اسطوره النسل (أبناء الجارحي)

15- اخـتـفـاء

الفصل ده بالصلاه على النبي فيه صدمتين اجمد من بعض واحب اقول فيه بنات عرفوا يجيبوا مين هي جيسي وشابو ليهم
صلي على من بكي شوقا لرؤيتنا 🧡
باب التلاجه اتقفل فاتخض حلا وريان
حلا: الحق يا ريان الباب اتقفل
ريان حاول يفتح الباب بس للاسف مش بيتفتح غير من برا وحلا حاولت تتصل بأي حد
'' مفيش شبكه ''
ريان: والباب مش بيفتح
حلا: أحيه يعني احنا اتحبسنا احنا الاتنين لوحدنا والشيطان تالتنا يا لهوي
ريان: مالك يا بت قلبتي علي عصمت ابو شنب كده ليه
حلا: ما هو ده الكلام المناسب للموقف ده
ريان حاول يلاقي مخرج بس للاسف مفيش
حلا حضنت نفسها وقالت: ريان الجو برد اوي
ريان: ياريتني كنت لابس جاكيت كنت لبسهتهولك
حلا قعدت على الأرض وريان لسه بيحاول يفتح الباب وبينادي على اي حد يمكن حد يسمعه بس للاسف الكل كان مشغول بالحريق برا
ريان بص لحلا اللي اتكورت على نفسها وبتترعش بقوه فجري عليها بسرعه
'' حلا يا حلا ''
حلا بتقطع: بـ بر بردانه
ريان: يارب سامحني
ريان حضن حلا يمكن يخليها تدفي شويه وهي استخبت في حضنه
'' هـ هو احنا هنموت يا ريان ''
ريان بضحك :هنموت متجمدين
حلا: أعوذ بالله انت مش بتعمل زي الروايات ليه وتقولي لا يا حبيبتي مش هنموت والكلام ده
ريان بدأ يحس بالبروده فحضنها اكتر وقال
'' علشان دي روايات خياليه اما احنا هنا على أرض الواقع ''
ريان مسك ايدين حلا وكانت بارده اوي وبدأ ينفخ فيهم ويدفيهم
أما برا فبعد ما اشتغل إنذار الحريق كل اللي المطعم اتفزعوا وخرجوا لبرا والكل بدأ يطمن على عيلته في حين قالت عشق بصدمه
'' ريان ريان فين اخوك فين يا احمد ''
احمد: قال انه رايح يعمل مكالمه
رسيل بصت حواليها: حلا يا حلا انتي فين
فهد: حلا كانت في الحمام
فهد وفارس جريوا لجوا علشان يدوروا على حلا بس فيه ناس منعتهم
'' مينفعش تدخلوا في حريق في المطبخ ''
فارس زقه: اختي جوا اوعي
فارس جري بسرعه لجوا ودخل الحمام بس ملقيش حد
أما مراد والباقي كانوا بيدوروا على ريان ومهما يتصلوا به مفيش فايده
عشق ببكاء: ابني فين يا مراد
مراد: اهدي يا عشق ريان مش صغير علشان يتوه
غرام: ممكن يكون لسه جوا
آسيا: وحلا برضو لسه جوا
دخل الشباب برغم منعهم دخول المطعم وبدأوا ينادوا على حلا وريان بس مفيش فايده
عمار: قلبنا المطعم كله مفيش حد
ورد بذكاء: الا المطبخ
الكل جري بسرعه على المطبخ اللي كان العمال بيحاولوا يخمدوا الحريق وكانوا شبه عرفوا يخمدوا وقال واحد منهم
'' انتوا بتعملوا ايه هنا ''
احمد مهتمش وبدأ ينادي: ريــان يـا حــلا يـا ريــان
الشيف: قصدكم على ريان باشا
مراد بسرعه: ايوه انت شوفته
الشيف بص لمحمد وهو ضرب دماغه بايده: يا نهار اسود دول لسه في التلاجه
الكل بصدمه: في ايه
أما في التلاجه كانت حلا قالت بتقطع من البرد
'' تـ تعرف الموقف دده يشبه ايه ''
ريان ضحك بخفوت: في فيلم ابو شنب
حلا: لـ لا حاجة زيه
ريان: فين؟؟!!
