اسطوره النسل (أبناء الجارحي)

17- احـذر كـيـد النـسـاء

صلي على من بكي شوقا لرؤيتنا 🧡
كان الكل بيبص لجاد بصدمه وعدم استعاب لاي كلمه قالها
سيف: عيد تاني كده
جاد بهدوء شديد: اسيل تبقى مراتي
شمس: ازاي خالد مقالش حاجة زي دي
جاد: لأني لا خالد ولا اي حد يعرف
سيف بغضب: نعم تقصد ايه وبلاش يبقى اللي فهمته
جاد: سيف بيه اللي وصلك غلط انا واسيل اتجوزنا عند مأذون وانا عمري ما قربت منها
حسن بعدم فهم: اومال انت متجوزها ليه
جاد بشرود: انا كنت مسؤل عن 4 بنات في بيت واحد رحيل وفجر وداليدا اخواتي لكن اسيل لأ وكل ما تكبر اسيل كان لازم ابعد عنها بس هي كانت فاكره اني بفرق بينهم حصلت مشاكل كتير اوي في حياه اسيل اضطرتنا انا واسيل نتجوز وكمان انا وهي بنطلع مهمات كتير اوي مع بعض وده كان سبب من اسباب الجواز..... كمل بجديه وبعض التحذير كأنه ليس ذلك الشخص الهادئ الذي كان يتكلم ومتطلبش مني اني أطلقها لانه مش هيحصل
سيف ضيق عيونه: ليه
ورد ظهرت فجأه كده وقالت: علشان عاشق ولهان لبنتك يعني مش صعبه
الكل اتخض وقالت حياه: يخربيتك انتي طلعتي منين
جاد: مش هتبطلي العاده الهبله دي
ورد: ابدا ابدا
أما برا كانت اسيل بتحاول تسمع اي حاجة بس مفيش فايده
آسيا: هو محدش قالك اني التجسس حرام
اسيل: بس يا بت اسكتي يارب ما يقولهم حاجة يارب لو ناوي يقولهم يتخرس
رحيل: انتي بتشتمي عليه ليه
غيث بضيق: وانت مضايقه ليه
رحيل بغيظ: وانت بتتدخل ليه
فجر بضحك: يا اولاد الايه حلوه دي
داليدا: اسيل اقعدي على جنب جاد مش هيقول حاجة
اسيل: مضمنهوش بصراحة
جاد بسخريه من وراها: بعد السنين دي كلها مش ضمناني
اسيل بصتله وبصت لسيف بس ورد عملت علامه بأن الموضوع تمام بس اسيل من خوفها مفهمتش قصدها تمام عرفوا ولا تمام محدش عرف بحاجة
جاد: جهزي نفسك علشان هنسافر بكره الصبح
اسيل: على فين كده بالصلاه على النبي
جاد: مهمه جديده لينا
فجر بغيظ: مهمه ايه يا عم الحج ما انت لسه راجع من مهمه واحنا مبقاش لينا 10 ايام طالعين من مهمه ما ترحموا امي الميته بقى
جاد بتحذير وحده: صوتك عالي يا فجر
فجر خافت: مين انا.... انا صوتي عالي بقى انا صوتي عالي يا رحيل
رحيل: لا يا ضنايا مش انتي
رعد بص لجاد بغضب وجاد رفع حاجبه بعدم فهم بس مهتمش
'' هاروح انا واسيل بكره وداليدا والتافهين دول يجوا بعد 24 ساعه من سفرنا احنا ''
ورد ببلاهه: طب وانا يا باشا فين محلي من الإعراب ده
جاد/ اترزعي هنا
ورد بغضب: رزعه اما ترزعك
جاد: صحيح فين البنت ميرال
ورد: يا ادي النيله يا عم مش هنا ومش هتيجي دلوقتي
جاد :ماشي... وبص لسيف ينفع انام
سيف بصله بغموض: ماشي هتنام في البيت ده
جاد استغرب نظره الغموض تمام
            ~~~~~~~~~~~~~~~~
بعد شويه كان واقف جاد في البلكونه دلوقتي بس فهم ليه نظره الغموض اللي كانت في عيون سيف وهو بيقوله انه هينام هنا ده لانه اسيل هتنام في بيت سيف حس بحد خبطه بخفه على كتفه
'' ايه يا باشا واقف سرحان كده ليه ''
جاد: ايه يا عم انت فيه حد يدخل كده وبعدين انت اصلا دخلت ازاي
مصطفى: عيب يا ذئب ده انا الكينج.
