل ده صوت من وراهم: يا أهل الدار اين انتم يا بشر اسيل بصت على الصوت ده وشافت شاب يشبهها قليلا في الملامح لكن عيونه زرقاء وده ما كان الا ليث اللي كان راجع من كليته واتصدم لما شاف نسخه تانيه من آسيا واقفة جنبها '' هو ده حقيقه وفيه اتنين من اسيا ولا انا بهلوس من قله النوم' ' اسيل بصتله هي عارفه انه اخوها عارفه اني عندها اخ أصغر منها بس مشفتوش قبل كده بصت لسيف وقالت وهي بتوزع نظرها على شمس وليث وآسيا بالترتيب '' اتجوزت وخلفت وجوزت بنتك وانا اخر شخص في قائمه حساباتك '' سيف هنا انفجر من كميه الاتهامات اللي بتوجهها ليه '' كفايه اتهامات بقى انا عمري ما نسيتك ودورت عليكي في كل حته '' اسيل بسخريه: آمنه كانت عارفه انا فين سيف: عارف انها كانت عارفه وده يمكن السبب الوحيد اللي كان مانعني اني اقتلها ليث قرب منها وقال: انتي بقى أسيل اسيل ببرود: عارف ان عندك اخت تانيه ليث ببرود مماثل: اكيد مش عايش في الدنيا دي وخلاص وعارف انك اختي وكنت مختفيه وكنا فاكرينك ميته بس اديكي عايشه اسيل بتركيز: وبعد ما عرفت اني عايشه ليث قرب منها اكتر ووقف قدامها وقال بخفوت '' عندي شعور اني مجيتك فيها حاجه مش كويسه لو جايه تفرقي العيله يا أسيل امشي '' آسيا بغضب لأنها واقفه جنبهم وسامعه: لــيـــث اسيل ببرود: مش فارقين ليا علفكره ليث ببرود أشد من برودها فهو يشبه شمس في برودها الشديد '' كدابه '' شمس بصرامه: ليث احترم اختك دي أكبر منك ليث بغضب وحده: لو هنعمل بالمبدأ ده يبقى هي كمان تحترمكم سيف بغضب: ليث وطي صوتك وانت بتتكلم مع امك ليث بص لاسيل بغضب وهي بادلت نظراته بغضب مماثل $اممم بالتفكير في الموضوع الولد ده شبهك لما تتعصبي بص الكل على الشخص اللي اتكلم وكانت بنت لابسه جاكيت اسود وحاطه زونت الجاكيت على شعرها ولابسه نظاره سوداء ودي ما كانت الا داليدا اسيل: داليدا داليدا بابتسامه ببرود: قولتيلهم احنا جايين ليه آسيا: ايوه بقى ده المهم جايين ليه اسيل: علشان اخد السبعه دول وشاورت على البنات مراد: تاخدي مين انتي تعرفيهم منين اصلا اسيل: لا إذا كان عليا عارفاهم اسم بس لانه دايما بيحكي عنهم داليدا: محتاجين مساعدتهم بس لا اكتر ولا أقل شغف: محتاجين مساعدتنا في ايه ولمين المساعده دي اسيل: شخص تعرفوا يمكن نسيتوا بس هو عمره ما نسيكم مروان وبدأ يتعصب من الالغاز دي: مين ده داليدا: اهدي يا مروان باشا مش كده أعصابك قطع كلامها للمره اللي مش عارفه الكام صوت طفولي '' ايه يا جماعه واقفين كلكم كده ليه '' اسيل بصت للطفل ده وعرفت هو مين ده ابن آسيا اما داليدا ابتسمت وهي بتبص للطفل صاحب العيون الخضراء اللي تشبه عيون امها وعيون فجر يوسف فتح بوقه بذهول: ايه ده هو انا كنت قادر على آسيا علشان يطلعلي نسخه منها ده ايه الظلم ده اسيل اتحركت ناحيته ومصطفى اتحفز لاي حركه منها وقالت آسيا بقلق '' اسيل متقربيش منه '' اسيل مردتش ولسه ماشيه ناحيه يوسف وداليدا هي اللي ردت ببرود '' مش هتاذيه '' اسيل وقفت قدامه وقالت بهدوء: اسمك ايه يا صغنن يوسف بص وراء اسيل لآسيا وبص تاني لاسيل مرحبا وقال '' ااااا هو انتي مش عارفه اسم ابنك ولا ايه '' اسيل: انت مش عارف تفرق ما بيني وبين امك