حلا: في في تايتنك شكلنا هنموت زيهم
ريان: بس روز ممتش
حلا: بس جاك مات
ريان: انتي عايزاني اموت ولا ايه
الباب اتفتح ودخل فهد وفارس واحمد وشافوا ريان وحلا في ركن وحاضنين بعض فبسرعه فارس جري عليهم بقلق وشد حلا من حضن ريان
ريان بارتعاش: ااخدتها ليه كانت مدفياني
احمد بص نزل لمستواه: ريان انتي سامعني
ريان بص لحلا اللي تقريبا فقدت وعيها وقال بدوخه
'' خرجوا حلا ''
ومن بعدها ريان فقد وعيه
وبعد شويه صحيت حلا وشافت رسيل قدامها وماسكة ايدها
'' ماما ''
رسيل: حبيبتي انتي كويسه يا روحي حاسه بحاجة
حلا: اه كنت حاسه انتي كنت هموت من البرد
رسيل بمكر: ازاي كنتي انتي وريان في التلاجه
حلا بتوتر: انا يعني.... يعنى
رسيل بضحك: خلاص خلاص وشك احمر اوي عامه يعني ريان قال كل حاجة
حلا بلعت ريقها: كل حاجة كل حاجة
رسيل: انتي هتستهبلي يا بت ما الكل عارف اني ريان بيحبك
حلا بهيام: وهو شخص بتحب بصراحة
رسيل ضربتها على رأسها: طب يا روح امك بلاش نحنحه كده قدام ابوكي واخوكي
حلا: ماشي بس هو ريان فين هو كويس
رسيل: كويس يا اختي وواقف برا مستنيكي تفوقي
حلا بسرعه: طب دخليه طيب
رسيل: انتي واقعه خالص
البنات دخلوا وقالت طيف: بقى يا معفنه الواد يجيبلك شوكولاته قوم تتحبسوا في التلاجة
رحيل بدراما: والله اعلم حصل ايه
حلا: وربنا ما حصل حاجة
فجر: يعني محصلش حاجة كده ولا كده
حلا: لا طبعا
غرام: ولا حتى قولتي I love you
حلا: لا برضو
آسيا: يا خايبه
داليدا: خايبه ايه انتي كمان دول كانوا محبوسين في التلاجه هما كانوا في عشاء رومانسي
حلا: قوليلهم بالله عليكي ده انتي العاقلة الوحيده اللي فيهم
آسيا رفعت حاجبها: ايه ده ايه ده يعني انا مش عاقله
اسيل: هو انتي المفروض عاقله كده
ورد دخلت وقالت بضحك: عامله ايه يا موكوسه الواد مش بس جابلك شوكولاته لا وكان حضنك علشان البرد واضّرب علشانك وفي الاخر متقوليش اي كلمه تبلي ريقه
حلا: لحظه بس اضّرب فين
لين: فارس اداله بوكس انما ايه عجب نفسي احمد ياخد بوكس زيه
غرام: اه وعمار كمان علشان قربت اطق منه
فجر: انتي بتحبيه ولا ايه
غرام: للأسف بس هو ولا هنا
ورد: طب سيبي الموضوع ده عليا
غرام بفضول: هتعملي ايه
ورد: لا مش دلوقتي سيبني اتكتك لخطه حلوه كده ومبقاش انا هتلر اما خليتوا يعترف
لين بحماس: طب لو نجح الموضوع ابقى اعملي خطه ليا انا
داليدا: كلكم واقعين جاتكم نيله
تليفون ورد رن فخرجت علشان ترد وراحت بعيد وقالت
'' الو يا مصيبه ''
جيسي: مصيبه تاخدك
ورد: عايزه ايه
جيسي: لا بفكرك بس اني بكره السبت تجمع عائلي
ورد: منستش علفكره
جيسي: طب كويس سلاموز القاكي بكره
ورد: سلام يا أختي
-انتي بتعملي اي