جاد ضحك بعدم تصديق: انا عمري ما كنت أتوقع اني الاقيك هنا خالص
مصطفى: شوفت انه القدر نبقى احنا صحاب ومنعرفش اننا طول الوقت ده كله قرايب
جاد: بس احنا مش قرايب
مصطفى: يا سلام مش انت جوز اسيل وانا جوز آسيا.... واسيل وآسيا اخوات يبقى قرايب اهو
جاد سند بضهره على السور: دلوقتي بس عرفت ايه سر الشبه اللي بينك وبين خالد
مصطفى بغيظ: اه صح فكرتني... مسكه من هدومه وقال بقى انت كنت عارف مكان اخويا لأ وكمان عايش معاه ومقلتليش
جاد ضحك وقال: وانا اعرف منين وبعدين انت لو كنت شوفت اسيل ولا حتى انا شوفت مراتك كانت كل حاجة هتوضح بس ربنا عايز كده
مصطفى: ده ايه الإيمان والتقوى اللي نزلوا عليك مره وحده دول
(طبعا انتوا مش فاهمين اي حاجة فأي حاجة انا هفهمكم جاد ومصطفى اتقابلوا في مهمه بس كان جاد لوحده وبرضو مصطفى لوحده والاتنين عرفوا عن بعض انهم عربيين فاتصاحبوا وعملوا كام مهمه مع بعض بس كده 🙃)
جاد: مقولتش برضو ايه اللي جابك
مصطفى: صاحبي يا جدع
جاد: يا سلام
مصطفى: وحيات الحج عبد السلام المهم رمضان كريم
جاد ابتسم وبص للنجوم وقال مصطفى: مقولتش انت هل بتحب اسيل
جاد بصله: سيف هو اللي بعتك
مصطفى: لا وبالمناسبه لو بتحبها احب بشرك اني سيف حمي شرير
جاد: الله يبشرك بالخير
مصطفى: يارب يا اخويا هو حد يطول
           ~~~~~~~~~~~~~~~~
نروح عند ورد اللي كانت في المطبخ بتشرب مياه بس إذ فجأه كده لقيت اتنين دخلوا مره واحده
ورد بفزع: ايه فيه ايه التتار هجموا ولا ايه
لين: بس يا بت هتفضحينا
ورد: خضتوني فيه ايه
غرام: عملتي خطه
ورد بغباء: خطه ايه لا مؤاخده
لين: دي فقدت الذاكره
غرام ضربتها على دماغها بغيظ: خطه اني عمار الجذمه ده ينطق لاني خلاص جبت أخرى منه
ورد: خلاص طب من غير ضرب نسيت الله ثواني بس اتصل بواحدة تفهم في الموضوع اكتر مني
لين: مين دي
ورد اتصلت على جيسي وقالت: ميرال يا كلبوبه الكلاب
جيسي استغربت شويه بس فهمت اني جنبها حد علشان كده نادتها ميرال
'' عايزه ايه يا به وانجزي علشان نضحك فاضيه''
ورد: ليه بتعملي ايه
جيسي بخبث: بعمل مقلب
ورد: ماشي ابقى صوري وابعتيلي المهم عندنا هنا واحده عايزه الاكس بتاعها ينطق ويقر بحبه ازاي نخليه ينطق بقى
جيسي: سهله خالص الغيره تخلي اي راجل او ست ينطق
ورد: ودي نعملها ازاي يا باشا
جيسي: اممم شوفي لو حد معجب بالبنت دي وخليها تتكلم معاه قدام الاكس او تضحك بصوت عالي كده فيغير
لين: طب قوليلها على طريقه مختلفه كده ليا
ورد: عندنا واحده تانيه عايزه طريقه تانيه
جيسي بغيظ: وانا شغاله في توزيع الخطط ولا ايه
لين: معلش يا اخت ميرال هنتعب دماغك معانا
جيسي: ماشي على اي حال الغيره برضو خليها تلبس قصير او ضيق اي حاجه تخليه يتلحلح كده ومن غير سلام
جيسي قفلت وورد بصت للتليفون بغيظ: واطيه... بصت لغرام ولين ها فيه حد معجب بيكي ولا نأجر كومبارس
غرام بتفكير: لا تقريبا فيه واحد
لين باستغراب: مين ده
غرام: باسم يا بنتي
لين: اه تصدقي صح
ورد: طب اشطا شوفوا باسم ده لو عايز يتقدم قولي انك موافقه يتقدم وخليه يجي هنا
غرام بفزع: يتقدم ايه افرض بابا وافق ادبس انا
