اسطوره النسل (أبناء الجارحي)

حـلـقـة خـاصـة 2

بصوا يا اخواتي الأحداث هنا هتبقى لما جيسي وايملي كانوا لسه حوامل اشطا
صلى على خير خلق الله
-اااااااااه
كانت هذه صرخت ليث عندما شعر بعضه قويه في يده ليفتح النور بسرعه ورأي زوجته المجنونه تمسك يده وتعضها
-في أي يا بت المسعوره سيبي أيدي هي ورك فرخه
تركت ايملي يده بتذمر: اصل طعمها حلو وانا جعانه
ليث: ياما انا مش هقعد في البيت ده انا رايح عن امي
ايملي بدموع: بقولك جعانه انت مش هامك اني جعانه شكلك زهقت مني ومبقتش بتحبني
تنهد ليث ببطء يعلم أن فتره الحمل هذه لن تمر مرور الكرام ابدا
-يا حبيبتي انا تعبت وربنا تعبت هو كل يوم اصحى في الفجر كده يا اما بتعيطي ياما هولد وانت اصلا لسه في الرابع ياما انا عطشانه ودلوقتي جعانه وعايزه تاكليني.
وقفت ايملي من على الفراش وهي تتخصر: قصدك اني نكديه
ليث بضيق: بدأنا في شغل الانفصام اهو
سحبت ايملي حقيبه سفر من الدولاب ليقول ليث بذهول
-انتي مجهزاها ولا اي
ايملي بغيظ: ملكش فيه
هبطت ايملي من على السلم وخرجت من الفيلا لتسمع صوت ليث من الشرفه
-علفكره ابوكي مسافر معندكيش مكان تروحيه
ايملي: هبات في الشارع ملكش فيه
دخل ليث بضيق ليبدأ في تغير ملابسه حتى يلحق بتلك المجنونه
-انا اي خلاني اتجوز واحده لاسعه بس ياربي
أما ايملي بعدما خرجت من الفيلا توجهت الي فيلا سيف التي تقع بجانبهم قليلا فهم جميعا يسكنوا في نفس الشارع وعندما دخلت وجدت جيسي تجلس هي واسيل التي بطنها مثل البطيخه أمامها فهي حامل في شهرها السادس وعندما رأي سيف ايملي تدخل حرك عينيه بضيق
-شرفت التالته
رمت ايملي حقيبتها بجانب حقيبة جيسي واسيل وجلست جانبهم لتقول نفس الكلمه التي تقولها في كل مره
-انا عايزه اطلق
سيف: والله انا ذات نفسي قررت اجيب مأذون واطلقكم انتوا التلاته وارتاح من الهم ده
جيسي بصدمه: هم بقى احنا هم يا بابا اااااااه قلبي اتكسر
سيف بغيظ: يعني هو طبيعي كل يومين تيجوا في وش الفجر هنا وتجيبوا شنط سفر ويا ريتها فيها حاجة دي فاضيه
تركت اسيل طبق المكرونه: لا مش فاضيه انا بتاعتي فيها حاجة حتى بص
فتحت الحقيبه وأخرجت منها شئ جعل سيف ينظر لها ببلاهه
-علبه مناديل انتي جايبه شنطه سفر قد كده وحاطه فيها علبه مناديل دي انتي لو حطتيها في شنطه كيارا هتضيع فيها
اسيل: اسمي جايبه حاجة
دخل ارسلان وبعده ليث وجاد ليقول سيف بترحيب مبالغ فيه
-اهلا اهلا بالبشوات اللي يسيبوا زوجاتهم يخرجوا الساعه 3 الفجر ده القرآن قرب يقرأ طب ليث واهبل يعملها عادي انتوا يا دكاتره يا عاقلين
جلس ارسلان وهو يرمق جيسي بغيظ: بنتك مجنونه وجننتني معاها
جيسي: شوفت يابا بيشتم ازاي
سيف: بس يا بت اقعدي على جنب وانت يا جاد معتقدش اني اسيل لا هبله ولا مجنونه