ورد بفزع: ياماااااااااا فيه ايه يا عم انت فيه حد يخض حد كده
ليث: اسف اسف بس لقيتك في ركن كده وبتعملي حاجة
ورد: وانتي مالك انت
ليث ضرب كف على كف: انتي لو رديتي زي الناس يحصلك حاجة
ورد: اه غلط على صحتي وهش بعيد هنرش مياه يلا بقى
           ~~~~~~~~~~~~~~~~
رجع الكل البيت نروح بقى عند آسيا اللي كانت بتراجع مع يوسف الدروس
'' يا ابني ما تحل يا ابني ''
يوسف: يوووه بقولك ايه يا وليه متصدعيش دماغي
آسيا بذهول: وليه.... مسكته من التيشيرت بتاعه وهزته بغيظ وليه في عينك يا عديم التربيه يا حيوان انت يلاه مين اللي علمك الألفاظ دي هو مفيش غيره ليث الكلب
يوسف: انتي بتسألي وبتردي على نفسك
آسيا كانت هتتكلم بس سمعت صوت فتح الباب تحت نزلت ولقيته مصطفى وباين عليه الإرهاق فراحت ليه بسرعه
'' مصطفى انت كويس ''
مصطفى ابتسم بهدوء/ انا كويس بس مصدع شويه بسبب شويه مشاكل في الشغل
آسيا شدته وقعدت على الكنبه وخلته ينام وحطت رأسه على رجلها وبدأت تدلك رأسه بهدوء وهو ابتسم وغمض عيونه
'' كنتي بزعقي ليه ''
آسيا بغيظ: من ابنك اللي مترباش ده بيخرجني دايما عن شعوري
مصطفى: بيحب يشاكسك
آسيا: وانا بحبه والله
مصطفى بغيره: لا متحبيش غيري انا
آسيا: يا لهوي على الناس اللي بتغير
يوسف من وراهم: يا لهوي على المحن
مصطفى: بتعمل ايه يا حيوان هنا
يوسف: عتشان فنزلت اشرب بلاش اشرب يعني
آسيا: عتشان وهي اسمها عتشان
مصطفى: لا اسمها عطشان بالطاء
آسيا: هو انا هلاقيها منك ولا من ابنك
مصطفى: هو انا عملت حاجة
           ~~~~~~~~~~~~~~~~
عند فجر كانت قاعده في البلكونه ومستنيه رعد زي كل يوم وفعلا رعد جيه وكان شايل طبق بس متغطي
فجر: اخيرا جيت
رعد: مستعده لطبق اليوم
فجر ابتسمت بحماس: مستعده طبعا
رعد شال الغطاء وقال بكوميديا: تاتاتااااا
فجر شمت الريحة بس حاولت تكدب مناخيرها
'' هو ايه ده ''
رعد بفخر: عدس
فجر ابتسامتها اختفت: نعم يا عينيا عدس
رعد: ايه ماله وبعدين انتي تعرفيه
فجر: اه يا اخويا اعرفه واعرفه اوي كمان هو فيه حد ميعرفش العدس ده خالد كان فيه يوم مخصوص بيعمل فيه عدس كل أسبوع
رعد بإحباط: يعني مش عايزه
فجر: لا استنى عدس عدس انا جعانه اصلا هات
رعد ابتسم واداها رغيف عيش وبدأ ياكل معاها بسعاده هو نفسه مستغربه بس اللي يعرفه ان هو بيحب يقعد معاها ويفضلوا يتنمروا على الناس في الشارع واحيانا بيعملوا فيهم مقالب
أما جوا الاوضه كانت داليدا غمضت عيونها ولسه كانت هتروح في النوم وصلت رساله لتلفيونها مهتمتش وغمضت عيونها تاني بس جات رساله تاني فاتعدلت بضيق وفتحت الوتساب ولقيت رساله من رقم غريب بتقول
'' احم احم اسف لو برزل بس حبيت اتطمن عليكي ''
داليدا: ده مين الرخم اللي بيستظرف ده