ورد: يا هبله اولا ابوكي اظن عمره ما هيوافق لو انتي مش موافقه ثانيا انتي هتقولي لباسم اني دي لعبه
غرام بضيق: ما احنا كنا بنلعب بمشاعر باسم
لين: نلعب بمشاعره ليه يا اختي وبعدين انتي عارفه ومتاكده اني باسم مش معجب بيكي ده مجرد انبهار بس
غرام: اوف خلاص ماشي بكره بقى نقول لباسم
ورد: طب يلا ياما انتي وهي وسعوا كده عايزه اروح انام
           ~~~~~~~~~~~~~~~~
أما عند اسيل كانت رايحه جايه في الاوضه وآسيا وليث قاعدين على السرير لحد ما آسيا رمت مخده على اسيل بغيظ وقالت
'' ما تتهدي بقى عقلي عمل ايرور بسببك ''
اسيل: اوف انا حاسه اني عقلي انا اللي هيقف من كتر التفكير
ليث: هو انتي خايفه جاد يقول ليه لسيف انا مش فاهم
اسيل بصتلهم بتوتر لاني الحاجه اللي جاد يعرفها لو خرجت ممكن تحصل مصيبه على دماغها للأسف اتكتب يبقى عندها ماضي وحش وفيه ذكريات سوداء
ليث: بقولكم ايه انا رايح انام علشان عندي جامعه بكره تصبحوا على خير
اسيل وآسيا: وانت من اهله
آسيا بصت لاسيل وقالت: ها بقى تيجي ندردش دردشه بنات
اسيل اتنهدت وقعدت جنبها: عايزه تسألي عن ايه
آسيا: جاد يبقى ليكي ايه
اسيل بهدوء: جوزي
آسيا بصدمه: هولي شيت ده بجد ده ولا هزار
اسيل: لا بجد
آسيا شدتها من هدومها: امتي ده مقولتيش ليه ها ما تردي
اسيل: هو انتي سايبه فرصه ارد ابعدي شويه
آسيا: بعدت اهو انطقي بقى
اسيل: بصي هو الموضوع معقد لاني انا وجاد اتجوزنا في ظروف غريبه بطريقة أغرب
آسيا بصتلها بطريقه غريبه: انتوا متجوزين عرفي ولا ايه
اسيل: لا طبعا
آسيا بغيظ: اومال ايه
اسيل حطت ايدها على رأسها بتعب وآسيا حست بالحزن عليها
'' طب خلاص متضغطيش على نفسك لما تبقى عايزه تحكي انا موجوده دايما ''
اسيل ابتسمت لكون اني آسيا فهمت انها مش عايزه تتكلم فعلا بيعرفوا يفهموا بعض بسهوله
'' شكرا يا آسيا ''
آسيا/ عيب يا بت ده احنا اخوات ومش اي اخوات ده احنا توأم دقيقه بس اروح اشوف يوسف نام ولا لأ
           ~~~~~~~~~~~~~~~~
عند سيف وشمس
شمس كانت نايمه على السرير وبتبص للسقف بشرود غمضت عيونها وهي بتفكر لحظات من الماضي
Flash back
سيف كان قاعد على الكنبه في الصاله وشمس في حضنه بحيث انه ضهرها كان لصدره وكان الاتنين بيتفرجوا على فيلم وكانت شمس وقتها في نص السابع
جات لقطه ولاده البطله وكان البطل شايل ابنه بفرحه
سيف حط ايده على بطن شمس وقال: علفكره احنا لحد دلوقتي مخترناش اسم
شمس بتفكير: نختار اسم فيه حرف احنا الكل مشتركين فيه
سيف: فكر شويه وقال حرف الياء
شمس: بس انا معنديش حرف الياء
سيف: اومال الياء في مليكه تبقى ايه
شمس: اه صح تصدق
سيف بضحك: بقيتي غبيه اوي اومال فين الذكاء الرهيب اللي كان عندك ولا ده تأثير الحمل مش اكتر
شمس اتعدلت: بقى انا بقيت غبيه
سيف: اه وبقيتي تخينه
شمس شهقت: هاااااا نهارك اسود وبتقولها في وشي كمان طب طلقني يا سيف انا مش هقعد على ذمتك ليوم واحد كمان
سيف ابتسم وحضن وشها ما بين ايديه: واهون عليكي يا روحي
شمس بتذمر: اه تهون
سيف: طب تعرفي انا لقيت فكره حلوه نسمي بيها بنتنا احنا ناخد من كل واحد حرف يعني مثلا الميم من مليكه وشمس فيها ميم برضو اهو والياء مني انا والالف من آسيا واللام من ليث وكمان عند اسيل اممم الاسم هيبقى ايه لاما تقريبا