ده ابوك عرف يفرق في ثواني يوسف بصلها ببلاهه شديده: يعني انتي عفريت امي داليدا: بالتفكير في الموضوع الولد ده شبه فجر اوي شكل وشخصيه اسيل: مش عارفه ايه حكايه العيون الخضراء والشعر البنى اللي ماشي في عيله الزيان ده بس انتي خالفتي القاعده دي يا داليدا داليدا ببرود: مش لوحدي ما فيه اتنين اهم وشاورت على غيث ولين أسيل: لا دول خالفوا لون الشعر بس اما انتي خالفتي لون الشعر والعيون مصطفى بضيق: ممكن بدال ما انتوا بتتكلموا مع بعض كده تفهمونا حاجه اسيل ببرود: اهدي يا جوز اختي ليحصلك حاجة داليدا قربت منهم بالتحديد قربت من جين وخلعت نضارتها لتظهر عيونها الزرقاء '' جين الزيان مش كده '' جين بدأت تراودها شكوك كتير فقالت ببطء: ايوه داليدا بصت حواليها: ومروان الزيان ومصطفى الزيان حلو اه ناقص كام واحد من العيله بس تمام مروان وقف جنب جين وبص لداليدا: انتي مين بالظبط داليدا بصوت عالي: انا داليدا اجود الشيخ بنت تبارك... سكتت شويه وبصت لملامحهم المصدومة وقالت بنت اختكم المختفية عمار بشك: وايه اللي يثبت داليدا: طبعا فيه طرق كتير للاثبات و.... قاطعتها جين لما شدتها لحضنها بقوه وهي بتشم ريحتها وحست فعلا اني دي بنت اختها (الدم بيحن اه يا جين بس البت كده لما تشوفك بتشميها هتفهم غلط ) أما داليدا اتفاجت جدا من اللي عملته عمرها ابدا ما كانت تتوقع انها تعمل كده جين بعدتها عنها وقالت بدموع: انا مصدقه انك بنتها بس هي فين داليدا اخفت صدمتها وقالت ببرود شديد لكن لم تخفي ابدا نظرت الوجع بعيونها '' ماتت '' الكل اتصدم وقال مصطفى بصدمه شديده: مـ ماتت جين بدموع: ووووخالد أسيل: لسه عايش مصطفى: ليه مجاش معاكم لسه طالما عايش مجاش ليه داليدا: ميقدرش يخرج من البلد جين مسكت ايد داليدا: خديني ليه ارجوكي غيث قرب من أمه وقال: تروحي فين يا ماما انا اصلا مش مصدق ولا كلمه من اللي اتقالت دي نضمن منين اني خالي خالد عايش واني دي فعلا بنت خالتي دي مش شبهها خالص لين: بصراحة معاه حق عايزين إثبات قوي اسيل: عايزين الشبه يعني حاضر هنجبلكم اللي شبه تبارك مروان: قصدك مين!!؟؟ داليدا ببرود: اختي جين: ااانت عندك اخت داليدا: ايوه هجيبها دلوقتي داليدا اتصلت على فجر وفجر ردت وهي بتاكل '' عايزه ايه '' داليدا: انتي فين فجر: باكل اسيل اخدت التليفون: وهو ده وقت اكل رحيل: ايه يا عمه ده احنا صدقنا ما لقينا لحمه حلال تتاكل بدال ما احنا كنا عايشين على الفراخ والسمك هناك داليدا بهدوء: فجر انا عند خالتك تعالي بسرعه داليدا قفلت في وشها وقالت ببرود: 5 دقايق وتبقى هنا جين قعدت: انتي منين وابوك مين داليدا رفعت حاجبها: ايه هيحصل تفرقه عنصريه ولا ايه سليم: جين مش قصدها كده قصدها ابوكي مين لاني امك وخالد اختفوا من اكتر من 26 سنه والدكتور اللي كان السبب في اختفائهم قال إنهم بنسبه كبيره ممكن يكونوا فقدوا الذاكره فجر من وراهم :حلو وفرتوا علينا شرح كتير بصت جين للبنت ده بذهول لأنها شبه تبارك جدا بعيونها الخضراء وشعرها البنى وكانت فيه واحده تانيه ماشيه جنبها بس معرفتهاش فجر وقفت قدام جين وقالت بابتسامه: امممم تعرفي انتي اجمل بكتير من اللي وصفه خالد.... وبصت على مروان ومصطفى مش