داليدا قرأت الرساله التانيه وكانت بتقول
'' الصبح كان باين انك تعبانه هي للدرجه دي بطنك وجعاكي ''
داليدا بدهشه: فارس
كتبت: انت جبت رقمي منين ثم ازاي تتجرأ وتسال سؤال زي ده
فارس قرأ رسالتها وحس بالاحراج من نفسه بس كان عايز يطمن عليها فقال
'' جبت رقمك منين دي مش هقولك عليها +انا اسف لو احرجتك بسؤال زي ده ''
فارس شاف الرساله بقى عليها علامتين زرق وده معناها انها قرأتها بس مظهرتش انها بتكتب وفضلت وقت كده وكان هو هيقفل التليفون بس لمح تحت اسمها يكتب الآن فاتعدل وهو متحفز يعرف ردها واللي وصل وقرأ بسرعه
'' هو فعلا إحراج وخصوصا اني معرفكش مينفعش تسأل سؤال زي ده ''
فارس فكر شويه يبعتلها ايه فكتب: طب ممكن اتعرف
داليدا: هو انت فاضي ولا ايه
فارس بصراحة: اه ينفع أغلس عليكي في الشات شويه
داليدا ابتسمت وتشعر بمشاعر غريبه ربما لأنها في العاده الشهريه ذات التقلبات المزاجيه ربما
'' وماله ''
بدأت داليدا تتكلم هي وفارس على الشات فرحيل صحيت بضيق
'' فيه ايه يخربيت التكتكه ''
داليدا/ مش عاجبك اتخمدي في حته تانيه
رحيل اتعدلت وجابت مياه وشربت وبصت على البلكونه
'' واحده بتحب في البلكونه والتانيه على التليفون انا اروح أكل احسن ''
رحيل نزلت ودخلت المطبخ ولقيت طبق بسبوسه فاخدته وبدأت تاكل بس سمعت صوت جاي من برا فبكل كل تسرع وغباء سحبت طاسه وهوب ادت الشخص ده على دماغه بها وده ما كان الا غيث اللي صرخ بوجع وهو ماسك رأسه
'' اااااااااااه ''
رحيل رمت الطاسة/ اوبس
وبعد شويه كانت رحيل ماسكه القطن وبتمسح الدم اللي على رأس غيث وغيث بيولول
'' منك لله حسبي الله ونعم الوكيل ''
رحيل: ما خلاص يا عم قربت اتسخط ما قولت اني مكنتش اعرف انه انت كنت فكراه حرامي مثلا
غيث: حرامي في رمضان يا سلام
رحيل بضحك: ياما هو حرامي هيخاف ياخد ذنب انه رمضان يعني
غيث سكت وركز في ضحكتها قد ايه جميله اما رحيل اخدت بالها واتحرجت
'' مش فاضل غير اللاصقه اتفضل ''
غيث/ حطيها انت
رحيل: انت هتستهبل ما تحطها لنفسك
غيث: مش انتي اللي ضرباني ده انا المفروض اشتكيكي
رحيل بسخريه: ليه يعني اومال لو ضربتك بالنار
           ~~~~~~~~~~~~~~~~
عند شمس كانت نايمه على السرير وهي بتفتكر أحداث من الماضي
Flash back
من اكتر من 16 سنه
شمس كانت تعبت فراحت للدكتوره وكان معاها سيف
'' ها يا إسراء مالها ''
إسراء: مبروك يا سيدي المدام حامل
شمس بفزع: حامل ايه ده ليث لسه مكملش 3 شهور
إسراء كتمت ضحكتها: من الواضح اني الرحم مش عايز يقعد فاضي
سيف ابتسم بفرحه يقدر يجرب دلوقتي شعور اني مراته تبقى حامل
'' مبروك يا حبيبتي ''
شمس: مبروك ايه يا سيف مش هقدر استحمل انا