شمس: يع ايه الاسم ده
تليفون سيف رن فرد وقال: الو
سيف ملامحه اتقلبت: نعم بتقول ايه يا عمر ازاي ده يحصل طب طب اقفل انا جاي
شمس: فيه ايه
سيف شد شعره لوراء: مشكله في المصانع
شمس: طب روح مينفعش تسيب عمر لوحده
سيف: ولا ينفع اسيبك لوحدك
شمس: يعني هيحصلي ايه وبعدين يابا ده انا الشيطان مش اي حد
سيف ابتسم وباسها بخفه: طب يا شيطان باشا خلي بالك على نفسك وعلى بنتنا
شمس: هو انت بتحبها اكتر مني ولا ايه
سيف ضربها بخفه على جبينها: يا هبله طبعا بحبها.... كمل بضحك لما شافها كشرت بس بعشقك انتي..... سلام
شمس: سلام
سيف مشي وشمس حطت ايدها في وسطها وبصت حواليها
'' يعني كان لازم اودي آسيا وليث عند ماما اكلم الحيطان انا دلوقتي... بس لقيتها اما اروح أشوف اسم من الحروف اللي جمعناها دي اممم ممكن ميلا لا مش حلو.... ميا لا اجنبي بزياده بس لقيتها طب ما كده لازم نضيف حرف خامس بس هو اللى هيلم الليله دي كلها والاسم هيبقى....
الباب خبط وشمس استغربت: هو سيف نسي تليفونه ولا رجع في كلامه
شمس فتحت الباب ولقيت قدامها شاب غريب اول مره تشوفه
'' انت مين ''
ابتسم الشاب ده: اسمي جاسبر
شمس: يا سلام مين برضو
فجأه شمس لقيت كره بتتدحرج ناحيتها بس قبل ما تاخد اي رد فعل كان جاسبر حقنها بمخدر في رقبتها وشمس فقدت الوعي
دخلت آمنه وبصت لشمس ولبطنها بشر: وحق العلامه اللي عملتيها في وشي دي لاحسرك على بنتك يا شمس
Back
شمس ابتسمت وهي مغمضه عيونها لما حست بقبلات صغيره على وجهها من سيف... فتحت عيونها وبصتله بعيونها الزرقاء
سيف: ايه العيون الساحره دي
شمس: مش اجمد من عيونك الحلوين دول تعرف لو ليث كانت عيونه رمادي كان هيبقى فعلا النسخه رقم 4
سيف: بقولك ايه ما تخرجي لوسيفر
شمس رفعت حاجبها وقالت بنبره أشبه بالردح
'' ليه يا ضنايا ومالها شمس مش عجباك انا ولا ايه ''
سيف بضحك: لا عجباني بس لوسيفر جريئه اكتر منك
شمس: انت عايز قله ادب صح
سيف: صح
شمس زقته: طب لا انا ولا لوسيفر ولا حتى مليكة وروح نام عند ابنك انا عامله إضراب الليله دي
سيف بخبث: خلاص انا اروح انام مع بناتي
شمس بخبث أكبر: روح وانا اروح انام في حضن ليثي ابني وقره عيني
سيف بصلها بغضب وغيره أراد استفزازاها فاستفزته هي صدقوا عندما قالوا احذر من كيد النساء
سيف: لا انتي ولا انا ولا هخليكي تنامي الليله دي يا شمس
           ~~~~~~~~~~~~~~~~
في طائره متجهه الي سويسرا
كانت قاعده اسيل وبتبص للغيوم من الشباك ابتسمت وهو بتفتكر التوصيات اللي وصاها سيف لجاد وأنه يخلي باله عليها وقررت انها اول ما ترجع من المهمه دي مش هتبعد عن حضن ابوها تاني كفايه بعد لحد هنا.... غمضت عيونها بوجع تسترجع ايام ماضيها في أمريكا
Flash back
في إحدى الحانات دخل جاد وهو بيدور بعيونه في المكان لحد ما لقاها قاعده على البار وفي ايدها كأس وعيونها خاويه من اي مشاعر اتنهد بوجع وراح ليها
'' اسيل ''
اسيل بصتله بسكر ودون وعي: ايه ده انت هنا هو انت ليه كل يوم بتيجي
جاد بص للبسها بضيق كانت لابسه جيب ابيض قصير وبوت اسود وقميص بنفس اللون