فاهمه بجد ايه حكايه الوراثه في العيون والشعر والطول المبالغ فيه عندنا ده مصطفى قرب منها: شبه تبارك جدا فجر: معلش مين فيكم مصطفى ومين فيكم مروان لاني الشبه ما بينكم كبير بصراحه رحيل شدت فجر: كفايه هبل الناس هتقول عليكي مجنونه فجر: يا اختي خدنا ايه من كلام الناس مروان: وانتي مين رحيل: لا انا بنت عمهم المهم عرفتوا احنا جايين ليه عمار: محدش هيروح في حته قبل ما نصدق اني عمي خالد فعلا عايش اسيل: حقكم أسيل خرجت تليفونها واتصلت على خالد وفتحت الاسبيكر وبعد شويه صدح صوت خالد الغاضب '' اهلا اهلا بالصايعه الكبيره فين الحمير التانين '' اسيل: ايه يا خالد داخل سخن كده ليه خالد: اخرسي يا جذمه بقى بتسيبوا البيت وتمشوا حتى من غير ما تقولولي ليه اكونش قلقاسه قاعده في البيت انا معرفتش اربيكم يا شويه جذم فجر: بالتفكير في الموضوع انت فعلا معرفتش تربينا يا خالد خالد: حد يسكت الحمارة دي رحيل: بس يا حماره خالد: انتي فين يا بت منك ليها ها اسيل: ما براحه واحنا نقول خالد: بس يا معنسه انتي اسكتي اسيل: بقى انا معنسه طب انا على الاقل لسه 31 الدور والباقي على بقى عنده 51 سنه ومقربش حتى من قطه الكل كتموا ضحكتهم وقالت رحيل وفجر بهتاف '' بووووم 0 :1 اسيل تقصف ولا تبالي '' خالد: انتي فكركك كده قصفتي جبهتي طب انا متجوز يا اختي داليدا: هو فين ده معلش انا عمري ما شوفت مراتك دي في مره خالد بحزن: ما انتوا عارفين اللي فيها واني مقدرش اخرج من البلد دي وربنا انا حاسس شويه وهبقي يهودي نفسي اخرج من البلد دي اسيل بغموض: قريب اوي يا خالد هتخرج منها خالد: امتا بقى ما انتوا لو كان عندكم دم كنتوا قولتوا للبنات يجوا بس اعمل ايه اتنين خايفين يروحوا لعيلتهم وواحده خايفه تقابل ابوها ده ابوكي يا بنت الهبله هو هيعملك ايه يعني واخواتك هناك مش آسيا دي توأمتك اللي بتحلمي بيها علطول آسيا بصتلها بانتصار كأنها بتقولها كنت عارفه اني لسه جواكي شئ كويس حتى لو بتخبي ده خالد كمل: واخوكي اللي كان نفسك تشوفيه اينعم انا هموت واشوف انتاج شمس عامل ازاي هي والبنات بس برضو اخوكي ليث بصلها بابتسامه وقال بمرح وخفوت قليلا: اه وربنا اخوكي خالد كمل: وعندك شمس اهي هي بصراحه اه تخوف وانا اشهد بدا بس مش بتعض والله شمس بسخريه وهمس: مش بعض ماشي يا خالد الكلب اما اشوفك بس خالد كمل: شوفتي اهو و.... اسيل بصراخ: بس بقى أخرس شويه خالد بانفعال مضحك: يا قليله الربايه بقى فيه واحده تقول لواحد قد ابوها أخرس هستني ايه يعني ما انتي بنت سيف وعمك يبقى عمر سيف باستغراب: ايه يعني كونها بنت سيف هتبقى وحشه هو انا يعني وحش أسيل بتوعد: اصبر بس يا خالد ارجعلك وربنا لانتفلك شعرك ده شعرايه شعرايه خالد بخوف: طب سلام بقى احسن البطاطس على النار وممكن تتحرق داليدا: صدقتوا دلوقتي اني خالد عايش وموجود لين: بصراحة انا صدقت خالص مالص باين عليه واخد من هبل العيله بتاعتنا ديانا: هو خالد في انهي بلد بالظبط اسيل بجمود: إسرائيل الكل بصدمه: ايه فجر: ايه مالكم اتصدمتوا كده ليه رعد: والله انا شاكك فيكم من بدري انكم جواسيس اسرائيلين فجر بصتله من فوق لتحت: بس يا بابا الكلام ده كخ رعد بصلها بغضب بدالته هي