اسطوره النسل (أبناء الجارحي)

6- تـلـبـك مـعـوي

صلي على من بكي شوقا لرؤيتنا 🧡
فجر ورحيل في صوت واحد: احييييه
ورد بصراخ: اااااااااه عماره وقعت عليا قوم من عليا
ليث بص لعيونها الذهبيه بسرحان نفس العيون اللي كانت في الحلم
ورد بغضب: هتفضل مبحلق كده كتير قوم من عليا
ليث فاق وقال بغيظ: مبحلق ايه يا معفنه وانتي فيكي ايه يتبحلق فيه
ورود بصتله بغضب شديد: كده طب استحمل
ورد زقته جامد لدرجه اني ليث ضهره اتخبط في الانتريه
'' اااااااه يخربيتك انتي جايبه القوه دي منين ''
شمس همست لسيف: سيف شوفت الموقف ده فين قبل كده
سيف بنفس الهمس: لما كنا في قنا ووقعت عليكي
ورد قامت وبصت لآسيا اللي كانت بتبصلها
'' ايه يا اسيل متبصليش كده انا جيت وخلاص خلص الموضوع مش هرجع تاني و....
آسيا: اسفه للمقاطعه بس بصي وراكي كده
ورد بصت لقيت أسيل بصالها برفعه حاجب فقالت ورد بغباء
'' لا مستحيل تبقوا شبه بعض للدرجه دي ''
اسيل: انتي ايه اللي جابك
ورد بتمثيل: أخص عليكي يا ماما بقى حد يقول كده لضناه
الكل بصدمه: ايه امك
اسيل مسكتها من قفاها: ماما ايه جاتك مو بقى انا اخلف شحطه زيك
ورد: انتي تطولي اصلا يا بايره
اسيل بملل: جيتي ازاي
ورد بلا اهتمام: مش انا عفريت اعمل اللي عايزاه بقى
لين بصراخ: اقسم بالله كنت متأكده انها عفريت
سيف: بس بقى اسكتوا ومين البنت دي هي دي بنتك فعلا يا اسيل
اسيل :بنت مين لا مواخذه دي عندها 17 سنه هخلفها مثلا وانا عندي 14
ورد بصت للشخص ده وقالت بذهول: ايه دااااه ده فيه نسخه تالته منك بس راجل بس تصدقي مز فين بقى خالتكم اللي احنا جينا علشانها
فجر شاورت على جين: اهي
ورد بصت عليها وشهقت بصدمه شديده: هاااااا نهار ابيض لا ابيض ايه نهار كحلي واسود وبني وكل الألوان الغامقه جين الزيان خالتكم تبقى جين الزيان
داليدا: انتي تعرفيها ازاي
ورد بصت جنبها ورمشت بعدم استيعاب: وشغف السيوفي احيه ورسيل الشرقاوي وعشق القناوي وديانا البحيري هاااا نهار مش فايت وملك الألفي كمان ده التجمع كله هنا
وبصت على شمس وحياه وعيونها وسعت بصدمه أشد وفضلت باصه ليها فتره كبيره وهمست بصدمه
'' مليكه الألفي وحياه اكارسو ''
شمس بصت لعيونها بتركيز وحست انها شافت العيون دي قبل كده 
حسن: انتي تعرفيهم
ورد بدلت ملامحها المصدومة ببراعه وقالت بمرح
'' مش معرفه شخصيه بس هل يخفي القمر مثلا وبعدين ده مين الحمار اللي ميعرفهمش عامه معكم هتلر ''
ليث بسخريه: هتلر الله يرحمه مثلا
ورد بصتله بضيق شديد: بغض النظر عن سخريتك انا مش هرد عليك
أسيل شدتها وقالت: يلا علشان ماشيين
سيف وقف بسرعة: ماشيين فين
رحيل: هنجهز كام حاجة قبل 24 ساعه ما يخلصوا وراجعين تاني
جين: هترجعوا امتا
فكر: اممم مفيش وقت محدد بس هنرجع سلام
ورد فلتت من أسيل/ ثواني هجيب الكاب
ورد جابت الكاب اللي كان واقع تحت البنات ورفعت رأسها وقالت بهمس
'' ليا شرف كبير اني شوفتكم انتوا 7 هحاول ارجع بسرعه سلام يا شياطين ''
ورد مشيت معاهم والبنات بصوا لطيفها بصدمه ازاي البنت دي عارفه اساميهم واحده واحده وكمان اسم شمس الحقيقي ده ليث ميعرفش لحد دلوقتي اني امه اسمها مليكه والادهى من كده عرفت ازاي انهم الشياطين وهما وقفوا شغلهم من قبل حتى ما البنت دي تتولد
مراد: فيه ايه مالكم مبلمين كده ليه