جاد بهدوء: الحمل خلاها لسعت يا سيف
اسيل بغضب: اي لسعت دي
هبطت شمس وهي تفرك في شعرها بنعاس: هو كل يوم ولا اي وانا اللي كنت فاكره نفسي هرتاح
جلست بجانب سيف قائله: انا بقول يا سيف نطلقهم احسن
ليث: اي يا شمس خليكي محضر خير
سيف: انا مش فاهم انتوا مش عاقلين ليه زي اختكم الكبيره ااا
لم ينهي كلامه الا ودخلت آسيا وهي تبكي وتجر خلفها حقيبة سفر
-بابا طلقني من مصطفى يا بابا ده بيخوني
فتحت اسيل ذراعيها قائله: تعالي يا توأمتي يا غاليه تعالي جنبي
سيف: كملت اهي بقولك اي انت وهو كل واحد يروح بيته وياخد مراته معاه ومشوفش وشكم غير يوم التجمع العائلي
جيسي: اي ده اي ده انت مش ابونا ولا اي اومال فين حنان الأب فين
ليث: الله حلوه الدراما دي
شمس: خلاص يا سيف خلي البنات يناموا هنا خلآص فاضل كام ساعه والصبح يطلع
مصطفي: بس كده انا اطمنت عليها سلام عليكم انا مروح
خرج مصطفى وترك آسيا فاتحه فمها بطريقه مضحكه
-اه يا واطي سابني ومشى وراح يخوني معاها
خرج جاد خلفه: معاه حق بصراحه انا ماشي علشان كيارا لوحدها في البيت
نظر ارسلان الي جيسي: قعدتي عند ابوكي سلام بقى
نظرت ايملي لليث وأشارت نحو الباب: حصلهم قبل ما يمشوا علشان متخافش تمشي لوحدك في الشارع
وقف ليث بغيظ: لا يا اختي مش هخاف على الأقل انام ومخافش اصحى الاقي نفسي متاكل
نظر سيف إليهم هم الاربعه وهم جالسون على اريكة واحده
-ارتاحتوا كده يلا كل واحده فيكم تتخمد
صعد السلم وهو يتكلم بغيظ: وانا اللي كنت فاكر لما يتجوزوا ارتاح وانا وشمسي نبقى لوحدنا اتاري في ازعاج كل يوم ينط عندنا
نظرت شمس لهن بضيق: ارتاحتوا كده لما عصبتوا
آسيا: الله طب احنا عندنا حد غيره نروحله
شمس/ وانتوا تسيبوا بيتكم ليه وتمشوا بلاش جو الخنقة دي يا آسيا طب هما حوامل وهرموناتهم متلخبطه انتي يا عاقله يا كبيره فين العقل اساسا
جيسي: يعني نعمل اي دلوقتي
شمس: كل واحده فيكم تروح على بيتها وسيبوا الشنط الفاضية دي هنا يلا منك ليها
وقفت اسيل بصعوبه بسبب حملها: طب هدي انتي بابا
شمس: لا متقلقوش على سيف انا هعرف ازاي اهديه
صعدت شمس الي سيف ووجدته في الحمام فجلست على السرير في انتظاره ليخرج بعد قليل
-اي مشيوا
شمس: مشيوا خلاص
جلس سيف على الفراش بضيق فاقتربت منه شمس وجلست في حضنه
-اي يا سيف زعلان ليه دول بناتك وانت عارف انهم مجانين
نظر سيف إليها وحرك يده في شعرها الذي لا يزال يحتفظ بلونه الياقوتي مع بعض الخصلات البيضاء
-تعرفي اول حاجه اخدت بالي منها لما اتخبط فيكي على السلم هو شعرك في الأول كنت فاكره صبغه بس قولت ازاي بنت عندها 10 تصبغ شعرها ده غير عيونك الزرقاء ههههه واللي كنت فاكرهم عدسات
شمس بتذمر: انت كنت فاكر كل حاجة صناعي ولا اي
سيف بعبث: لا طبيعي وفيه حاجات طلعت طبيعي برضو