باستفزاز ملحوظه...... الشباب والبنات كانوا شبه متأكدين من اني اكون خالد في إسرائيل او ممكن فلسطين لانه الدكتور قال انه هو وتبارك هربوا من رفح فاكرين مراد: وليه ميقدرش يخرج اسيل اتنهدت بعمق: علشان فيه شريحة في دراع خالد تمنعه يخرج برا حدود البلد ولو حاول بتحصله صدمات كهربائية واخر مره حاول يخرج كان هيموت فيها وفهد: وازاي الشريحة دي اتحطتله اصلا؟؟؟! داليدا بصت على ولادهم: بلاش نشرح الحاجات دي واحنا كده محتاجه رواقه فارس: ليه أن شاء الله يكونش سر مثلا رسيل: بس يا فارس... وجهت كلامها لاسيل والبنات والمطلوب مننا رحيل: خالد بيقول انكم انتوا 7 الوحيدين اللي تقدروا تخرجوا الشريحه دي وبصراحه مش عارفه ليه واثق فيكم كده احنا حاولنا مع دكاتره عالميين بس كلهم فشلوا انهم يعرفوا يخرجوها علشان..... شمس قاطعتها وقالت بذكاء: علشان دي شريحه الكترونيه مش بس محتاجه جراح لا وكمان هاكر وبما اني اكيد بقالها سنين طويله محتاجة لكميائي شاطر علشان يعرف تأثيرها بعدين ومش بس كده ممكن الشريحة يكون فيها حاجة تبين موقعه يعني محتاجين تخرجوا برا البلد في أسرع وقت ممكن ابتسمت اسيل على ذكاء شمس وقالت: بالظبط جين: دلوقتي بس عرفت ليه عايزنا احنا بالذات فجر: هتقدروا تعملوا العمليه دي بجد عشق: انتي لسه شكلك متعرفيش احنا مين شغف: بس هنحتاج وقت علشان نجهز نفسنا غرام: لحظه بس انتوا بجد هتعرفوا تعملوا الكلام ده كله في وقت واحد دي محتاجة معجزه البنات بصوا لشمس: ما احنا معانا المعجزه فعلا داليدا: هتحتاجوا وقت قد ايه شمس بصت للبنات وقالت: 24 ساعه ونجهز شغف بصت حواليها بريبه وبدأت حاستها السادسه تشتغل ومالك قرب منها '' حاسه باي يا شغف '' شغف: حاسه اني احنا متراقبين في شخص تاني معانا مروان بص لداليدا والبنات اللي كانوا مركزين مع كلام شغف '' انتوا معاكم حد تاني '' البنات بصوا لبعضهم وقالت أسيل: لو اللي في بالي صح يبقى ليلتها مش معديه اسيل وقفت في نص الصاله وقالت بصوت عالي '' اظهري انا عارفه إنك هنا يا هتلر '' ليث: هتلر مين معلش ده مات من زمان وقرب يتحاسب هيدخل النار ولا الجنه ظهر صوت ضحك: ههههههه طب ما انتي هتضربيني لو ظهرت حلا مسكت في فارس برعب: بسم الله الرحمن الرحيم الحق يا فارس ده فيه عفريت في البيت اسيل: اطلعي يا هتلر احسنلك ورد: طب اديني الأمان طيب غرام نطت على ريان: ياماااااا عفاارييييت اسيل: اممم ليكي الأمان المكان سكت مره واحده وظهرت واحده من وراء طيف اللي كانت ماسكه في كتف رعد وخضتها "بووو " طيف بصراخ: عـــفـــريـــت ورد قعدت تضحك بصوت عالي والكل بصلها وشافوا بنوته لابسه كاب 🧢 ابيض وسلوبيت اسود
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اسيل مسكتها من قفلها وورد صرخت: علفكره انتي اديتيني الأمان اسيل هزتها: انتي جيتي ازاي ها ورد من الهز الكاب وقع فشدت نفسها من ايد اسيل بس اتكعبلت في السجاده وكانت هتقع بس مسكت في أول حاجه مسكتها ايدها وكان جاكيت ليث بس ليث معرفش يتوازن من المفاجأة فوقع الاتنين ورد من تحت وليث فوقيها رحيل وفجر في صوت واحد: احيه ~~~~~~~~~~~~~~~~ سؤال ايه رايكم في اسيل وتوقعاتكم هل هتكون شريره ولا Sabreen 🧡