عشق: ها لا مفيش
احمد: هو انتوا بجد تعرفوا تعملوا اللي قالوا المجانين دول عليه
شمس وقفت: يلا يا بنات
آسيا: على فين
شمس بغموض: على مشوار كده... قربت من ليث وقالت وانت يا استاذ طريقتك في الكلام مع اختك معجبتنيش مينفعش تتكلم معاها كده ولا انتي يا كبيره يا عاقله
آسيا: شمس دي توأمي وانا عارفه كويس هي بتفكر في ايه وعارفه كويس برضو هتيجي ازاي
سيف بتعب: مش بالشدة يا آسيا
ليث: ولا حتى باللين يا بابا اللي شوفتوا في نظره عيونها كانت قسوه مش هتيجي باللين ابدا
آسيا قربت من سيف وقالت/ اسيل اتغيرت وانا هعرف ازاي ارجعها وعد يا بابا ارجعهالك اسيل بتاعت زمان
           ~~~~~~~~~~~~~~~~
أما عند ورد والبنات كانوا في المطار
أسيل: داليدا متتاخريش
فجر: اسافر معاكي
داليدا: لا هاقدر لوحدي
رحيل: خدي بالك من نفسك يا داليدا
داليدا حطت نضارتها السوداء على عيونها وقالت ببرود
'' سلام ''
أسيل: يلا يا ورد.... ورد
أما ورد كانت مكنتش معاهم خالص كانت بتفتكر زمان لما كان عندها 7 سنين والفيديوهات والصور اللي شافتها عمرها ما كانت تتوقع انها ممكن تقابلهم يا ترى لو حد عرف انها وصلت للشياطين لا وكمان اتكلمت معاهم هيعملوا ايه لا لا مستحيل حد يعرف
اسيل ضربتها على دماغها: اااااه فيه ايه
اسيل: فيه اني بقالي ساعه بنادي عليكي
رحيل: انتي تعرفي منين أسمائهم يا ورد
ورد: عيب عليك ده انا هتلر
فجر بغباء: ايوه منين برضو
ورد: أسرار
رحيل بغيظ: والله انا بكره الكلمه دي بسببك كل حاجة أسرار أسرار أسرار
ورد بتمثيل لأحد افلام الكرتون: بعض الأسرار يجب أن تبقى أسراراً
فجر: سيبك من الهبله دي ناويه علي ايه يا اسيل
أسيل ببرود: ناويه علي ايه في ايه
فجر: بلاش برود انتي عارفه كويس بتكلم على ايه
رحيل: بلاش تنكري وجودهم يا اسيل على الاقل عند عيله غيرك معندوش
اسيل اخدت نفس عميق: انا رايحه اسكندرية
اسيل مشيت او بمعنى هربت من اسئلتهم
فجر: طب هنعمل ايه احنا دلوقتي
ورد: نروح ناكل أكله مصريه حلوه كده مأكلنهاش قبل كده
رحيل: اعتقد فيه اكلات كتير
فجر: اه خالد بيقول فيه كشري وبتنجان مخلل وحاجة اسمها طعميه واه فول مدمس تقريبا ورنجه او فسيخ مش فاكره حاجه تاني
ورد: يبقى نجربهم كلهم ها بنا
(نصحية اخويه بلاش يا فوزي)
           ~~~~~~~~~~~~~~~~
في مكان بعيد جدا
فيه إحدى الدول الأوروبية وبالتحديد في بيت من البيوت كان ذالك الوسيم المز ابن الايه بشعره الأسود وعيونه السوداء يجري على آله الجري ويزود السرعه من حين الي آخر وعروق يده بارزه من كثره المجهود ويتنفس بصوت مرتفع وقف الآله ومسك فوطه وبدأ يمسح العرق وبعدها اخد دش وخرج وهو بينشف شعره في الوقت اللي التليفون فيه رن فمسكه وشاف المتصل وقال باستغراب
'' أسيل ''
..................................
ستوووب ودي آخر مره خلاص شطبنا احم تعالوا نتعرف على كراشي التاني ده
جاد سالم الشيخ
37 سنه شعره اسود وعيونه سوداء حاده شخصية هادئه لكن احذر عندما يغضب لا يرى من أمامه يكون اخ رحيل الكبير يعتبرها ابنته لا اخته هي وفجر وداليدا يعمل في المخابرات الفيدراليه ويلقب بالذئب الوحيد الذي تستمع له اسيل فهو لديه قدره رهيبه في الإقناع وهو الذي انقذ أسيل من الموت (وهنعرف ده بعدين )