خلع الجاكيت بتاعه ولبسه ليها وهي حاولت تبعده
'' الجو مش برد اوعي ''
جاد بغضب وصوت عالي: فوقي يا اسيل وقومي معايا
اسيل بدون وعي لكلامها: اششش متزعقش فيا مش انت كمان هتزعق فيا قبلك كانت آمنه هانم ولا الراجل بتاع الكشك ولا مديره الميتم هههههه تخيل انا كنت في ميتم وابويا وامي عايشين ههههههههههه بس هما فين دلوقتي رد عليا يا جاد هما فين سابوني ليه تؤ تؤ هو اللي سابني اما هي رمتني في الشارع ولا اكني حته منها وبنتها.... كملت بضحك ودموع ههههههههه انا كنت ببكي كل يوم يمكن حد يجي جدي او هي أو ابويا حتى آسيا بس محدش جيه محدش فكر فيا نسيوني يا جاد
جاد قومها من على البار ومشى بيها ناحية العربية ودخلها فيها ودخل هو كمان بس اسيل طلعت تاني
'' اسيل اركبي ده مش وقت لعب ''
اسيل بسكر: امشي يا جاد انا مش ماشيه دلوقتي
جاد نزل بعنف ومسكها من دراعها بقوه وصرخ فيها يمكن تفوق
'' كفايه بقى حرام عليكي نفسك وصحتك انتي بتعملي في نفسك كده ليه ''
اسيل بدموع :علشان تعبانه تعبانه ومحدش حاسس بيا ولا بالنار اللي جوايا تعرف في الجامعه الكل بيحسدني على جمالي هههههههه فاكرين اني عايشه حياه حلوه وسعيده دول فاكرين اني العالم وردي عندي وهما مش عارفين ولا حتى 1% من الوجع اللي جوا قلبي سمعت اني الخمرة بتنسي هههههههه بس لا اتضح انها بتخليني افتكر كل حاجة سوداء في حياتي انا في بلد مش بلدي بعيش حياه مش حياتي في حين اني آسيا اتجوزت وعايشه حياتها مبسوطة ونسيتني نسيت توأمها قدرت تعملها ازاي..... كملت بصراخ وقهر رد عليا قدرت تعملها ازاي وانا اللي كنت بفكر فيها ليل ونهار واقول يا ترى حصلها ايه يا ترى لسه عايشه يا ترى هشوفها تاني حتى ابويا سيف باشا الجارحي اتجوز وخلف تاني ولا اكنه عنده بنت تانيه بس تعرف الغلط مش على ولا واحد فيهم الغلط على آمنه هانم اللي سابتني من يوم ما ولدتنا وجات بعد 4 سنين علشان تدوقنا الويل يا اخي يا ريتني كنت مت وهي بتولدني بدال العذاب اللي انا عايشه فيه ده
جاد: العذاب ده انتي اللي حابسه نفسك فيه انسي بقى علشان تقدري تعيشي
اسيل ضحكت بسخريه: انسي هههههه انسي ايه ولا ايه ولا ايه انسي اني عمري ما شوفت ابويا ولا حتى حضنته انسي اني امي رمتني في الشارع انسي اني كنت بمشي في الشوارع وانا بموت من البرد والجوع ومحدش حاسس بطفله عندها 4 سنين ماشيه لوحدها في نص الليل انسي الضرب والإهانة والذل اللي كنت بتعرض ليه وانا في الميتم انسي اني علشان غلطه بسيطه قلبت طبق الاكل بتاعي بالغلط والله بالغلط اتحرمت اليوم كله من الاكل ولو عقلي نسي العلامات اللي في جسمي دي من الحروق والجروح اللي كنت بتعاقب بيها هتفكرني.... كملت بدموع انسي اني توأمي نسيتني انسي اني الست اللي اسمها امي رجعتني علشان تبتز ابويا وتخلي اختي تعيش في خوف انسي ايه يا جاد انسي ايه
جاد حضنها وعيونها دمعت علشانها وهي انفجرت في العياط في حضنه
'' انا بموت بالبطء حتى الموت مش عايز يجي ''
جاد ملس على شعرها وزي كل ليله بتروح الملهى وتفضل تشرب لحد ما يغمى عليها في مره او تنهار زي النهارده وفي الاخر تنام
جاد شالها ورجعها العربيه تاني وساق للبيت وبص لاسيل وهي نايمه