سيف رفع حاجبه: مش هتقدري ايه ده انا بخطط نجيب 4 او 5 كمان
شمس: ليه يعني ارنبه مثلا وبعدين ده انا مش عارفه انام من زن ليث طول الليل هتحمل ازاي الاهتمام بليث وانا حامل
سيف فكر شويه فعلا هيبقى صعب اوي عليها ده قرب منها ومسك ايديها بحنان
'' هجيب داده تاخد بالها من ليث انتي بس خلي بالك من صحتك ومن صحه بنتنا  ''
شمس: بنتنا ايه انت هتفتي من دلوقتي
سيف بعشق: انا حاسس انها هتبقى بنت
Back
شمس مسحت دموعها ونامت على جنبها لما سمعت صوت فتح الباب ودخل سيف وانتهد بحزن على حبيبته وعيلته وقرب من شمس اللي كانت مدياله ضهرها
'' شمس عارف انك صاحيه ''
شمس مردتش وسيف لفها له/ مش عايزه تبصيلي ليه
شمس بوجع: انا قلبي مجروح اوي انا بقيت ضعيفه اوي يا سيف مبقتش الشيطان اللي الكل بيخاف منها
سيف مال عليها وباسها بحنان: لا انتي مش ضعيفه لا عمرك كنتي ولا هتكوني
شمس بانكسار: كان نفسك يبقى عندك 5 اطفال بس للاسف مقدرتش
سيف: ربنا عايز كده واحنا منقدرش نعترض ولا حتى نقول لا نقول بس الحمد لله
شمس غمضت عيونها: الحمد لله
سيف ابتسم وباس جبينها: شطوره
شمس دخلت في حضنه وغمضت عيونها بنعاس وسيف غمض عيونه علشان ينام هو كمان
أما في اوضه ليث جنبهم كان ليث واقف في البلكونه وهو سرحان في السماء بس شاف واحده لابسه كاب ابيض وشنطة ضهر وهي ماشيه في الضلمه تحت بس اللي لفت انتباهه هي الشنطه تشبه شنطه الضهر بتاعت ورد هز رأسه بعدم اهتمام
'' يعني هي الوحيده اللي معاها الشنطه دي اكيد واحده تانيه ''
أما عند البنت دي وكانت فعلا ورد بعد ما خرجت من الحاره اخدت نفس عميق وقالت
'' والان عدت ايملي ''
           ~~~~~~~~~~~~~~~~
في الصباح
ليث لاحظ اني الكل موجود معادا ورد فقال
'' اسيل هي ورد فين ''
اسيل: النهارده السبت مش هتلاقيها
ليث: ليه يعني ايه علاقه يوم السبت بأني الاقيها
داليدا: ورد بتختفي يوم الجمعه بالليل ومش بتظهر غير بعدها بـ24 ساعه يعني هترجع السبت بالليل
شغف: ايه الهبل ده معلش وده ليه يعني
خالد: هي كده من يوم ما عرفناها هي وميرال وهما بيختفوا يوم السبت
عدي: طب وانتوا ليه محاولتوش تعرفوا هما بيروحوا فين
اسيل: حاولنا كتير اوي تخيلوا 6 أشخاص بيجروا وراء طفلتين عندهم 13 سنه وفي الاخر اختفوا مننا زي ما بيقولوا كده فصل ملح وداب
سيف بتركيز: هو انتوا عرفتوهم لما كان عندهم 13 سنه
فجر: ايوه كانت معرفه غريبه اوي 
اسيل بشرود: كانت تصرفاتهم غريبه وكلامهم أغرب كنت حساهم مش طبيعين بصراحه
شمس: طب انتوا سألتوهم بيختفوا فين
داليدا: اكيد طبعا وردهم كان زي كل مره أسرار
آسيا: طب احنا ليه عمرنا ما شوفنا اللي اسمها ميرال دي
