اسطوره النسل (أبناء الجارحي)

الحلقه الخاصه الاخيره ♥️

صلى على من ولد يتيما ♥️
في جامعه عين شمس كانت تسير فتاه محجبه وهي تزفر بضيق شديد وتضع يدها فوق جبينها تحاول منع اشعه الشمس الحارقه هذه الا يكفي ان اليوم هو أول أيام رمضان وهي تشعر بالجوع والعطش الشديد اصطدمت بفتاه فكادت ان تقع لكن امسكتها الفتاه بسرعه
-حاسبي يا ياسمين

استندت ياسمين عليها حتى لا تسقط لتنظر لها بعيونها البندقية بضيق فهي قد ورثت العيون من عدي اما الشعر الأسود الذي تخبأه أسفل حجابها ورثته من ديانا فهي عكس طيف في الشكل رغم التشابه بينهما في الملامح
-ايه يا غلا ده يا غلا

قطبت غلا جبينها باستغراب: فيه ايه
ياسمين بغيظ: الجو حر
غلا بضيق: وانا اعمل ايه اقول للشمس ضلمي يعني
ياسمين: يا ريت والله الساعه كام دلوقتي
غلا: المحاضرة هتبدا يلا

سحبتها ياسمين من ذراعها قائله بحنق: استنى البندانه شويه لقدام يا اختي خبي الكام شعره دول ده احنا حتى في رمضان
غلا بدهشه :انتي بتغيري يا ياسو
ضربت ياسمين كف على الآخر: لا حول ولا قوة الا بالله يا بنت الروايات هتلحس دماغك انتي ملقياش البطل المتملك في الحياه تجي ليا انا وتقولي انتي بتغيري

وضعت غلا يده على خدها بحسره: طب اعمل مفيش ولا فهد الفهود في اي بني آدم بشوفه
تحركت الاثنين نحو قاعة المحاضرات: وانتي ايه اللي يخليكي تفكري في فهد الفهود اكل الأسود اللي بيعشق اللون الاسود قد عنيه ويا عيني عنده عقده من الستات يا اما مراته خانته يا اما امه محضنتوش ابدا وبيطلع العقده دي على البطله المجنونه ام شعر طويل سايح ونايح وبشره حليبيه

جلست غلا في البيدج الأول قائله بضحك
-اومال ابص لايه او احلم بايه ما نص البنات كده للأسف
وضعت ياسمين حقيبتها قائله بهدوء: للراجل اللي يتقي ربنا فيكي انا مش فاهمه ليه البنات بتحلم بواحد يتحكم فيها لدرجة الخنقة انا مش ضد الغيره ايوه الغيره حب بس لما تزيد بتجيب مشاكل

جلست زميلتهم وعدة فتيات بجانبهم فياسمين معروفه بكلامها المثقف ذو الطابع الديني والجميع يحبها ويحب سماع كلامها
-وانتي بالنسبه ليكِ مواصفات الزوج الصالح ايه يا ياسمين
ياسمين بجديه: يتقي ربنا ويخاف منه وبيتقي ربنا في اهله لما يعمل كده يبقى لازم هيتقي ربنا في مراته

تحدث شاب وهو يجلس في البيدج الآخر: طب وبالنسبه للبنت يا انسه ياسمين مش المفروض تتقي ربنا برضو
تحدثت ياسمين وهو يهز رأسه باسي: للأسف فيه بنات خالفوا الدين ودلوقتي الحجاب بقى شبه اللعبه في ايديهم
قالت هذه الجمله وهي تنظر إلى بعض الفتيات الذين بدأوا يعدلوا حجابهم بضيق لتقول أحداهما وهي تنظر إلى ياسمين

-ما تقيميني يا ياسمين عايزه اعرف ايه الغلط في لبسي
نظرت لها ياسمين من أعلى الي أسفل قائله بهدوء
-تعرفوا يا بنات ليه الحجاب ستره علشان لازم يخبي مفاتنك بالإضافة إلى اللبس الواسع مش مدخله الطرحة جوا البلوزه ومش حاطه ولا دبوس سايبينها كده مفتوحه ورقبتك باينه لا وكمان البندانه راجعه لوراء وحضرتك قاسمه شعرك نصين مش عارفه ليه بس اعتقد علشان يبينوا نعومة شعرهم والدين أمرنا نلبس لبس فضفاض وواسع مش ندخل البلوزه الضيقه جوا الجيبه الضيقه برضو ورافعه الجيبه لفوق ولابسه شراب اممم ده مش شراب اساسا ده مش واصل لكعبك حتى وده بغض النظر عن ريحة البرفيوم اللي طالعه منك دي