حركت شمس رأسها بفقدان أمل: مفيش فايدة في قله ادبك دي عمرها ما هتخلص ابدا بطارية السفالة دايما مليانه
*************
عند مصطفى عندما اطمئن على يوسف ورضوي دخل غرفته ليجد آسيا تجلس على الفراش وهي ترتدي منامه قصيره باللون الرمادي فضرب كف على الآخر
-لا حول ولا قوة الا بالله هو انتي مش كنتي مقموصه من شويه ايه اللي جابك بقى
وقفت آسيا ووضعت يديها في خصرها: بقى انا تخوني يا مصطفى فيا اي وحش علشان تبص برا ها
اقترب منها مصطفى ونزع يديها ليضع هو يديه
-مين قال اني خونتك انتي تعرفي عني كده
آسيا بغضب :اومال مين هايدي دي
مصطفى: واحده من العارضات بتحاول تجر معايا ناعم بس والله بصدها بقى انا ابص على المعصعصه دي واسيب الملبن
آسيا بسخريه: طب ولمار
مصطفى: نفس الأمر
آسيا بغيظ وغيره: هما بيبصوا عليك ليه ده انت داخل في الخمسين يعني من سن ابوهم
مصطفى: اي ده اي ده اي داخل في الخمسين دي ميغركيش الكام شعره البيض دول لا انا لسه بشبابي ده انا درش يا بنت الجارحي
رمشت آسيا عده مرات قائله بدلال: اممم طب بقول اي تيجي ننام
مصطفى بعبث: باللي انتي لابساه ده معتقدش
*************
أما ارسلان ما انا جلس في الفراش حتى وجد الباب يفتح لتقول جيسي بتذمر
-انت هيجيلك نوم وانا زعلانه
ارسلان: انتي برضو اللي زعلانه
اقتربت من الفراش وجلست عليه وتمتمت بخفوت
-ايوه انا زعلانه Your sweet is sad
ابتسم ارسلان عليه وسحب رأسها الي أحضانه
-ده انتي مصحياني على صوت صراخك تحت وانا كنت فاكر حاجة حصلتلك وفي الاخر بطل الفيلم بس اخد طلقه
جيسي: صعب عليا اصله كان مز اوي
ارسلان بغيره: نعم
جيسي بدلال: ارسي
ارسلان: عيونه
جيسي: انا عايزه اكل بطيخ
*************
في اليوم التالي كانت شمس في الغرفه وتنظر الي الصور في اللاب وهي تتذكر طفولتها شبابها وعشقها لسيف وايام العناد والاكشن والرعب الذي كانت تواجهه وأيضا ايام الحزن والفرح والضحك والجنون كل شئ مر ايام عينيها كتلخيص لحياتها
دخل سيف ووجدها تنظر إلى اللاب بشرود فقال بمرح
-هغير من اللابتوب علفكره
ابتسمت شمس وهي تنظر إلى عيونه: العمر عدي يا سيف مش عارفه عدي ازاي بكل المشاكل اللي قابلناها
جلس سيف أمامها: عدت زي كل حاجة عدت يا شمس اهم حاجة اننا مع بعض
شمس: سيف هو احنا لو متنا ودخلنا الجنه هتروح للحور العين وتسيبني
سيف: انا مشوفتهمش لسه بس لو هما احلى هاروح واسيبك
ضربته شمس في صدره: كده ظلم وعلفكره زي ما فيه حور عين للرجاله فيه برضو للستات بس رجاله
سيف بضيق: لا والله
سمع الاثنين صوت من الأسفل فنزلا بسرعه ليجدو اسيل وهي تمسك في يدها كيارا
-انا عايزه اطلق وده قرار مفيش رجعه فيه
دخلت جيسي وآسيا خلفها: اه مفيش رجعه فيه
نظر سيف الي شمس: عارفه دول هما اللي هيموتني بدري
*************
Sabreen 🤍