اسيل: سألت ورد تاني وقالت نفس الكلام اللي قالته لخالد هي دلوقتي مشغوله وهترجع بعد ما تخلص هو عامه لما تختفي واحدة كتير التانيه بتظهر ولما الاتنين بيختفوا بياخدوا وقت لحد ما يرجعوا يعني مش اكتر من 3 ايام كده متقلقوش هيرجعوا هما الاتنين
ليث اضايق اوي: ليه الغموض ده كله
           ~~~~~~~~~~~~~~~~
أما في تل ابيب وبالتحديد في قصر ستليتون
دخلت واحده في العقد الرابع وهي ماشيه بكل غرور لحد ما وصلت لاوضه كبيره كان فيها
روما وستيف وجايكوب وكمان جاسبر
روما بسخريه: استغرقتي كثيرا لكي تأتي آمنه
آمنه بزهق: ماذا هناك
ستيف بمكر: اني شمس كانت هنا هي وسيف
آمنه بخوف: ماذا لـ لكن لكن ماذا يفعلان هنا
جاسبر: قد وصلوا إلى خالد وقد اخذوه
آمنه حست بالرعب الشديد: ان وصلوا إلى خالد سوف يصلوا الينا
جايكوب ابتسم بخبث: ان علمت شمس انك انتي من قومتي بخطفها وأيضا اخذتي ابنتها سوف تقوم بتقطعيك الي قطع صغيره ورميها الي الكلاب
آمنه حاولت تتصنع القوه: لكن انتم وعدتوني ان قمت بجلب الفتاه لكم سوف تقوموا بحمايتي
روما باشمئزاز: أجل سوف نفعل يجب الا تغادري القصر حتى تكوني بأمان
آمنه: حسنا لكن لدي سؤال
جايكوب ببرود: ماذا
أمنه: ما اخبار إدوارد
نظرت لها روما نظره مخيفه: اخبرتك الا تسألي عنه مهما حدث
جاسبر: اهدي عزيزتي لا نزال نضع الي إدوارد تلك الحبوب حتى يزال في الغيبوبه
(تاتاتااااا إدوارد حي صدمه شديده انا عارفه)
آمنه: انا لا اعلم كيف بدلتم الطلقات في مسدسه بطلقات مزيفه وبها مخدر
روما بتكبر: شئ لا يخصك
جايكوب ببرود: هذا يوم اجتماع العائله وبالطبع ايملي قد اتت هي وجيسي
جاسبر: لكن جيسي لم تكن مع ايملي كانت مع ارسلان في فرنسا
جايكوب: حقا حسنا هيا بنا
           ~~~~~~~~~~~~~~~~
طبعا كلكم تهتوا في عيله ستليتون وكمان مش فاهمين ايه العداوه الغريبه اللي ما بينهم هشرح ليكم عيله ستليتون
روجر ده الجد الأكبر وهو بدايه العداوه وكانت عداوه مع علي الألفي روجر كان عنده 3 اولاد اكبرهم هو روبرت وده كان بيحب حياه علشان كده عداوه كانت مع حسن وده يبقى ابو إدوارد وروما وكان فيه اخ تاني ليهم بس شمس قتلته تمام لحد هنا
الولدين التانين أبناء روجر واحد فيهم يبقى جديف وده يبقى ابو هاري اللي كانت متقمص دور كرم وكمان ستيف اللي كان متقمص دور هشام
الولد التالت ده بقى كان معاه ولد وبنت جاسبر وده يبقى زوج روما ماشي البنت التانيه بقى اسمها توليب وخليكم مركزين مع توليب دي علشان مهمه هي اه ماتت بس رغم موتها دورها مهم جدا
ركزوا معايا بالله عليكم انا عارفه اني الشخصيات كتير بس للاسف دي غلطه من اول جزء ووارد الأخطاء وخصوصا اني دي اول روايه أعملها فطبيعي يبقى فيه غلطه بس بحاول اهو على قد ماقدر أوضح وكمان بحاول اقلل من أدوار الشخصيات الفرعيه