'' هرجعك زي ما كنتي يا اسيل وده وعد مني ليكي ''
Back
اسيل صحيت واتضح انها نامت وشافت قدامها جاد وهو بيبصلها بقلق
'' اسيل انتي كويسه ''
اسيل بعيون ضائعه: كان معاك حق انا اللي بعذب نفسي
جاد فهم انها كانت بتحلم بذكريات زمان: ده كان كابوس اهدي
اسيل بتعب: ده مش كابوس ده واقع
جاد: ماضي ده ماضي وخلاص راح
اسيل بقلق وتوتر: ااانت قولت لبابا على اللي حصل واني كنت بشرب وانك انك
جاد اتنهد: مقدرتش اقوله
اسيل: متقلوش يا جاد
جاد: بس هو لازم يعرف
اسيل بخوف من اني سيف يبعد جاد عنها: لا مش لازم متقولش له ارجوك
جاد ملس على شعرها: خلاص مش هقوله اهدي انتي بس وجهزي نفسك لازم المارد ترجع
اسيل ابتسمت: هترجع كفايه خمول لحد دلوقتي
           ~~~~~~~~~~~~~~~~
في كليه الطب جامعة القاهره
كان قاعد ليث على العشب وساند ضهره على شجره وكان ماسك في ايده كتاب وبيقرا فيه بس سمع صوت كده زي بسبسه فبص حواليه باستغراب بس لقى كل حاجة طبيعية فرجع تاني يقرأ بس الصوت على اوي بس لحظه هو جاي من فوق رفع رأسه وشاف ورد قاعده على فرع الشجره وبتهز رجليها بطفوله
'' اهلا اخيرا بصيت فوقيك ''
ليث بخضه: يخربيتك انتي بتعملي ايه فوق
ورد: باخد دش
ليث: انتي بتستهبلي
ورد بضحك: بصراحة لقيت نفسي فاضيه قولت اما اخضك وبالمره اخد لفه في جامعه القاهره
ليث: تاخدي لفه ايه وبعدين انتي ازاي دخلتي الجامعه اصلا عديتي ازاي من الأمن
ورد: لا عيب عليك ده انا هتلر يا ابني المهم تعرف تتلقف
ليث: اتلقف
ورد: اه..... هوبااا
ورد نطت بس وقعت على ضهر ليث: اااااااااه منك لله
ورد: اخيييي طلعت مش بتعرف تتلقف بس على الاقل محصليش حاجة
ليث بصراخ: قومي من عليا الله ياخدك
ورد: ولاه متزعقش فيا يلاه
ورد قامت وليث مسك ضهره: يخربيتك ده انتي المفروض تخسي
ورد: اخس ايه وبعدين انت مالك ان تخنت ملبن وان خسيت غزال
ليث بسخريه: طب يلا يا غزال هش من هنا قبل ما تحصل مصيبه بسببك
ورد مهتمتش بكلامه وبدأت تتمشى: هي دي بقي جامعه القاهره اممم دي كليه ايه بالظبط
ليث: واضحه على فكره ما الناس كلها ماسكه بالطو
ورد: ما كليه الطب البشري والبيطري حتى الصيدلي بيلبسوا بالطو
ليث: اه فعلا مأخدتش بالي عامه دي كليه طب والحمد لله
ورد شاورت على كافية الجامعه وقالت: ودول بيخالفوا الشريعه ولا ايه
ليث ضربها على رأسها: لا يا هبله بس فيه طلاب مسيحين
ورد: اه صح نسيت الا قولي بقي هي كليه الهندسه منين
ليث: وده ليه أن شاء الله
ورد: وانت مالك
ليث بغضب: بت اقسم بالله المره الجايه هضربك
ورد كانت هتتعصب عليه بس لوهله خافت منه متعرفش ليه بس لقيت نفسها بتقول
'' خلاص يا عم متقفش كده قولي بقي منين ''
ليث زفر بضيق: تعالي
كان الاتنين في اتجاههم لكليه الهندسه وكانت ورد بترغي وليث بيستمع ليها بس سمع مجموعه من الشباب كانوا عدو من جنبهم وقال واحد منهم
-ايه ده ايه ده هما الأجانب بيتعلموا هنا ولا ايه بس جامده
-اوبا على الأشقر ده يا ناس
ليث وقف وشعر بغضب الدنيا أمامه لانه عرف هما بيعاكسوا مين لاني مفيش واحدة شقراء في المكان ده كله غير..... ورد
           ~~~~~~~~~~~~~~~~

Sabreen 🧡