المهم كده خلصنا من النسل الأول والتاني ندخل على النسل التالت اللي هما إدوارد وهاري وستيف وروما جاسبر وتوليب واللي عداوتهم كانت مع الوحوش والشياطين
طبعا هاري مات بس قبل ما يموت كان خلف طفلين جايكوب او جاك الاتنين واحد وده عنده 30 سنه ويعتبر له الرأي الرئيسي بما انه اكبر واحد في النسل الرابع وعنده اخ تاني اسمه ارسلان وده طبعا عرفنا عنه
جاسبر وروما عندهم بنت اسمها نورسين
ستيف وده عنده ابن اسم ارثر وده بيحب نورسين ومش راضي لا هو ولا نورسين عن الأفعال اللي بيعملها الكل في عيلتهم
وطبعا كلكم عايزين تعرفوا ايه دور توليب احب اقولكم إدوارد كان متجوز توليب وتوليب كانت بتحبه اوي برغم انها كانت عارفه انه بيحب واحده تانيه بس هي كانت طيبه اوي وماتت وهي بتولد بنتها بس كده هما دول عيله ستليتون
            ~~~~~~~~~~~~~~~~
نروح بقى في حديقه القصر كان قاعد ارثر ونورسين
نورسين: ارثر رأيت آمنه هنا
ارثر: ماذا يا الهي ان علمت جيسي سوف تقوم بقتلها هي لا تقبلها ابدا وبأي شكل من الأشكال
نورسين: ماذا سنفعل اني جيسي وارسلان قادمون
جيسي من وراهم: ما بها جيسي
ارثر ضحك بغباء: جيسي يا صغيره اشتقت لكي
ارسلان ببرود: حقا ارثر
ارثر بلع ريقه بخوف: ماذا ارسلان انا امزح فقد
نورسين ضربته على ضهره: من الجيد انك تمزح
ارثر: حسنا حسنا كفوا عن ضربي اين ايملي
جيسي: الجذمه دي اتصلت عليها وقولتلها تلاقيها جايه في الطريق
ارسلان بتحذير: جيسي اخبرتك الا تتحدثي بالعربيه ونحن هنا أن سمعكِ احد سوف يكون هناك عقاب كبير لكي
جيسي رمشت كذا مره: وهل ستتركهم بعاقبوني ارسلان
ارسلان لعب في شعرها لعلمه انها تكره هذه الحركه
'' لا يا صغيره لن اتركهم يفعلوا هذا ''
جيسي بعدته بضيق: توقف عن هذا ارسلان انا اكره هذه الحركه
ارسلان: حسنا هيا ندخل
ارثر ونورسين بسرعه: لاااااا
جيسي رفعت حاجبها: لما لأ
نورسين: لان... لان لا أحد بالداخل لم يأتي أحد بعد
ارسلان شاور على العربيات وقال :لا تزال السيارات هنا اذن كيف هم ليسوا بالداخل
جيسي دخلت بسرعه لجوا لما حست اني فيه حاجة غلط وفعلا قابلت اكتر شخص بتكرهه على وجه الأرض
'' آمنه ''
آمنه بصتلها بحقد وغضب فهي تمقط جيسي بشده فهي تذكرها بشمس أكثر شخص تكرهه فهي لم تنسي تلك العلامه التي في وجهها بسبب شمس ولم تنسي كل مره قامت فيها شمس بضربها وتلك جيسي ليست فقد تشبهها في الملامح لا وبل أيضا في الشكل فهمست بكره
'' جاتك نيله يا جيسي وانتي شبه امك ''
(تاتاتاااااا ايه رايكم صدمه جامده فحت فوق وتحت جيسي هي بنت شمس بوووم 🔥 )
           ~~~~~~~~~~~~~~~~

Sabreen 🧡